Gutanga icyacumi ni ibintu bidakunda gukorwa cyane n’abakristu bo muri leta zunze ubumwe z’Amerika. Abapasitoro bamwe bemera ko urusengero ruba rutakoze neza akazi karwo ko gusobanurira abantu umumaro wo gutanga icyacumi kubyo binjije.
Pasitoro mukuru Glen Packiam wo mu itorero ryitwa New Life Downtown ryo muri leta ya Colorado avuga ko abapasitoro batavuga icyacumi mu buryo buboneye, kuko basaba icyacumi ku itegeko kandi bakagisobanuro mu buryo buhanitse.
Pasitoro mukuru w’ikirenga Daniel Grothe wa New Life nawe ati abapasitoro benshi batanga ubutumwa ku cyacumi bavuga ngo “icyo ubibye nicyo uzasarura”.
Ikibazo cyubu butumwa nuko byose babikwerekezaho ariko ntibatekereze uko rubanda babayeho.
Pasitoro Daniel Grothe we avuga ko byose tugomba kubikora kuko Imana idukunda,ati kuko waba uhangayitse cyangwa udahangayitse ibuka ko hari abapfakazi n’abana bato b’impfubyi babaye kukurusha. Rero duhurije hamwe ubushobozi bakwishima kandi natwe tukabiboneramo umugisha.
Nanone ubushakashatsi bwakozwe n’itsinda ryitwa Life Way ryagaragaje ko abantu 83% bajya gusenga muri leta zunze ubumwe z’Amerika ari itegeko ya bibiliya riri gukoreshwa uyu munsi.
Gusa abo bajya gusenga, nibura abajya gusenga rimwe mu kwezi 54% gusa nibo batanga icyacumi kubyo binjije.
Pasitoro Glen Packiam avuga ko ari ibintu byumvikana cyane kuba abantu benshi batinya gutanga icyacumi kubera ko batizera insengero basengeramo uburyo zikoreshamo amafaranga.
Kuko abakristu bagiye babona cyane abapasitoro bacunga nabi umutungo w’itorero, ahubwo bakayuzuza kuri konti zabo ndetse bikarangira ntacyo bafashije abakene.
Gusa ku rundi ruhande abakristu batakaje icyizere turabumva. Ariko tugomba kubibutsa inshingano bafite zo gukora umurimo w’Imana, bakorera mu mucyo bakubahiriza inshingano zabo.
Abapasitoro bo muri leta ya Colorado bavuga ko amafaranga atangwa n’abakristu agenewe gukemura ibintu abantu bakeneye.
Pasitoro mukuru Brady Boyd wo muri New Life yizera ko buri muyoboke wese w’itorero rye atanze icyacumi yaba nibura akemuye ikibazo cy’umupfakazi umwe utagira aho aba mu gace ka El Paso.
Brady Boyd akomeza avuga ko mu mujyi batuyemo wa Colorado hari abantu barara bahangayikishijwe nuko urusengero rwabo hari ibyo rubura kandi rubikeneye.
Abapasitoro bo muri Colorado bakomoje ku bizera bo hambere bavugwa mu gitabo cy’Ibyakozwenintumwa, bagaragaza umumaro wo gutanga mu rusengero.
Mu byakozwe n’intumwa 4:32-35 bavuga ko: “abizera bose bari bamwe mu mutima no mu mitekerereze. Nta wafataga ibintu ngo abyikubire abigire ibye, ahubwo basangiraga ibyo bafite. Hamwe n’imbaraga n’umurava mwinshi, intumwa zakomeje guhamya izuka rya Yesu. Urukundo n’imbaraga z’Imana zakomeje kugendana nabo mu byo bakoraga byose. Umunsi ku munsi abantu bagurishaga ubutaka cyangwa amazu yabo, bakazana amafaranga bayagurishije bakayashyira ku birenge by’intumwa, ubundi agasaranganywa ku bayakeneye bafite ibibazo.
Pasitoro Grothe ati abakristu bo hambere bagiraga kwitanga ndetse no mu bihe bikomeye.
Ntushobora kwiyumvisha uburyo nyuma ya Yesu, gutanga icyacumi byatangiye gkugenda bigabanuka. Kuko abantu batangiye kutabyitaho, ahubwo basigaye bumva bakwizera imana ariko nta muhuza bagikenera.
Gutanga ni kimwe mu bigize uturemangingo (DNA), tw’abakristu kubera uwo Imana iriwe. Imana yatanze umwana wayo w’ikinege (Yesu), Yesu nawe atanga ubuzima bwe ku bwacu, abakristu nabo baremwe mw’ishusho y’Imana.
Pasitoro Grothe ati gutanga ni byiza kuko bihuza ibikomerezwa n’abaciriritse, kuko iyo umuntu atanze asanzwe ari umukire bimuhuza nuciriritse ugomba guhabwa. Mu gihe iyo gutanga bitabayeho hagumamo intera nini hagati y’abafite n’abadafite.
Pasitoro Boyd avuga ko iyo abakene babana ubwabo nta mukire ubarimo nibwo bagaragaza imbaraga z’itorero, ari nayo mpamvu ijanisha ryo gutura icyacumi mu bakene riri hejuru kuko bazi agaciro k’itorero mu buzima bwabo.
Agakomeza avuga ko uko abantu bakira niko n’umubano hagati yabo ugabanuka, niyo mpamvu tugomba gukomeza gutanga kugirango umubano wacu n’abakene wo gucika.
Pasitori Packiam we avuga ko gutanga ituro ari igikorwa cyo kuramya Imana kandi n’impano uba ugeneye Imana isobanura ko ibintu byose ari iby’uwiteka.
Pasitori Boyd akomeza avuga ko gutanga icyacumi hari ubwo bigorana, cyane nk’iyo umuntu atagifite akazi cyangwa se afite ikindi kibazo gikomeye mu buzima. Icyo gihe bisaba ko abandi basigaye mu itorero bitanga bagatura nkuko bikwiye kugirango bite kuri abo bafite ikibazo.
Pasitoro Boyd avuga ko gutanga icyacumi no kwitanga muri rusange bihindura ubuzima bw’abantu benshi.