Mu gice cya kane duheruka Brenda yarirukanwe i wabo asigaye aba ku nshuti ye Isimbi. Yari yatangiye akazi ntakibazo, mu gice giheruka twasize Brian ari kuvugana naya mpanga ye Yves, Brenda agahita aza asanga bari kumuvuga. Reka dukomeze n’igice cya gatanu.
Atararangiza kuvuga Brenda yahise aza ati:”Boss, sorry nari numvise mumamagaye, kereka niba nibeshye cyangwa numvise nabi”. Brian yaketse ko ibyo yavugaga yamwumvise ariko yihagararaho. “Oya, ntago nkuhamagaye ahubwo subira mu kazi kawe”. “Ok,mumbabarire”.
Brian yari akiri kuri telephone, Yves yari arimo kubyumva atangira kumuseka cyane. “hhhhh! Umva Bria, yaragufashe umuvuga sha.Ese ubundi umutinyira iki ko numvise afite n’ijwi rituje”. “Yves sha byihorere, ngomba kubijyana buhoro mukorera utuntu duto duto nawe azabitekerezaho”. “Sawa bro,reka nkureke ukomeze akazi papa na mama nabo twaravuganye”.
Nyuma yuko baganira Brenda yaragarutse. “Boss dore ya myirondoro nayirangije”. “Ariko Bre, ushobora kuba ufite ikibazo kuko ndabona uyu munsi utameze neza, anyway ibyo sibyanjye komeza akazi kawe”.
Amasaha yo gutaha yarageze maze Brenda arataha asanga Isimbi we yahageze kare. “Bre burya bwose nizi saha mutahira! Umunsi wagenze gute?”. “Wagenze neza ,ariko niriwe ndi gutekereza i wacu cyane”. “Brenda i wanyu! Ba ubaretse ubanze ugabanye stress, dore nk’ubu wakabaye uje tukajyana ukajya kwirira ubuzima”. “Oya ,ndumva naniwe cyane ngomba kuhuruka, ahubwo niba ukeneye ko hari icyo nkufasha mbwira mbone kujya kuryama, akira naya mafranga uyifashishe”. Brenda yahise amuha ibihumbi 5000rwf maze ajya kuryama.
Hashize icyumweru mama Brenda yatangiye kwibaza uko umukobwa we abayeho ariko kuko yari aziko yagiye mu rugugendoshuri ntago yabitekerezagaho cyane .Keza murumuna wa Brenda nawe yabaga ahangayitse kubw’umuvandimwe we.
I wabo wa Brian basuwe nundi muryango ubona nawo ukize cyane. Hari umubyeyi w’umugore n’umwana we w’umukobwa witwa Kaliza. Brian yaratashye asanga mushiki we n’ababyeyi be bicaye muri salon nabo bashyitsi. Brian abakubise amaso atangira guhekenya amenyo ubona ko ahise arakara. Yasuhuje avuga ngo mwiriwe habe no kubakora mu ntoki, babibonye barumirwa nuko mama we amukurikira mu cyumba aho yari agiye.
“Umva Mama utaba unkurikiye uje kumbwira iby’uriya mukobwa Kaliza, njye nababwiye ko ntamushaka,sinzi impamvu mukomeje kumpatira kumukunda. Mama nimuzategereze ko njye nshaka muri uriya muryango”. “Brian mwana wanjye tuza,erega natwe tubona ari ikibazo ntago twatuma ushakana na Kaliza , ujye umenya ko Kaliza yarangije amashuri ye ikindi kandi nabo bafite amafranga ntacyo babuze”.
“Mama iyo njye ngiye guhitamo uwo nkunda amafranga siyo nshyira imbere , icyambere ni uko umutima wanjye uba umwishimira. Rero sinumva ibyo muba mumbwira, ahubwo Mama ndeka ndashaka kuruhuka”.
Mama Brian byaramucanze asubira muri salon, Keria abonye mama we uko agarutse ameze akeka ko byanze bikunze Brian yakomeje kwanga . “ Umva Kali, ntugire ikibazo ikiri gutuma musaza wanjye atakwitaho ndakizi,kandi mu minsi micye izo mbogamizi ziravaho, ahubwo se mwareka nkajyana na Kaliza hanze gato?”.
Keria na Kaliza bagiye kuganirira hanze, wabonaga ko Kaliza ari guhatirizwa cyane n’iwabo arashaka gusa n’uwabivamo. “Keri, njye ndumva ntazahora muri ibi kuko igihe gishize nkunda Brian ni kinini pe”. “Wowe ibyo bindekere Brian nzi ikiri kumukubuza.” “Basi se yaba afite undi babyumva kimwe”. “njye nakubwiye ko ibyo ubindekera”.
Kurundi ruhande Brenda aho yicaye yatangiye kugenda yibuka ubwa mbere ahura na Brian,akibuka ukuntu yamujyanye kumugurira imyenda. Ariko yirinze kuba yabitekerezaho cyane. Mugihe acyicaye aho yumva telephone irasonnye abona ni numero atazi agiye kuyitaba ivaho.Iyo telephone yamuhamagaye yari iya Keria.
“Brenda ndabona utayifashe ariko ibyo nshaka kugusaba ntutabinkorera ninjye nawe“. Ibyo bose Keria yari arimo ibyivugisha ariko ntiyari azi ko Brian ari hafi aho amwumva. Brian byamuteye amakenga maze……
Loading….
Ntuzacikwe Amayobera igice cya6