Tugiye gutangira inkuru yacu, ntabwo ari ndende cyane ariko harimo byinshi kandi byiza, muzagenda murushaho kubyumva uko muzagenda muyisoma. Ntibizabe ibyo gusoma gusa ahubwo niwumvamo icyiza kirimo kizakubere isomo. Mureke dutangire inkuru yacu…..
Nitwa Carine ndi umukobwa w’imyaka 21, narangije amashuri yisumbuye ubu ndi mu mwaka wa kabiri wa kaminuza. Mvuka mu muryango ukize cyane kandi mugari, papa na mama baracyariho. I wacu turi abana b’abakobwa batatu, njye nkaba ndi umwana wa kabiri.
Mukuru wanjye yitwa Aline afite imyaka 24, we yarangije kaminuza ubu afite akazi keza. Umuto muri twe yitwa Lyvine afite imyaka17 akaba akiri mu mashuri yisumbuye.
Umunsi umwe ubwo navaga ku ishuri ari mu masaha ya ni mugoroba, ngeze muri karitsiye z’iwacu nibwo naje kwibwa isakoshi n’abasore babiri kuko wabonaga bandusha imbaraga, nagerageje gusakuza nuko inyuma yanjye mbona haturutse undi musore wa gatatu arabirukankana n’ubwo wabonaga bageze kure.
Mu isakoshi yanjye hari harimo amafaranga ibihumbi 200 na telephone yanjye, gusa icyari cyimbabaje cyane yari telephone yanjye. Nategereje igihe kingana n’isaha nziko wa muhungu wundi wanturutse inyuma agiye kubamfatira, gusa nawe ntiyaje kugaruka.
Narihanganye ndataha ngeze mu rugo mbatekerereza uko byagendekeye, ntibyigeze bibatera ikibazo cyane kuko njye naje ndi muzima. Bukeye bwaho papa yahise ansinyira sheke y’ibihumbi 500 ngo njye gushaka indi telephone, ndagenda ngura telephone imeze nkimwe nari mfite gusa nari nkibabajwe na ya yindi yibwe kuko nabikagamo ibintu byinshi.
Nahise niyemeza kutazongera guca muri ya nzira ntangira guca mu yindi. Icyo ntari nzi ni uko umunsi wakurikiye uwo banyibiyeho, wa muhungu wa gatatu wirutse kuri bamwe babiri yari yaje kuntegereza ngo ansubize isakoshi yanjye n’ibintu byose byari birimo.
Hashize nk’icyumweru uwo muhungu aza kuntegereza atambona, gusa umunsi banyibiyeho sibwo bwa mbere we yarambonye ahubwo n’indi minsi yajyaga ambona ariko atazi aho ntuye. Kuntegereza byaramurambiye nuko afata ya sakoshi ntakintu na kimwe avanyemo aragenda iyihisha aho yabaga kuko yumvaga ko isaha ni saha azambona akayinsubiza.
Hashize ibyumweru bibiri ndi muri bisi, naje kumva abantu bavuga ku by’umukobwa wibwe isakoshi irimo amafaranga na telephone numva ni njye ariko ntibari banzi. Nakomeje kubumva, numva umwe muri bo aravuze ati” uziko abasore bibye urya mukobwa, bari batatu ariko umwe muri bo yaje kwitandukanya nabo ababwira ko bagomba gusubiza uwo mukobwa isakoshi ye.”
Maze kumva uwo muntu avuze atyo nahise nijijisha nanjye mpita mubaza nti” Ese bambe uwo mukobwa yaje kubona isakoshi ye?” wa wundi nawe ahita ansubiza ati” Yego, kubera ko abo basore baje kumva ibyo mugenzi wabo ababwira nuko isakoshi bayiha uwazanye icyo gitekerezo maze ayishyira uwo mukobwa dore ko ngo uwo umuhungu yari yarabengutse uwo mukobwa.”
Maze kumva iby’uwo muntu nahise njya mu rujijo nibaza ukuntu byaba byaragenze biranyobera. Nahise ngira amatsiko yo kumenya uwo musore dore ko ngo yari yaranankunze.
Icyumweru cya gatatu cyaje kugera nuko ndi mu nzira ntaha naje guhura na ba basore babiri ariko njye sinari nabamenye, kuko banyatse isakoshi biruka kandi bwari bwije. Barampagaritse bambwira ko bankeneye, nanjye ngira ngo wenda bankeneyeho ubufasha tujya kuri resitora yari hafi aho. Ndabanza mbaza buri umwe icyo ari bunywe n’uko ndabagurira nanjye mfata ka fanta.
Ako kanya nahise mbona agahinda mu maso yabo nuko mbasaba ko bambwira icyo banshakira dore ko nari ntaramenya abo ari bo.
Umwe muri bo yahise………………………………………………..
Loading…
ni ahejo muri Episode2 mbakomereza uko byaje kugenda.
Gusa niba iyi nkuru wumva izakubera nziza kora Share nizindi nshuti zawe ibagereho.
Murakoze!
