Home Amakuru y'ibanze Tanzania: Abapadiri 25 n’Ababikira 60 bapfuye mu mezi abiri

Tanzania: Abapadiri 25 n’Ababikira 60 bapfuye mu mezi abiri

by Ali Gilbert Dunia
0 comment

Ababikira 60 n’abapadiri 25 barapfuye muri Tanzania mu mezi abiri ashize  ,nyuma yo kwerekana ibimenyetso bya coronavírus, nk’uko byamenyeshejwe na Kiliziya  Katorika muri icyo gihugu.

Iyo Kiliziya, yari isanzwe imaze kuvuga cyane ku byerekeye iyo ndwara mu gihugu kiri muri bike kw’isi bidashira ahabona amakuru ajyanye nayo, byatumye  abanyaTanzania batubahiriza  cyane ingingo zo kuyirinda.

Prezida Magufuli ntiyemera ko iyo ndwara iteye ikibazo muri icyo gihugu, yanze  no gufata inkingo zo kuyirwanya – mu kwezi gushize  naho umuyobozi ubuzima  bw’ abantu yavuze ko reta nta mugambi ifite wo gutanga urukingo.

Ariko Padiri Charles Kitima, umunyamabanga w’inama y’abepiskopi muri Tanzania (TEC) – ihuriro ry’abepiskopi ba Katorika, yavuze ko Covid-19 ari ukuri muri Tanzania.

Yavuze ko adashobora kwemeza ko abo bihaye  Imana bishwe na Covid-19 kuko batapimwe, n’ubwo berekanye ibimenyetso byose byiyo ndwara birimwo “ibibazo  byo  guhumeka”.

Padiri Kitima ati: “Abantu ntibapimwa. Iyo ni imbogamizi ikomeye. Kiliziya ifite amavuriro asaga 500 mu gihugu ariko ntitwemerewe  gupima kandi nta bikoresho dufite byo kubikora.”

Yavuze ko Kiliziya yabonye ko imvugo y’abategetsi muri reta yahindutse ku byerekeye ingingo zo kwirinda Covid-19, ariko avuga ko abantu batari bake batubahiriza izo ngingo kuko ntabihano biteganyijwe  ku babirengaho.

Bubaye ubwa kabiri Kiliziya Katorika ishyira ijwi hejuru ku bijanye n’ukugeramirwa n’icyorezo cya coronavirus mu gihugu, ivuga ko mu kwezi kwa mbere yari yabonye ubwiyongere bw’ abapfa mu ma paruwase yayo.

Bbc yavuze ko “Tanzania ntamibare yibijanye na Covid-19 iratanga kuva mu kwezi kwa gatanu mu mwaka ushize. Ishami rya ONU ryita k’ubuzima kw’isi OMS rimaze gusaba kenshi icyo gihugu kubikora – no guhindura aho gihagaze ku rukingo  ubu ziri gutangwa hirya no hino  biciye mu mugambi wa Covax.

 

 

You may also like

Leave a Comment