Home Amateka Iterambere ry’Isi yose ryatangiriye mu Karere k’uburasirazuba bwo hagati

Iterambere ry’Isi yose ryatangiriye mu Karere k’uburasirazuba bwo hagati

by KATABARWA Gilbert
0 comment

Akarere k’uburasirazuba bwo hagati, kagizwe n’ibihugu 16 akaba ari naho iterambere ry’Isi ryatangiriye.

Hari ibihugu byegereye uruzi rwa Mediterane (Proche Orient) aribyo Turukiya, Siriya, Libani, Israeli, Misiri. Hakaba ibihugu byenda kumera nk’ibirwa aribyo Arabiya sawudite, Emirat Arab Unis, Qatar, Oman, Yemen.

Aka karere k’uburasirazuba bwo hagati kagizwe nanone n’ibihugu byo mu kigobe cya Perse aribyo Koweti, Irak, Iran, Yorodaniya. Hari nanone ibihugu by’ibirwa birimo Chipure, Bahreine.

Ibi bihugu byose bikaba bituwe n’abaturage basaga miliyoni 350, muri rusange babyita ibihugu by’abarabu. Bikaba byiganjemo idini ya Islamu.

Ibyo bihugu bikungahaye cyane kuri Peteroli, ikaba ariyo ibihesha ingufu nyishi bifite ku Isi muri iki gihe.

Hirya yabyo hari ibindi bihugu bisangiye ingendo nabyo aribyo Afganistan, Pakstan, Kirgizistan na Ozoubekistan. Ndetse rimwe na rimwe hari n’ubwo n’ibihugu byo mu Majyaruguru y’Africa bibarwa mu burasirazuba bwo hagati.

Aka karere kazwi cyane mu mateka y’Isi, kuko ariho iterambere ry’Isi yose ryatangiriye, ubu hashize imyaka irenga 5000.

Dore bimwe mu bintu byibukwa muri aka karere k’uburasirazuba bwo hagati.

Abami b’ibihangange bo mu bihe bya kera, hamwe n’ingabo zabo, muri abo bami harimo nka Farao Tutmes, Farao Neko, Nebukadinezar, Tigrath Pileser, Salomo, Dawidi, Darius, Kuro, Alexandre le Grand, n’abandi benshi bazwi muri ako Karere.

Aka karere kazwiho kuba isibaniro ry’imirwano itari imwe yagiye ishyamiranya Abami bakomeye bo mu burasirazuba bwo hagati kuva kera.

Ikindi nuko ingobyi yatuwemo n’abantu ba mbere ku Isi, yari muri ako karere. Nanone umunara muremure wa mbere wabaye ku Isi wari wubatse muri ako karere.

Ahantu hatagatifu ku bakristo no ku basilamu haboneka muri ako karere. Icyiyongeyeho nuko amadini 2 akomeye ku Isi (Islamu, Ubukristo) yavukiye muri ako karere.

Bibiliya na korowani ibitabo bisomwa n’abantu benshi ku Isi, byandikiwe muri ako karere. Amategeko akomeye Isi igenderaho yaba ayanditswe na Mose, yaba ayakozwe na Hammurabi yose akomoka muri ako karere.

Umwami Yesu wavutse mu buryo budasanzwe, agapfa, akazuka nyuma y’iminsi itatu gusa, agahindura amateka y’Isi nawe yavukiye muri ako karere.

 

You may also like

Leave a Comment