Home Urukundo Inkuru y’urukundo: Igikomere cy’umuryango wanjye Episode2(soma birambuye)

Inkuru y’urukundo: Igikomere cy’umuryango wanjye Episode2(soma birambuye)

by Uwera Ritha Shonah
0 comment

Ndi Alicia ugarutse ngo nkomeze mbabwire inkuru y’ubuzima bwanjye. Ejo nasize ndi kubabwira iby’urupfu rwa Mama. Reka mbakomereze kugirango ntakomeza kubatera amatsiko.

Mama yakomeje kurwara akajya aruka amaraso , Papa ntiyigeze amenya ko Mama yarozwe na nyogokuru dore ko nanjye ntabyo narinzi. Nyogokuru yabaye uwambere witaga kuri Mama amuryarya, uko yajyaga guha Mama icyo kurya cyangwa icyo kunywa yongeragamo ibituma arushaho kuremba.

Papa yaravuje indwara iranga, ntavuriro batagezemo. Hashize amezi abiri Mama akirwaye, kubera no kutarya yari yaramaze kuba nk’igiti yarananutse ni ukuri yari ateye agahinda. Icyo gihe twari mu gihembwe cya nyuma ngo dukore ikizamini rusange ku rwego rw’igihugu ariko kubera iyo mihangayiko nari natangiye kujya mba uwanyuma kandi narabaga uwambere.

Icyaje kumbabaza icyo gihe ni uko na Papa navugaga ko nsigaranye nawe nari ngiye kumubura. Ubwo Nyogokuru yari agiye guha Mama uburozi bwa nyuma, yafashe ikirahure cy’amazi ashyiramo ibintu byanyuma byari gutuma mama ahita apfa, nuko icyo kirahure agisiga aho kirimo bwa burozi ajya hanze gato bidatinze Papa nawe aba aje gusukira Mama amazi asanga yayandi aho.

Ndibuka neza ko yambajije nyirayo mubwira ko ari Nyogokuru uyasutse ngo ayashyire Mama. Nyamara nta numwe wari uzi ikiri muri ayo mazi kereka nyiri gushyiramo ubwo burozi. Papa yarayafashe ahita ayanywa maze asuka andi ngo ayashyire Mama nuko mbona yikubise hasi maze mvuza induru mpamagara Nyogokuru ngo aze arebe ibibaye.

Nyogokuru yaje yiruka nuko arasakuza ati “niyiciye umuhungu wee” nibwo naje kumenya ko afite aho ahuriye n’urupfu rwa Mama. Yicaye hasi aguma acigatiye Papa nanjye ubwo njya kureba Mama nsanga byarangiye,kari agahinda gakomeye kuko nibazaga igitumye Papa na Mama bagendera rimwe.

Nabonye ko Nyogokuru akomeje acigatiye Papa nanjye nsohoka njya gutabaza abaturanyi. Abantu baje ari benshi nuko umugabo w’incuti ya Papa ansaba infunguzo z’imodoka ya Papa maze babashiramo bihutira kubajyana kwa muganga.

Mubyukuri Mama we yari yamaze gupfa cyakoze Papa basanze ubuzima butarajya habi cyane gusa yamaze ibyumweru 2 muri koma. Mbere yuko bakora iperereza kucyateye urupfu rwa Mama ndetse no kugirango Papa amere kuriya Nyogokuru yabanje kumpamagara kuko yari abizi ko namaze kumuvumbura maze antera ubwoba ko nimbivuga nanjye ari bunyice.

Abakora igenzura baje kumbaza icyo mbiziho mvuga ko ntabizi. Bageze kuri Nyogokuru ababwira ko Papa yashatse kwiyahura kubwa Mama. Mubyukuri njye narinzi ukuri ariko ntacyo nari kuvuga kuko numvaga nimbivuga Nyogokuru azanyica. Abigenzura babifashe uko Nyogokuru yabibabwiye nuko baragenda.

Mama yamaze ibyumweru 2 muri moruge yashyinguwe ari uko Papa avuye muri koma. Papa yabeshywe uko byamugendeye nuko nawe abifata uko gusa ninjye waruzi ukuri kose.

Dore nguko uko naje kwiga umwaka umwe mo ibiri. Nyuma y’urupfu rwa mama nagize ihungabana kwiga bikajya bingora nuko nkoze ikizamini nza mu kiciro cyanyuma kandi narabaga uwa mbere. Papa yaje kunsaba ko ngomba gusibira kugirango mbashe kuzamuka neza ,nanjye sinamugoye narabyemeye.

Umwaka wa gatandatu  nawize Papa atarashaka undi mugore niga neza noneho mba uwambere mu kigo. Papa yaje kunsabira ikigo cyiza cyane njyayo ntangira kwiga umwaka wa mbere w’amashuri yisumbuye.

Umunsi umwe Papa yaje kumbwira ko agiye gushaka undi mugore akajya anyitaho. Ntago nabihakanye kuko nari maze kurambirwa kuba njyenyine. Umugore Papa yashatse yamurangiwe na Nyogokuru , ni ukuri ntiyari umuntu muzima kuko yambereye amagorwa.

Yaje ubona afite umutima mwiza pe, yari afite umwana umwe w’umuhungu namurushaga umwaka umwe. Uwo mukadata yarafite nyina ,nyina akaba ariwe wari umujyanama we ariko ntago mwakumva ukuntu mukadata yaje kuba umugome ruharwa kugeza n’ubwo Nyogokuru yabonye umurenzeho ku bugome yagiraga kandi ariwe wamwizaniye.

Mureke nzabakomereze undi munsi mbabwire uko mukadata yambereye igigeragezo. Gusa niba iyi nkuru hari aho iri kugukora wibuke ukore Share kunshuti zawe.

Murakoze ni ahubutaha mbakomereza muri Episode3 ibyajye na mukadata

You may also like

Leave a Comment