Home Amateka Imvo n’imvano y’ishingwa ry’Umuryango “Sionisme”

Imvo n’imvano y’ishingwa ry’Umuryango “Sionisme”

by KATABARWA Gilbert

Bitewe n’itotezwa rikabije Abayuda bakorerwaga, bageze mu mwaka wa 1897 basa n’abashize ubwoba. Ubwo nibwo bashinze Umuryango ubahuza witwa Sionisme. Inama yawo ya mbere yateraniye I Bare mu gihugu cy’Ubusuwisi, ku itariki ya 29 Nyakanga 1897, iyobowe na Tewodori Hertz.

Iyo nama yize ibintu bitatu bikomeye: Gushyiraho ku mugaragaro Umuryango (Communaute), w’Abayuda muri Palestina, ukamenyekana mu rwego mpuzamahanga. Ngo ibyo bitume amahanga yose amenya ko hari Abayuda batuye muri Palestina nyuma y’imyaka myinshi.

Harimo gutegura inama mpuzamahanga y’Abayuda baba mu bihugu byose, cyane cyane iby’ I Burayi. Ndetse harimo no kumenyekanisha ku mugaragaro, Umuryango wa Sionisme. Uyu muryango ukimara kujyaho, wongereye Abayuda imbaraga n’icyizere cyo gutuma batahuka ari benshi. Kuko wanashyizeho ikigega cy’amafaranga yo gufasha abatahuka mu rwego rwo kubagurira ubutaka muri Palestina.

Ikindi kintu cyasunitse Abayuda bakagira imbaraga, ni icyiswe “Déclaration Barfour”. Iyo declaration, ni ibaruwa yanditswe na Lord Arthur James Barfour wari Minisitiri w’ububanyi n’amahanga w’Ubwongereza, ayoherereza Lord Walt Rothschild wari Umuvugizi w’Abayuda bo mu Bwongereza, ku itariki ya 2 Nzeri 1917. Iyo barwa yari yanditswe ngo:

Nshuti Lord Rothschild,

Mfite umunezero wo kubagezaho mu izina rya Guverinoma ya Nyir’icyubahiro, Uku kuvuga tweruye (Déclaration) ko dushyigikiye mu buryo bwimazeyo, ibyifuzo by’Abasioniste batanze. Guverinoma ya Nyir’icyubahiro iremera rwose ko habaho Umuryango w’Abayuda mu rwego rw’igihugu muri Palestina.

Kandi ibishoboka byose bizakorwa, mu rwego korohereza iyo ntego ngo igerweho. Nta na kimwe kizakoma uwo mugambi imbere, bwaba ubuyobozi bwa gisirikare cyangwa ubw’idini cyangwa indi miryango itari iy’Abayuda. Ndangije mbasaba kugeza iyi Déclaration ku bagize urugaga rwa Sionisme bose.

Aya mateka dukesha urubuga “www.aljazeera.com” n’igitabo “Ibanga rikomeye rihishwe mu burasirazuba bwo hagati” avuga ko igihe iyo Declaration yasohokaga, Abongereza nibo bari bafite imbaraga n’ubushobozi mu burasirazuba bwo hagati. Ibyo byose byongereye Abayuda imbaraga n’icyizere barushaho gutahuka.

Ndetse n’Umuryango wabo Sionisme wari washyizeho n’ikigega cy’amafaranga agenewe kugurira ubutaka abo bose batahukaga muri Palestina. Ku buryo mu mwaka w’1922 habarurwaga Abayuda bagera ku 60 000, Abarabu bagera ku 570 000, hamwe n’andi moko y’Abakristo bagera ku 75 000.

 

You may also like

Leave a Comment