Home Amakuru y'ibanze USA-Ubuzima: Abanyamerika babujijwe kongera gusoma inkoko

USA-Ubuzima: Abanyamerika babujijwe kongera gusoma inkoko

by ELEVANIE Namusisi
0 comment

Ikigo CDC gisaba Abanyamerika kwirinda gusoma inkoko kubera indwara ya salmonella.

Inkoko n’imbata zishobora gukwiragiza virus ya salmonella n’aho waba ubona ko zisa neza kandi zikomeye.

Ikigo cya Amerika gishinzwe ubuzima(Centers for Disease Control and Prevention, CDC) gisaba abaturage kwirinda gusomana n’inkoko kubera indwara ya Salmonella.

Ikigo  cya Amerika CDC (Centers for Disease Control and Prevention) gishinzwe ubuzima bw’abantu  kiri gukora ubushakashatsi ku ndwara ya salmonella nyuma y’uko abantu 163 bo muri leta 43 bamenyekaniye ko bamaze kwandura iyi ndwara nyuma yaho bakorakoye inkoko boroye.

Iki kigo kikaba gisaba Abanyamerika kureka gusomana n’inkoko kubera iyi ndwara ya salmonella ishobora gukwirakwizwa n’inkoko n’imbata kabone niyo zaba zisa neza.

Mu nkuru dukesha Reuters Iki kigo kiravuga kiti: “Ntimusomane cyane ngo  mwiyegereze izi nyoni, kubera ibi bishobora gutuma udukoko dukwirakwira mu kanwa bigatuma  wandura”.

Utu dukoko dutuma umuntu ameneka umutwe, agacibwamo,akaribwa mu nda ndetse akanaruka. Abenshi iyo bayanduye bakunda gukira nta n’imiti bafashe ariko ishobora gutuma uhasiga ubuzima.

CDC ikomeze kugira inama abantu ko bagomba gukaraba  igihe bakoze kuri izo nkoko ndetse babuze n’abana kuzegera.

Nk’uko bitangazwa n’iki kigo CDC icyagatatu cy’abamaze kwandura iyi ndwara ni abana bari munsi y’imyaka itanu.

Aka gakoko ka salmonella, bivugwa ko gashobora kuboneka mu nyama mbisi cyangwa zidatetse neza, mu magi cyangwa mu yandi mafunguro.

Muri Amerika iyi ndwara yandura abagera kuri hafi 1.35 naho 420 nibo bahitanwa nayo buri mwaka.

Kuva hagati mu kwezi  kwa kabiri  abagera muri 34 nibo bamaze kujyanwa mu bitaro ariko ntawe urahitanwa n’iyi ndwara.

 

You may also like

Leave a Comment