Home Ibitaramo
Category:

Ibitaramo

Amakuru y'ibanzeIbitaramo

Ibitaramo: Igitaramo cya Pasika cyari gitegerejwe na benshi ntabwo kizaba

by Marie Joseline Nyituriki
written by Marie Joseline Nyituriki

Kuri uyu wa Kabiri tariki ya 30 Werurwe 2021, Minisiteri y’ubutegetsi bw’igihugu yatangaje ko igitaramo cya Pasika cyari gitegerejwe na benshi biganjemo Abakirisitu gatorika kitazaba, mu rwego rwo kwirinda icyorezo cya Corona virus.

Abinyujije k’urukuta rwe rwa Twitter, Minisitiri w’ubutegetsi bw’igihugu Gatabazi Jean Marie Vianney, yatangaje ko kubwumvikane bwa Minisiteri na kiliziya Gatorika, iki gitaramo cyari giteganyijwe ku wa 03 mata 2021 kitazaba ko ahubwo abakirisitu bazajya gusenga k’umunsi mukuru wa Pasika nyirizina.

Yagize ati” kubera ko Abayoboke bose badashobora kujya muri kiliziya icyarimwe, twumvikanye na kiliziya Gatorika ko igitambo cya misa cy’igitaramo cya Pasika(izuka rya Yezu) kizatambuka kuri Radio ndetse na televiziyo, Abakirisitu bakagikurikira bari mu ngo zabo hanyuma ku cyumweru bakazitabira misa ya Pasika nk’ibisanzwe.”

Ubutumwa bwa minisitiri Gatabazi.

Umunsi mukuru wa Pasika wibutsa Abakirisitu gatorika n’Abandi bemera yezu/Yesu izuka rye, nyuma yo kubambwa k’umusaraba agapfa ariko akazuka k’umunsi wa gatatu. Ni umunsi uba kandi habanje gukorwa urugendo rw’iminsi 40 y’igisibo gitagatifu hazirikanwa ububabare Yezu yanyuzemo mu butayo ndetse iyo minsi igasozwa n’iminsi itatu mitagatifu.

Bimenyerewe ko akenshi mu gitaramo cya Pasika aribwo Abakirisitu bongera gucana amatara yabo(buji), bisobanuye ko urumuri rwa Kirisitu rwongeye kumurikira isi ariko kuri ubu bikaba bitazakunda kubera icyorezo cya Corona virus, icyakora kubabishoboye bakazabikorera iwabo mu ngo.

kugeza ubu Abakirisitu gatorika bari mu cyumweru gitagatifu, aho bitegura umunsi mukuru w’izuka rya nyagasani uzabanzirizwa n’uwakane mutagatifu, uwagatanu mutagatifu, uwagatandatu mutagatifu(igitaramo cya Pasika), ukaba uzaba ku cyumweru tariki ya 04 Mata 2021.

0 comment
1 FacebookTwitterPinterestEmail
IbitaramoIndirimbo

Ibitaramo: Umuhanzi Denis NYITURIKI agiye gutaramira Abanyarwanda kuri YouTube.

by Marie Joseline Nyituriki
written by Marie Joseline Nyituriki

Umuhanzi, akaba n’umuririmbyi muri Korali st Paul yo muri Paruwasi ya Kicukiro, NYITURIKI Denis, yatangaje ko yiteguye gutaramira abanyarwanda muri iyi minsi bamwe bari muri guma mu rugo, abandi muri guma mukarere. Ni igitaramo kizaba kigamije kumara irungu Abanyarwanda no kubahumuriza muri ibi bihe byo kwirinda Corona Virus.

Mu kiganiro yagiranye n’ikinyamakuru Isezerano kuri uyu wa Gatatu tariki ya 20 Mutarama 2021, Denis yavuze ko nyuma yo kubona uburyo icyorezo cya Corona Virus cyafashe indi ntera, bigatuma abantu batabasha gukomeza ibikorwa nkuko bisanzwe, yafashe umwanzuro wo gutaramira abanyarwanda abinyujije ku rubuga rwe rwa YouTube mu rwego rwo kwirinda ikwirakwira rya corona virus.

Yagize ati” iki gitaramo ngiye kugikora mu rwego rwo gususurutsa Abanyarwanda, by’umwihariko abatuye mu mujyi wa Kigali bari muri guma mu rugo, mbahumuriza kandi nanone mbasaba gushyira hamwe tukarwanya iki cyorezo kuko burya abishyize hamwe nta kibananira.”

Nyituriki avuga ko mu gihe iki gitaramo kizaba kiba, Abantu bose bazaba bemerewe ku kireba, kandi ko buri muntu azakisangamo kuko atazaririmba indirimbo z’Imana gusa, ahubwo azajya no hanze yazo akaririmba izifasha abantu kuruhura ubwonko by’umwihariko indirimbo zikundwa n’abatari bacye z’urukundo. Ati” ntabwo ari indirimbo z’Imana gusa, kuko hazaba harimo n’indirimbo z’urukundo ndetse n’Abakunda igisope ntabwo tuzabirengagiza cyangwa se abakunda imikino cyane nk’umupira w’amaguru, kuko izo ngeri zose nzazikoraho kandi buri wese akanyurwa.”

Akomeza kandi avuga ko mu rwego rwo kwirinda ikwirakwira rya Corona Virus, iki gitaramo kizaba hifashishijwe ikoranabuhanga, nta bandi bahanzi bazakitabira usibye Abacuranzi basanzwe bakorana nawe, kandi nabo bazaba bubahirije amabwiriza yo kwirinda iki cyorezo. Avuga ko abandi bari kuzakorana iki gitaramo batazabasha kuboneka bitewe n’impavu ya guma mu rugo iri mu mujyi wa Kigali.

Uyu muhanzi avuga ko umwihariko w’iki gitaramo ari uko, indirimbo zizaba zigize iki gitaramo ari izikora ku ngeri zose, ndetse zikazaba atari ikinyarwanda gusa, ahubwo ko n’izindi ndimi nk’igifaransa n’icyongereza ndetse n’izindi zizaba zigaragaramo mu rwego rwo gufasha abatumva ikinyarwanda. Yakomeje avuga ko iki gitaramo kandi gifite umwihariko wo kuzaba iminsi myinshi mu cyumweru, kubera ko kizajya kiba, ku wa kabiri, ku wa kane, ku wa Gatandatu no ku cyumweru saa kumi n’ebyiri z’umugoroba. Iki gitaramo cya Nyituriki, biteganyijwe ko kizatangira ku wa kane tariki 21 Mutarama 2021 ku masaha yateganyijwe.

Umuhanzi Denis azataramira Abanyarwanda kuri YouTube.

0 comment
0 FacebookTwitterPinterestEmail
Amakuru y'ibanzeIbitaramoMu Rwanda

GOSPEL na COVID : 2020 umwaka wagaragaje byinshi muri Gospel ,Menya ibyawuranze

by Ali Gilbert Dunia
written by Ali Gilbert Dunia

Akenshi na kenshi iyo umwaka utangiye usanga buri umwe afite inzozi cyangwa ibikorwa yifuza gukora mu mwaka aba agiye gutangira ariko ahanini abiteganya ashingiye kubyo aba yaragezeho cyangwa atarabashije kugeraho mu mwaka uba urangiye , bityo bigatuma afata izindi ngamba .

Niyo mpamvu ikinyamakuru www.Isezerano.com twifuje  kubakusanyiriza  hamwe ibikorwa mu nshamake byaranze umwaka wa 2020 . Ubu sanzwe umwaka wa 2020 ni umwaka wari utegerejwe cyane n’abantu batandukanye , dore ko yari viziyo (Vision) y’Igihugu cy’u Rwanda . Ariko reka Isezerano.com igaruke cyane mu iyobokamana muri rusange , mu ntangiriro ry’umwaka wa 2020.

Ni umwaka watangiye neza cyane kuruhande rw’umuziki ,ariko kurundi ruhande ku matorero amwe na mwe ntibyari byifashe neza kuko harabo umwaka watangiye barafungiwe insengero kuko zitari zuzuje ibisabwa .

Kuruhande rw’Itorero

Uyu mwaka wa 2020 waje usanga hari insengero zigifunze . Ibi byabaye nyuma yuko wasangaga mu mujyi wa Kigali hari aho usanga  insengero zikurikiranye  ,  rimwe na rimwe ugasanga basakurikza abaturage kubera gukoresha ibyuma ndangururamajwi bisakuza.Zimwe mu nsengero zahise zubahiriza ibyo zasabwaga zigahita zifungurirwa imiryango, gusa izindi zananiwe kubyubahiriza zihitamo kwihuza n’izitarafunzwe. Ariko umubare munini umwaka wa 2020 wasanze bataremererwa gufungura.

Photo Ububiko

Kuruhande rw’ibitaramo

Umuhanzi mu ndirimbo zihimbaza Imana, Israel Mbonyi niwe watangiranye umwaka wa 2020 imbaraga nyinshi dore ko yabimburiye abandi bahanzi ba Gospel gutegura igitaramo cyari  gikomeye.

Tariki 02/02/2020 ni bwo Israel Mbonyi yakoze igitaramo. Ni igitaramo yise [Israel Mbonyi live in concert Huye] yateguye ku giti cye .Cyabereye mu nzu mberabyombi ya Kaminuza y’u Rwanda ishami rya Huye [Huye UR-Campus Auditorium] kuva saa cyenda z’amanwa kugeza saa mbiri z’ijoro. Akaba aribwombere yahakoreye igitaramo.

Hakurikiyeho igitaramo cyiswe “Mpa Amavuta Live Concert” cyabereye  muri Kigali Arena ku wa 1 Werurwe 2020. James na Daniella bakaba baragiteguye bagamije kumurika album yabo ya mbere bise “Mpa Amavuta’’ yari iriho indirimbo umunani.

Bafatanyije nabahanzi batandukanye harimo na ndi ma –couple azwi cyane mu muziki wo kuramya Imana arimo iya Ben na Chance,  Papi Clever na Ingabire Dorcas, Maya na Fabrice na Amanda Fung na Kavutse Olivier babarizwa muri Beauty for Ashes, umudamu wa Kavutse akaba atarabashije kuhaboneka kuko yari yibarutse umwana atari mu Rwanda .Prosper Nkomezi , René Patrick, Ndayisenga Esron  na Gaby Kamanzi.

Abitabiriye icyo gitaramo baranyuzwe karahava kubera ubuhanga bwagaragaye mo , ndetse n’imitegurire myiza yaharanzwe .

Gusa ntabwo bamwe basekewe n’amahirwe kuko icyorezo twumvaga mu mahanga nta muntu wibwiraga ko cyagera mu Rwanda kuko benshi bumvaga ari indwara ya bashinwa gusa .

Ibi byaje bishimangirwa  itangazo ryasohotse  rya minisiteri y’ubuzima rivuga ko mu Rwanda hagaragaye umurwayi wanduye icyorezo cya coronavirus ko ari umuturage w’umuhinde wageze mu Rwanda ku taliki ya 8 Werurwe 2020.

Taliki 21 Werurwe 2020 hasohotse itangazo rya Edourd Ngirente , Ministiri w’intebe w’u Rwanda ryavugaga ko harebwe uko iyi ndwara ihagaze ku isi n’uko mu bindi bihugu byagenze ari ngombwa ko hafatwa ingamba ziruseho mu kwirinda ko iyi ndwara ikomeze gukwirakwira . umujyi wa Kigali nawo usohora itangazo rihagariko ibikorwa byose by’imyidagaduro . Bityo byahise bigira ingaruka kubitaramo byari bikurikiyeho .

Mubitaramo twavuga harimo icyari cyateguwe na Gentil Misigaro uba muri Canada, Adrien Misigaro n’abandi baramyi babana muri Amerika bari bamaze iminsi i Kigali ndetse imyiteguro yose yari yararangiye, kuko n’icyumba cyari kuberamo cyari cyateguwe. Igitaramo Each One Reach One cyari  giteganyijwe kuba ku taliki 08 Werurwe 2020 cyari kubera mu nyubako ya Intare Conference Arena iherereye i Rusororo.

Igitaramo cyiswe Each One Reach One Gintil Misigaro yahisemo kugikora binyuze muburyo bwa internet. Nyuma yacyo ahita atangira igikorwa cy’ ubukangurambaga bwo  gukusanya amafranga yo kuziba icyuho, gusa abantu ntibabivuzeho rumwe kuko batiyumvishaga uko bikwiye gukorwa.

Sibyo gusa byahagaritswe kuko haranzwe nibindi bitaramo byagiye bitegurwa bitabashije gukorwa hirya no hino mu gihugu .

Nk’ibisanzwe Chorale de Kigali imaze kumenyereza abakunzi bayo ko kuri Noheli ibaha kuryo heryoherwa kw’igitaramo , inabifuriza umwaka mushya muhire. Igitaramo ngarukamwaka cyitwa Christmas Carols Concert, cyari giteganyijwe kuba  itariki 19 Ukuboza 2020 muri Kigali Arena i Remera mu Mujyi wa Kigali. Nacyo cyarahagaze gusa bahitamo kugi kora nta bantu baje kukireba kinyura kuri televiziyo y’Igihugu . niko byagendekeye ni itsinda rya Alarm Ministries nabo baririmbye ntabantu bari muri Kigali Arena.

Kandi na Gisele Pricious nawe yakoze igitaramo yise Christmas Celebration Festival , yafatanyijemo n’abahanzi batandukanye harimo nka Aline Gahongayire , Gabby Kamanzi , The Anointed Band .taliki 26 /12/2020.

Reka tugane mu Itorero ry’Umwuka .Hagiye havugwa gushyamirana ndetse na munyangire mu itorero rya Adepr ya hano mu Rwanda ,ugasanga inzego zimwe zirakurikiranwa mubuyobozi , yewe munyangire yo yavuzaga ubuhuha .

Uyu mwaka rero habayemo impinduka zikomeye cyane , taliki 2 Ukwakira 2020 hagaragaye ibaruwa y’ Urwego rw’Igihugu rw’Imiyoborere (RGB) rwatangaje ko rwakuyeho abagize inzego z’ubuyobozi bw’Itorero rya ADEPR  yashizweho umukono Dr Kaitesi Usta.

ADEPR imaze imyaka isaga 80  ikorera mu Rwanda, benshi banyuze muri iri torero  ubu bamwe bafite amatorero bashumbye .

Iri torero ry’Umwuka Wera, ADEPR ryanyuze mu bihe bikomeye ariko abayisengeramo bagahagarara Gitwali  , abakristo baryo barisengera .Doreko Kristo yavuze ko agiye kubaka itorero n’amarembo y’ikuzimu atazabasha .

Akenshi wasangaga ibibazo byabo bihera mu gikari ariko umwotsi ukanga ukagaragara hanze . byityo uyu mwaka uza ari simusiga RGB yinjira. Inzego zakuweho ni  Komite Nyobozi, Inama y’Ubuyobozi, Komite Nkemurampaka n’Inteko rusange,

Mu rwego rwo gushaka umuti urambye wo gukemura ikibazo cya ADEPR, hashyizweho Komite iyobora ADEPR mu gihe k’inzibacyuho igizwe n’abantu batanu (5) Pasiteri Ndayizeye Isaie yagizwe umuyobozi wa komite y’inzubacyuho akaba anahagarariye umuryango wa ADEPR mu rwego rw’amategeko.

lyi komite ifite igihe kingana n’amezi 12 uhereye kuwa 08/10/2020 gishobora kongerwa igihe bibaye ngombwa.

Ikaba ifite inshingano z’ingenzi zirimo kuvugurura imiyoborere, amategeko, inzego z’imiyoborere n’inzego z’imirimo ndetse n’ imikorere n’imikoranire muri ADEPR,  no gushyiraho uburyo buhamye kandi butanga umuti urambye wo kubaka ADEPR.

N’ubwo uyu mwaka waranzwe na Coronavirus yatumye habaho imyanzuro itandukanye , yagize ingaruka zikomeye cyane mubikorwa by’iyobokamana hano mu Rwanda .

Nkuko bigaragara nta kintu kigira ingaruka mbi gusa niyo cyaba ari ikibi,  ahanini usanga hari amasomo abantu bakuramo .

Ese ni iki Coronavirus yishe mu muziki uramya Imana?

Ingaruka z’icyorezo cya coronavirus ziri kugaragara ku buzima n’imibereho bwite y’abaririmbyi ndetse n’abategura ibitaramo bya Gospel , dore ko wasangaga amatsinda atandukanye mu mwaka yarashyiraga hanze imizingo yabo , bityo bikabafasha kongera umutungo wabo , yewe sibo gusa kuko nabaririmbyi ku giti cyabo wasangaga mu gihe bakora indirimbo zigakurwa  barateguraga ibitaramo .

Bityo bakabasha kugaruza amafaranga batanze batunganya izo ndirimbo . kuruhande rwabategura ibitaramo nabo baguye mubihombo cyane kuko bamwe niho bakuraga amaramuko . Kandi wasangaga biha akazi urubyiruko rugacuruza amatike mu gihe cy’igitaramo .

Ni iki Coronavirus yangize kuruhande rw’Itorero ?

Abakrito benshi batakaje ukwizera , bamwe bakamutsemo kugira inyota y’ijambo ry’Imana cyane cyane abari ibibondo mu gakiza ndashaka kuvuga abakiri abana mu mwuka . Ukwizera kwabamwe kwarakamye kubera kuba mu bigeragezo .

Abandi ahanini wasangaga bashaka ubuhungiro mu itorero babuze aho bahungira bityo Ibirura birabarya ubu bararambaraye .

Ni iki Coronavirusi yigishije kubahanzi baririmba indirimbo zo kuramya Imana?

Akenshi iyo urebye usanga umubare wabahanzi bakoreshaga imbuga nkoranya mbaga bari mbarwa , yewe wasangaga bamwe batazi kuba bashyira indirimbo zabo kuri channel yabo youtube , ariko benshi kuko nta gisubizo bari bafite batangiye kwirwanaho. Barabyiga karahava kuko bari babonye ko ntayindi nzira .

Bamwe bagerageje kumenye uko begera abakunzi babo no kubahaza mubyo babifuzaho .

Yahaye umwanya abahanzi bakiri bato babasha kwita ku mpano zabo barakoze karahava , buri wese akagaragaza ibyo abashije .

Ni iki Coronavirus yigishije abakristo ndetse n’Itorero ?

Amatorero yamenye akamaro kimbuga nkoranyambaga , basobanukirwa ko umubare mu nini ushobora kwigishwa kandi bidasabye ko baza mu rusengero .

Ikindi bamwe mubakristo babaye ingingo zabagenzi babo , kuburyo wasanga bitanaho muburyo bw’umubiri, basangira ibyo kurya . ahanini hari bamwe batangariye urukundo icyo aricyo.

Abandi bazinutswe ijambo abakristo , kubera imbuto berewe , aho wasangaga umuntu ntakintu afite cyo kurya ariko ugasanga nta muntu ubyitayeho , bityo bikabasitaza. Abahanuzi bibinyoma baragabanutse cyane kuko batabashaga kubona abo babeshya , cyane cyane ko babikora bashaka indonke .

Ni iki coronavirus yangije ku biganiro bya gikristo ndetse na n’imbuga nkoranyambaga zanyuzwagaho amakuru y’iyobokamana?

Muri rusange  coronavirus itaragera mu Rwanda wasanga hari imbuga nyinshi zitangaza amakuru y’iyobokamana, ariko wakwibaza uti zagiyehe?

Ibyo byose byatumye Website zimwe na zimwe zifunga imiryango , kuburyo kuzibona bigoye  ,abandi zikabaho ariko nta nkuru wabonaho nimwe nshashya , bityo abasomyi bakabura inkuru . Yewe urebye neza wasanga wesite waruzi zimwe zidahari .

Gusa kurundi ruhande wakwishimira cyane ibitangazamakuru bya Broadcasting byatanze umwanya uhagije, ibikorwa by’abahanzi binyuzwaho kenshi , doreko ibiganiro bitandukanye binyuraho ibikorwa by’iyobokamana bitahagaze .

Reka twizere ko uyu mwaka wa 2021 , uzaba umwaka wo kongera kubona ibyo inzige zariye .

Shalom

 

 

 

 

 

0 comment
0 FacebookTwitterPinterestEmail
Amakuru y'ibanzeIbitaramo

Twibukiranye ibyaranze igitaramo “Mpa amavuta Live Concert” mbere ya Covid-19(REBA AMAFOTO)

by Ali Gilbert Dunia
written by Ali Gilbert Dunia

Itsinda rya James na Daniella riri mu matsinda akunzwe muri iki gihe yakoze igitaramo kidasanzwe .Iki gitaramo cyiswe Mpa amavuta Live Concert  cyabereye muri Kigali Arena, tariki 1 Werurwe 2020.

Abitabiriye icyo gitaramo bagize ibyishimo,  dore ko nta kindi gitaramo cyari cyabaye mu mujyi wa Kigali . Mpa amavuta Live Concert yari imaze igihe kinini yamamazwa mu bitangazamakuru bitandukanye mu Rwanda ndetse no ku mbuga nkoranyambaga, ku buryo ubwitabire bwo hejuru ntawe bwigeze butungura.

Twifuje kubasubiza inyuma kugirango murebe amafoto.

True Promises bashimishije benshi .

 

Camera Images : ALI GILBERT Dunia /www.isezerano.com

 

 

 

0 comment
0 FacebookTwitterPinterestEmail
Amakuru y'ibanzeIbitaramoMu Mahanga

Couple ya James na Daniella bakoze igitaramo cy’amateka muri uyu mwaka 2020

by Ali Gilbert Dunia
written by Ali Gilbert Dunia

Itsinda rya James na Daniella riri mu matsinda akunzwe muri iki gihe yakoze igitaramo kidasanzwe .Iki gitaramo cyiswe Mpa amavuta Live Concert  cyabereye muri Kigali Arena, ku cyumweru  tariki 1 Werurwe 2020.

Byari ibyishimo, kubari bitabiriye  dore ko nta kindi gitaramo cyari cyabaye mu mujyi wa Kigali . Mpa amavuta Live Concert yari imaze igihe kinini yamamazwa mu bitangazamakuru bitandukanye mu Rwanda ndetse no ku mbuga nkoranyambaga, ku buryo ubwitabire bwo hejuru ntawe bwigeze butungura.

Abantu batandukanye biganjemo abari n’abategarugori bagaragaje ko bakunze iritsinda rya James na Daniella  abana hamwe n’ agabo bari babukereye  baje kuri Kigali Arena  baje kuramya Imana ndetse n’abashumba b’amatorero atandukanye n’ abandi basitari batajya bacikwa ibitaramo byo guhimbaza Imana nka Anitha Pendo,Marie France uzwi muri Film,   Liza Kamikazi n’umuryango we ,  .. .

James na Danila muri iki gitaramo bafatanyije na kupure (Couples) zitandukanya  nka Pappy Claver na Dorcas , Ben na Chance ,  Nzeyimana na Maya ,Kavutse akaba yagaragaye atari kumwe n’umugore we kuko mu mashusho bagaragaje bavuze ko atwite. Sabo gusa kuko hagaragayemo itsinda rikomeye True Promises ,Rene Patrick, Gabby Kamanzi ,Prospel Nkomezi . mu isaha bihaye yo kuba batangiye igitaramo harenze ho amasaha atatu kubo bari bavuze ko batangira saa munani ariko ntibyashoboka.

Saa kumi nimwe zirengaho iminota nibwo ku rubyiniro hajeho MC Pastor Tom yeretse abantu isura y’igitaramo .kurubyiniro habanje True Promises.

Nyuma y’uko abahanzi batandukanye bari bamaze kuririmba buri wese witabiriye yafatanyaga nawe kurimba ariko by’umwihariko Nkomezi Prosper bikomeje kugaragara ko yigaruririye imiti ya benshi, hamwe na couple ya Ben na Chance abantu bagaragaje ko bazi indirimbo zabo maze bivayo bararamya barabyina.

Mu igihe abitabiriye bari bategereje nyirizina James na Daniella , habanje haza abacuranzi na abaririmbyi  bambaye amakanzu asa  . James na Daniella baje bambaye neza cyane  bigaragarira amaso ya buri umwe .

Indirimbo zose  baziririmbye mu buryo bwa live ndetse hari n’izo bacishagamo bakazana abandi bakamufasha .

Icyo kwishimira muri iki gitaramo n’ubwitabire bwa garagaye dore ko iyi Couple nta gihe kinini bamaze bagaragaje ko batangiye urugendo rw’umuziki , batangiye mu mwaka 2019. Ariko abantu bakaba bitabiriye . Iki gitaramo cyateguwe neza kandi habamo n’ubuhanga  bwo kumenya guhitamo abahanzi bakenewe . umutekano wari umze neza ku urugero rushimishije kuko bari bitabaje abafite uburambe mu gucunga umutekano wo mu gitaramo nta muntu numwe wa hutajwe.

Icyo ku ntenga muri rusange amatike yatangiye kugurishwa kare kugirango birinde umurongo , ariko abitabiriye bumvikanye bitotomba bibaza impamvu ki ituma agera ku muryango bakamusubiza iyuma  ngo age gutonda umurongo bamuterere kashe kandi ari ibintu byari bikwiye gukorwa mbere . Ariko muri rusange byagenze neza.

Mutwihanganire amafoto yagize ikibazo .ariko nigikemuka turayabagezaho

 

 

 

 

0 comment
1 FacebookTwitterPinterestEmail
Amakuru y'ibanzeIbitaramo

LIVE: Reba uko” Israel Mbonyi “ari gucana umuriro muri Audi ya kaminuza y’u Rwanda i Butare

by Ali Gilbert Dunia
written by Ali Gilbert Dunia

Abahanzi bamaze kwigarurira imitima ya benshi mu muziki wo kuramya no guhimbaza Imana  hano mu Rwanda ndetse no hanze , muri aya masaha bari gukora igitaramo cya rutura mu mujyi wa Butare  muri Audi ya Kaminuza y’U Rwanda.Ni igitaramo kiririmbamo   na Mbonye Israel , Nkomezi Prospel , Serge Iyamuremye .

Iki gitaramo cyiswe ‘Live Concert Huye  , cyabereye I Butare muri Audi ya kaminuza y’U Rwanda  uyu munsi taliki ya 2 Gashyantare 2020.Twavuga ko aricyo gitaramo rutura gisa nkaho kibimburiye ibindi biri gutegurwa muri uyu mwaka.

Muri Audi ya kaminuza y’u Rwanda aho cyabereye ugereranyije hateganyijwe kwakira abantu bari hagati y’ibihumbi 1500 na 2000, kuri iyi saha hamaze kwinjira byibuze 85% .

Ariko amakuru turi gukesha umunyamakuru ukorera radio Salus ikorera mu ntara y’amajyepfo Rukundo uri kudukurikiranira icyi gitaramo ,abwiye isezerano.com ko amakuru yakiriye hari kuvugwa ko hagurishijwe amatike arenga ibihumbi 2000, bivuze ko bari buhagarare.

Abacyitabiriye batangiye kuryoherwa n’umuziki unyura amatwi , Umunyamakuru Rukundo turi gukesha aya makuru  yatubwiye ko isaha igitaramo cyategenyijwe gutangiriraho nibwo cyatangiye saa 15h00pm , gitangizwa n’isengesho , haririmbwa n’indirimbo yo mugitabo .Kandi kuri stage hari hahagaze abasore 6 n’abakobwa 4 akaba aribo biteguye gufasha abanzi kuririmba.kubijyanye n’ubwitabire hamaze kugeramo byibuze 85%.

Pasiteri Godin niwe uyoboye gahunda yo kuramya mbere y’uko abahanzi bagera kuri stage .

Mbonyi Israel niwe ubanje kuri stage saa kumi 16h10pm, akaba aje yambaye ipantaro imwegereye n’ishati ya Cowboy y’ubururu.akaba ahereye ku indirimbo Nzi ibyonibwira kubagirira

MUTWIHANGANIRE KUBWO AMASHUSHO ADASA NEZA .  

 

 

 

 

 

0 comment
0 FacebookTwitterPinterestEmail
Amakuru y'ibanzeIbitaramoMu Rwanda

KIGALI : Jacquelyn Jaci Davette” Indirimbo ze zakunzwe cyane na Perezida “George W.Bush”, ugize amahirwe yo kwitabira igitaramo azakora

by Ali Gilbert Dunia
written by Ali Gilbert Dunia

Kuri uyu wa gatanu taliki 17 Mutarama 2020 , muri Kigali  , mu karere ka Kicukiro  ku urusengero rwa [New Life Bible Church] hazabera igitaramo cyo kuramya Imana ,ni igitaramo kizatangira saa mbiri z’ijoro  . Muri icyo gitaramo hazaba harimo umuririmbyi ukomeye [ Jacquelyn Jaci Davette Velasquez], uturutse muri leta zunze ubumwe za Amerika.

Uyu munyempano [Jacquelyn Jaci Davette]  uzwi cyane mu ndirimbo zitandukanye nka ‘ We Can make A Difference’, ‘This is Time’, ‘On My Knees…..’ muri icyo gitaramo ntabwo azaba ari wenyine ahubwo azafatanya n’abandi bahanzi bazwi cyane hano mu Rwanda  mu muziki uhimbaza Imana nka Diana Kamugisha waririmbye indirimbo nka Mwami Mana, Ku musozi mwakunze muri benshi , Dorcas Ashimwe waririmbye indirimbo nka Tugendane,Elohim. Assoumpta wamenyekanye cyane mu ndirimbo Satura Ijuru  ndetse byanarenze akayitirirwa , ndetse n’abandi benshi .

Uyu mugoroba utegerejwe na benshi cyane kuko bifuza kuzareba uyu muhanzi mpuzamahanga  [Jacquelyn] benshi bamenye mu bikorwa bitandukanye harimo kuririmba ndetse no gukina filime.

Jacquelyn Jaci Davette aririmba mu  White House.

Amakuru dukesha wikipedia atubwira ko uyu Jacquelyn yabonye izuba taliki 15 Ukwakira 1979,avukira mu ntara ya Texas . Jacquelyn Jaci Davette  akaba umunyamerika ndetse ufite impano yo gukina filime , akaba ari umuramyi mu ndirimbo zo kuramya Imana mu ndimi zitandukanye nk’icyongereza ndetse n’ikisipanyoro, akaba n’ umwanditsi w’ ibitabo   .

Mu kiganiro yagiranye n’itangazamakuru kuwa kabiri taliki 14 Mutaramo kuri New Life Bible Church mu masaha ya ni mugoroba , yagize ati :”ushobora  gukora buri kimwe cyose , bishobora kugenda neza , ushobora kwandika ibitabo , indirimbo filime , ariko bivuze ko ntakintu bimaze mu gihe waba udafite abantu .

Jacquelyn Jac  mu kiganiro yagiranye n’itangazamakuru.

Mu gihe yarabajijwe uko yakiriye kuririmba muri [White House]  imbere y’uwahoze ari  perezida wa  America  George W. Bush ,[ Jacquelyn Jac]i yagize ati:” ni ibisanzwe kuba muri [Write House],  birenze uko ubitekereza , George W.Bush yakunze umuziki wanjye , nanjye nakunze uburyo avuga iki Esipanyoro, n’ubwo atakivuga neza cyane. Yakomeje avuga ko yishimiye cyane uburyo yakiriwe mu Rwanda .

Rev. Dr Charles M. Buregeye  akaba Umushumba  wa New Life Bible Church (NLBC)

Rev. Dr Charles M. Buregeye  akaba Umushumba  wa New Life Bible Church (NLBC), nawe yavuze  ko Jaci Velasquez  ko  ari inshuti ye yatumiye kugira ngo azabafashe kumenyakanisha ibikorwa by’iri torero.

Kandi ko Velasquez  ari umushyitsi we w’Imena batumiye  kugira ngo akoreshe izina afite mu gutuma ibikorwa by’iri torero bimenyekana kurushaho ku rwego mpuzamahanga.

Reka tubibutse ko iki gitaramo kwinjira  ari ubuntu kuri buri wese kandi bakaba bazaririmba Live, ntagushidikanya dukurikije ubuhanga bwabazaririmba buri wese azataha yanyuzwe  .

Photo :Inyarwanda .com

0 comment
1 FacebookTwitterPinterestEmail
Amakuru y'ibanzeIbitaramoMu Rwanda

The Blessing Family na Himbaza Club babazaniye Iserukiramuco ry’imbyino

by Ali Gilbert Dunia
written by Ali Gilbert Dunia

Taliki 26 Mutarama 2020 kuri Christian Life Assembly (CLA Nyarutarama) hateguwe iserukiramuco  ryateguwe na The Blessing Family bakazafatanya na Himbaza Club benshi bamenye binyuze mu irushanwa ry’umuziki rya East Africa’s Got Talent . Muri iriserukiramuco kwinjira ni  2,000 Frw mu myanya isanzwe na 5, 000 Frw mu myanya y’icyubahiro.Iki gikorwa kizatangira guhera saa 17h00pm .

Umuyobozi wa The Blessing Family Semayange Octave yatangarije ikinyamakuru isezerano .com ku umurongo wa telephone  ko bageze kure imyiteguro y’Iserukiramuco ry’umunsi umwe rya Foundation of Praise Festival kandi ko bamaze amezi atanu bategura iri serukiramuco  nyarwanda  bakaba biteguye gutanga ibyishimo kubazitabira .

Mu magambo ye ati:” twebwe dushobora kubyina imbyino zose  rero dukeneye abandi bakora ibitandukanye dukora , rero twabonye  Himbaza Club, cyane ko turi inshuti .rero dukoranye byaba akarusho ndetse abazaza bazaryoherwa.

Yakomeje yemeza ko  uretse Himbaza Club bari no gutekereza gutumira   itsinda ry’ababyinnyi babyina imbyino zo muri Botswana babarizwa mu Rwanda. Kandi iri Serukiramuco n’umwanya mwiza ku bakunda imbyino zitandukanye zo mu bihugu bitandukanye.

Kandi ntabwo abazitabira bazicuza kuko bazabona ibirenze uko batekereza, kandi tuzatangirira igihe , ntamwanya wo takaza bazabona.

Himbaza Club itsinda rigizwe ahanini n’Abarundi baturutse mu gihugu cy’uburundi  b’impunzi baba mu Rwanda batangiye  mu 2008 i Bujumbura mu Burundi. Yatangiye gukorera mu Rwanda, ku wa 06 Kamena 2015 itangijwe n’abasore b’impunzi z’abarundi bahungiye mu Rwanda bahoze bavuze ingoma muri Himbaza y’i Burundi.

Himbaza Club ni itsinda ry’Abakristo rigizwe n’abantu 16 rihimbaza Imana binyuze mu kuvuza ingoma n’’imbyino gakondo zikomoka i Burundi. Rimaze kugaragara mu bikorwa byinshi haba mu Rwanda, Kenya na Tanzania.

Ryatumiwe mu biterane binini harimo nka ‘Afrika Haguruka’ itegurwa na Zion Temple, ‘Africa Harvest’ itegurwa na Bethel church hamwe n’igitaramo nka ‘Overflow’ cya Heavenly melodies, ‘East Africa wedding Show’, ‘East Africa Tarama Festival’…

Iri tsinda kandi ryavuzwe cyane mu mpera z’umwaka ushize mu irushanwa rya East Africa’s Got Talent’ bitabiriye ryabereye mu Mujyi wa Nairobi muri Kenya. Babashije kugarukira muri kimwe cya kabiri cy’irushanwa.

 

 

0 comment
0 FacebookTwitterPinterestEmail
IbitaramoMu Rwanda

I KIGALI : Umuhanzi Papy Clever na Nelson Mucyo bazitabira Umuhango ukomeye wo gushimira bamwe mu bakozi b’ Imana bagera kuri 16

by Nelson Mucyo
written by Nelson Mucyo

Iki gikorwa kizaba kuri uyu wa gatanu kuwa 27 /12/ 2019 ku cyicaro cy’ umuryango w’ abasomyi ba Bibiliya mu Rwanda (Ligue pour la lecture de la Bible au Rwanda) isaa munani ( 14h 00) ku kacyiru .

Pastor Ronald Umuyobozi Mukuru wa Joshua Ministers Fellowship ariwo wategiye iki gikorwa yavuze ko bitewe nuko iki gikorwa ndetse niri yerekwa ari rigari iki gikorwa kizajya kiba ngaruka mwaka

Yagize ati ” Iri yerekwa abakozi b’ Imana bagize ni rigari , turateganya ko ibikorwa birimo ugushimira abakozi b’ Imana mu nzego zitandukanye bizajya bigaruka kenshi mu myaka iri irimbere”

Joshua Ministers Fellowship igendera ku mahame n’ indagaciro zirimo ukunga umubano mwiza hagati y’ abakozi b’ Imana , kugendera ku ndangagaciro y’ ubunyangamugayo , ndetse no kwerekeza mu cyerekezo gishingiye ku ijambo ry’ Imana (Bibiliya) . Icyanditswe Joshua Ministers Fellowship igenderaho

Abaheburayo 13:7 “Mwibuke ababayoboraga kera, bakababwira ijambo ry’Imana. Muzirikane iherezo ry’ingeso zabo, mwigane kwizera kwabo.
Ku nshuro ya mbere abakozi b’ Imana bagize uruhare mu ivugabutumwe n’ Isanamitima 1994 -2000 Bazashimirwa

Abakozi b’ Imana bagize uruhare mu ivugabutumwe n’ Isanamitima nyuma ya Jenoside y’akorewe abatutsi 1994 -2000 Bazashimirwa

Ku nshuro ya mbere mu Rwanda Joshua Ministers Fellowship umuryango w’ abakozi b’ Imana ugiye gushimira bamwe mu bayobozi bakuru b’ amatorero bagize uruhare rukomeye mw’ Ivugabutumwa mu Rwanda nyuma ya Jenoside yakorewe abatutsi mu 1994 kugeza mu mwaka wi 2000

Umuryango Joshua Ministers Fellowship washinzwe n’ abakozi b’ Imana (aba Pastors) guturuka mu matorero ya Gikristu mu Rwanda , kubw’ intego 3 zirimo : gutanga umusanzu w’ amasengesho ku murimo w’ Imana (Prayer) , gutegura ibiterane bihuza abakozi b’ Imana ,(Fellowship) ibiterane byunga ubumwe mu ubusabane , ndetse no guhugurana nkabayobozi mu rwego rwo kuzamura iterambere hagati muribo (leadership development )

Uyu muryango Joshua Ministers Fellowship ukorana cyane n’ amatorero ya gikrsito n’ abayobozi b’ amatorero ya gipantekoti mu rwego rwo gusengera ububyutse , ubumwe bw’ amatorero ndetse no kubaka ikiraro gihuza neza abakozi b’ Imana bakuru batangiye umurimo w’ Imana cyera cyane kugeza na n’ubu.

Ni muri urwo rwego Joshua Ministers Fellowship yateguye igikorwa cyo gushimira kumugaragaro bamwe mu bakozi b’ imana bagize uruhare rukomeye mwivugabutumwa ryiza ndetse nahantu hagiye hahurira abantu benshi besengera igihugu iterambere no kwubaka ubumwe n’ ubwiyunge ,n’ iterambere nyuma ya jenoside 1994 kugeza 200

Mu kiganiro Pastor Ronald umwe mubyobozi ba Joshua Ministers Fellowship yagiranye n’ikinyamakuru isezerano.com yagitangarije ko iki gikorwa kigiye kuba ku nshuro ya mbere ari uguha agaciro abakozi b’ Imana ku murimo ukomeye bakoze . Yagize ati ” Aba bakozi b’ Imana batubanjirije ntiwabona icyo ubahemba ku bikorwa byiza bakoze , aba batubereye iteme ryiza ry’ ububyutse , ubumwe n’ ubwiyunge .Basakaje ubutumwa bwiza bwa Yesu Kristo kuri uyu musozi w’u Rwanda mu gihe cyari kigoye”

Muri uyu muhango abahanzi barimo Papy Clever na Nelson Mucyo bazasusurutsa abazitabira uyi muhango

 

0 comment
0 FacebookTwitterPinterestEmail
Amakuru y'ibanzeIbitaramoMu Rwanda

Bethlehem Evangelical Week kunshuro ya 5 imyiteguro irarimbanije

by NIRINGIYIMANA DANIEL
written by NIRINGIYIMANA DANIEL

Bethlehem Evangelical Week ni igiterane ngaruka mwaka gitegurwa na Korali Bethlehem imaze kuba ubukombe ,ibarizwa mu karere ka Rubavu mu itorero rya ADEPR Paroisse ya Gisenyi,ni igiterane kimara icyumweru kikaba mumpera zisoza umwaka.

Mukiganiro kigufi umuyobozi wa Korali Bethlehem[ Innocent Muhire Muparasi],yagiranye n’ikinyamakuru isezerano.com ku murongo wa telephone  yatangaje ko iki giterane ngaruka mwaka kigiye kuba kunshuro yacyo ya 5 kizabera i Rubavu kuva taliki 9 kugeza kuya 15 Ukuboza 2019.

Yakomeje abwira isezerano.com ko nyuma y’ivugabutumwa muburyo bw’ijambo ry’Imana n’indirimbo harimo n’ibikorwa by’urukundo gusura amagereza,gutanga ubwisungane mukwivuza no gufasha abakene muburyo butandukanye.

Yakomeje avuga ko hari abatumirwa bazafatanya na Korali Bethlehem muburyo bw’ivugabutumwa,barimo Korali Siloam ibarizwa mu itorero rya ADEPR Kumukenke,abahanzi nka Alexis DUSABE,Danny MUTABAZI na Innocent TUYISENGE hamwe n’amakorali amwe namwe yo mu karere ka Rubavu,ndetse n’abigisha b’ijambo ry’Imana nka Pasiteri Desire Habyarimana,Ev.Boniface Singirankabo baturuka mu mujyi wa Kigali n’umushumba w’itorero ry’ADEPR Akarere ka Rubavu Rev.Celestin BUTERA.

 

0 comment
0 FacebookTwitterPinterestEmail
Newer Posts
Older Posts