Home Amakuru y'ibanze Ihuriro ry’amadini n’amatorero ryatangaje ko rikomeje gushyira imbaraga mu bikorwa by’ubumwe n’ubwiyunge

Ihuriro ry’amadini n’amatorero ryatangaje ko rikomeje gushyira imbaraga mu bikorwa by’ubumwe n’ubwiyunge

by Ali Gilbert Dunia
0 comment

Ukwezi k’Ukwakira ni ukwezi kwahariwe ibikorwa by’ubumwe n’ubwiyunge mu Rwandahose. Muri uku kwezi hakozwemo ibikorwa bitandukanye bigamije kwimakaza ubumwe n’ubwiyunge bw’abanyarwanda.

Amadini nka rumwe mu nzego z’abafanyabikorwa ba leta nayo ntiyasigaye inyuma muri uru rugendo kuko adahwema kugira uruhare mu bikorwa bitandukanye bigamije gusigasira ubumwe n’ubwiyunge.

Mu kiganiro n’abanyamakuru cyabaye kuri uyu wa kane tariki ya 24 Ukwakira 2019 ,Ihuriro ry’ammadini n’amatorero mu karere ka Kicukiro ryabwiye abanyamakuru ko uku kwezi gusize hari ibikorwa byinshi amadini yo muri Kicukiro akoze .

Ariko kandi ngo ni ibikorwa bihoraho ko bashyize muri gahunda zabo za buri gihe  bakaba barashyizeho amahugurwa y’isanamitima kubufatanye n’umuryango Rabagirana Ministries ndetse hakaba hari n’ibindi bikorwa bifatika bakorana bituma abantu bakomeza gukira ibikomere.

Pasiteri Mukiza Joel( iburyo) , umuyobozi mu Karere(hagati) Dr Joseph Nyamutera.

Pasiteri Mukiza Joas ukuriye iri huriro yakomeje avuga ko ibi bikorwa bizakomeza bityo ihuriro ayoboye rigakomeza gukora uruhare rwaryo mu gutuma abanyarwanda bagera ku bumwe n’ubwiyunge bwuzuye.

 Umuyobozi mu Karere, Dr Joseph Nyamutera.

Dr Joseph Nyamutera Umuyobozi Mukuru wa Rabagirana Ministries nawe yunze murye avuga ko  umuryango ayoboye umaze igihe kitari gito ukorana n’akarere ka Kicukiro,  ndetse n’ihuriro ry’amadini n’amatorero muri gahunda z’isanamitima n’ubwiyunge ndetse ko biteguye kongeramo imbaraga ku bufatanye n’inzego z’ubuyobozi mu karere ka Kicukiro.

Uyu muyobozi kandi yavuzeko hakiri imbogamizi mu madini n’amatorero aho usanga umuntu afite ibikomere ariko agatwara mu kigare cyangwa ntiyitabweho by’umwihariko , ahanini bitewe n’ubumenyi buke bw’abashumbye amatorero bityo bikagorana ko ibikomere bikira neza.

Mu magambo ye yagize ati :” abanyamadini aho bari hose bakwiriye gukomeza kumva ko ari inshingano zabo kwita ku ntama zikomeretse ndetse no gushaka uko abataragera ku bwiyunge babugeraho binyuze mu buryo butandukanye burimo n’ubwo bakoresha.

Umukozi w’akarere ka Kicukiro ushinzwe imiyoborere myiza Muhikirwa Aaron wari uhagarariye akarere muri iki kiganiro yashyimye cyane imbaraga za forum y’amadini n’amatorero ku bufatanye na Rabagirana Ministries bakomeje gushyira muri uyu murimo w’ubumwe n’ubwiyunge anavuga ko akarere ahagarariye gakomeje gukora iyo bwabaga kugira ngo abaturage bako bagere ku rwego rwiza mu bipimo bitandukanye by’ubumwe n’ubwiyunge.

Uyu muyobozi kandi yavuze ko iki kiganiro n’itangazamakuru kimwe n’ibindi bikorwa bakorana n’aba bafatanyabikorwa ari bimwe mu ngamba zizafasha akarere ka Kicukiro kuza mu myanya y’imbere muri gahunda z’ubumwe n’ubwiyunge.

Ubu bamaze gushyiraho inteko z’ubumwe n’ubwiyunge kugeza ku rwego rw’umudugudu ibintu ubusanzwe byagarukiraga kurwego rw’umurenge. Izi nteko ngo zishinzwe gushyiraho gahunda y’ibikorwa,kugenzura aho ibikorwa by’ubumwe n’ubwiyunge bigeze ndetse no kurebera hamwe uburyo bahangana n’imbogamizi.

Iki kiganiro cyari cyateguwe na Forum y’amadini n’amatorero mu karere ka Kicukiro kubufatanye na Rabagirana Ministries ndetse n’akarere ka Kicukiro muri gahunda y’ukwezi kwahariwe ubumwe n’ubwiyunge.

You may also like