Umunyeshuri Uwayo Donosien wari umwana w’umuhungu ufite imyaka 13, akaba yigaga mu mwaka wa 3 mu mashuri abanza , uyu munsi taliki 27 Mutarama 2020 , ahagana saa 11h00 am nibwo yaguye mu kidamu cy’amazi ahita ashiramo umwuka .aho yaragiye mu gikorwa cyo kwisiramuza cyaberaga ku kigo nderabubuzima cya Zaza.
Uyu munyeshuri Uwayo avuka mu ntara y’Uburasirazuba ,mu karere ka Ngoma mu murenge wa Karembo , mu kagali ka Karaba mu mudugudu wa Kigobe ,avuka kuri [Mariya Denise Mukandikubwimana ].Uwayo Donosien yigaga ku ishuri ribanza rya Zaza A riherereye mu murenge wa Zaza mu karere ka Ngoma .
Iyi nkuru y’akababaro yamenyekanye ahagana saa 11h30am ,kubera abana bagiye gutabaza ariko abaje gutabara bakahagera basanga uyu mwana ashizemo umwuka.
Mukiganiro ikinyamakuru isezerano .com cyagiranye na Mariya Denise Mukandikubwimana akaba umubyeyi wa nyakwigendera Uwayo Donosien ku umurongo wa telephone, yemeje koko iby’urupfu rwa Uwayo yavuze ko umwana we ko amaze kwitaba Imana.
umubyeyi wa Uwayo Mariya Denise Mukandikubwimana (hagati).
Mu gahinda kenshi yagize ati “ni ibidamu byinshi bigera ku 8,nyirabyo ni umushoramari wahakodesheje na Paroise ya Zaza , hanyuma acukuza ibintu byinshi bikomeye , kuko no kugirango babone uyu murambo w’umwana wanjye byari bigoranye .Umwana wanjye mu gihe yarari kugenda ari kumwe n’abandi bana urukweto rwe rutakaramo , maze yibwira ko ari hafi ajyamo ajya kuruzanamo, kiramukurura kiramumira .
Ntabwo ari umwana wa mbere uguyemo uyu n’uwa kabiri upfiriyemo ,kuko hari n’undi mubyeyi wabuze umwana we none n’uwanjye ndamubuze . Umubyeyi wa nyakwigendera Uwayo yakomeze avuga ko umwana we yari umwana wa gatatu uturuka mu nda ye . Yakomeje atangaza ko umwana bamujyanye mu rugo bagiye kureba uko bamushyingura .
Abantu baje gufata mu mugongo Denise babashije kuganira isezerano.com Musengimana Jeanette ati “twe nk’ababyeyi bafite ikibazo cy’ibyo bidamu kuko atari ubwa mbere haguyemo umwana , mu magambo ye ati “ turasaba ubuvugizi rwose ibi bintu babitwikire kuko dufite impungege ko abana bazashiriramo , mubagiye kuzana umurambo w’umwana narindimo twasabye umuyobozi nshingwabikorwa w’umurernge wa Zaza ko bafunga ibyo bidamu kuko niwe watabaye niwe wajyanye umwana mu rugo , ansubiza ko ari ibintu bihenze kandi ko umushoramari byamuhenze cyane akibikoresha , ntabwo byaba ari ngombwa kugirango tubikureho ahubwo tuzashyiraho uburinzi bubuza abana, Jeanette yakomeje atangaza ko bifuza ubufasha kugirango barinde izi pfu .
Mukamurigo Consintatine nawe waje gutabara ati “Turasaba ubufasha ko bashiraho senyenge zibikikije cyangwa bagashaka ibyo borosaho kuko biteye ababyeyi impungege.
Umuyobozi nshingwabikorwa w’umurenge wa Zaza bwana Singirankabo Jean Claude Yatangarije isezerano.com ko iyi nkuru y’akababaro ari ukuri ati” abana bari baje muri gahunda yo kwisiramuza yaberaga ku kigo nderabuzima cya Zaza ,uyu mwana yari yazanye n’abandi bana ari batatu ,umwana agira amatsiko yo kureba ibyaribyo kuko yajyaga abibona ari mu kibuga ahantu umuturage yajyaga ahinga witwa Dr Egide. Yagiyemo aziko ari buvemo n’ uko ananirwa kuvamo , niko gutabara dushaka uko tugisenya ,amazi avamo kugirango tubone uko tujya ku mushyingura .
Uyu muyobozi yakomeje atangariza isezerano .com ko ari ibidamu binini cyane kuko babikoresha mu bintu byo kuhira ,ni kinini cyane . abajijwe ikigiye gukurikiraho yagize ati” ikigiye gukurikira tugiye kubwira nyirabyo wa bikoreshaga mu buhinzi uyu mwaka ntiyigeze ahahinga kugirango tumenye niba yakongera agasubizaho senyenge cyangwa niba atazongera kuhahinga abashe kubitaba , nibyo twamaze kumusaba atubwira ko azashyiraho abakozi bazajya baharinda .
Nyiri ibyo bidamu akaba ari Dr Karuranga Egide uyobora UNIK, niwe nyiri bidamu ndetse ubikoresha . bwana Jean Claude akaba yadutangarije ko ubwo butaka bukodeshwa na Dr Egide ari ubwa Dioseze ya Kibungo ariko akaba afitanye amasezerano na Paruwasi ya Zaza , ubutaka bukaba bwanditse kuri Paruwasi ya Zaza ariko Dr Egide akaba yarabukodeshejwe na Diyoseze .
Mu gihe ikinyamakuru isezerano.com cyageragezaga kuvugisha Dr Karuranga Egide ku umurongo wa terefone kugirango kimubaze ingamba agiye gufatira ibyo bidamu bimaze guhitana abana 2 ,yaduhakaniye yivuye inyuma ko ataribye kuko yabihagaritse kera , yagize ati” nta business makorera bimaze umwaka bidakora , abajijwe niba yarabimenyesheje ubuyobozi ko atakihakorera mu magambo ye yemeje ko babizi ko yahagaze .Ati kera twarahingaga tukuhira ariko nyiri sambu ntabwo yarakibishaka ko tuhakorera .
Abajijwe ikigiye gukurikiraho ko ubuyobozi buvuga ko aribye yagize ati “hashize umwaka ntahakorera , icyo nakoze nabasubije ubutaka bwabo , nta makuru menshi mfite . abajijwe uwo yakodeshaga yagize ati “ ubutaka n’Ubwakiliziya biba mubutaka bw’abandi .
Isezerano .com twagerageje kubaza Padili wa Zaza atubwira ko ntacyo abiziho iby’ubututaka ko we ashinzwe abakristo ko adashinzwe ubutaka , ko bikwiye kubazwa banyirabwo , ati mu bibaze banyirabwo , urupfu rw’umwana narumenye ariko ndarwaye , ndikumva byinshi mwa bibaza ishuri yigagaho .
Umuvugizi wa police mu ntara y’Iburasirazuba DPC Hamudun yameje ko Uwayo yarohamye mukidamu ,ati” kuri Gs Zaza hari gahunda yo kujya kwisiramuza mbere ya saa12h00, uyu mwana rero Uwayo Donosien bakunda kwuta Kevin , yari kumwe n’abandi bana bahagarara hejuru yabyo , n’uko nyakwigendera yari yambaye inkweto za boda boda atangira kubabwira ko urukweto rwe runyereye rukagwamo yajyamo akoga akarukuramo akabereka ko azi koga , abandi bamubwira ko atabizi , urukweto ruranyerera rugwamo n’uko arasimbuka ngo yoge arukuremo , asanga niharehare atangira gutabaza ,abandi bariruka bajya guhuruza police .
DPC Hamudun yavuze ko nyuma y’uko umwana yitabye Imana abyeyi be bahageze , bemeza ko umwana yazize amazi , babishyikiriza RIB. Banyiri kidendezi urwego rushinzwe ubugenzacyaha barakomeza bakore iperereza barebe isano bifitanye na nyiracyo .Twagerageje kuvugisha Musenyeri Ishimatata bivugwa ko ariwe wahaye bwana Dr Egide ubutaka ntitwabasha kumubona kuko terefone ye ntabwo yabashije kuyitaba.
Ikidamu Uwayo yaguyemo ahita apfa.
Bahise bajya kumushyingura .
Umunyamakuru wa Isezerano.com , kuva mu mwaka 2016.
Yize itangazamakuru n’itumanaho (Journalism and Communication) muri Institut Catholique de Kabgayi (ICK).
Afite impamyabushobozi muri (Office Administration and Management) muri Kaminuza y’ u Rwanda (UR) .
Amaze imyaka 8 mu mwuga w’itangazamakuru .