Siniyumvisha ukuntu hashyirwaho itegeko rikumira abantu mu myizerere yabo “Minisitiri w’intebe wa Canada Justin Trudeau .

Tubikeshesheje ikinyamakuru cya evangeliques,Ministiri w’intebe wa Canada Justin Trudeau ntago yiyumvisha uburyo hashobora gushyirwaho itegeko rigamije gukumira abandi bahorwa imyizerere yabo.

Ibi yabitangaje bitewe n’umushinga w’itegeko ribuza abakozi barimo abapolisi,abarimu,abacamanza n’abandi,kwambara ibimenyetso bigaragaza imyemerere yabo ryatanzwe na guverinoma ya Quebec kuwa 28 Werurwe.

Uyu muminisitiri w’intebe yagize ati :”ntago byumvikana,mu muryango wigenga ko twashyiraho itegeko rikumira abanyagihugu ku myemerere yabo bitewe n’amadini babarizwamo”.

Uko abibona ,Canada ni igihugu cyemera Imana ,kikubaha uburenganzira bwa muntu,harimo n’ubwisanzure bwo kuvuga icyo utekereza n’imyemerere.Gusa ntago yashimangiye neza niba guverinoma ye izatambamira uno mushinga w’itegeko mu nkiko.

Uhagarariye Guverinoma ya Quebec we,uyu mushinga awubona nk’amahirwe yo kwandika mu mategeko y’abanyakebeke ihame rigenga ry’imyemerere muri iyo leta.