Home Ibiterane
Category:

Ibiterane

Amakuru y'ibanzeIbiteraneMu Rwanda

Umuzamu wa Rayon Sports” Kwizera Olivier” yafunzwe azira ibiyobyabwenge

by Tuyizere Mubarak
written by Tuyizere Mubarak

Umuzamu wa Rayon Sports n’,ikipe y’igihugu y’u Rwanda Amavubi Kwizera Olivier ari mu maboko y’inzego z’umutekano akurikiranweho gukoresha ibiyobyabwenge .

Kuri uyu mugoroba nibwo inkuru yabaye Kimomo ko Urwego rw’igihugu rushinzwe ubugenzacyaha RIB rwataye muri yombi Olivier Kwizera ndetse nabo bari kumwe , bikavugwa ko basanzwe banywa ikiyobyabwenge cy’urumogi .

Uyu musore utarahamagawe mu ikipe y’igihigu ubwo bagenzi be batsindaga Central Africa we ngo yari yibereye mu Karere ka Nyarugenge I Gikondo ahanzwi nka Kimisange arimo kwinywera ibiyobyabwenge aho yarari kumwe n’abandi bantu bataratangazwa .

Mubutumwa RIB yanyujije kurukuta rwa Twitte isubiza umunyamakuru Oswald Mutuyeyezu RIB yemeje ko yafunze Kwizera Olivier ikaba imukurikiranyeho gukoresha ibiyobyabwenge .

Uyu musore wigeze kwanga kwinjira muri bus ya Rayon Sports ubwo bari bamaze kunganya na Gasogi United , akaba yari yakoze ikosa ryatumye ikipe ya Gasogi United yishyura igitego yari yatsinzwe na Rayon sports. Ibi byatumye bamwe mubakinnyi ba Rayon Sports bamurakarira ndetse bamwe baranabigaragaza nawe bituma yivumbura yanga kujyana nabo muri Bus y’ikipe .

Ku wa gatatu nibwo yari yasabye imbabazi ubuyobozi bwa Rayon Sports bamugarura mu mwiherero gusa ntawuzi uko yasohotsemo kugeza atawe muriyombi .

Olivier Kwizera arimo gusoza amasezerano muri Rayon Sports bikaba bivugwa ko ashakishwa n’amakipe atandukanye arimo na APR FC yigeze no gukinira mu myaka ishize .

0 comment
0 FacebookTwitterPinterestLinkedinWhatsappEmail
Amakuru y'ibanzeAmatekaIbiteraneMu Mahanga

DRC: Abayisilamu barwaniye kuyobora isengesho, Umupolisi ahasiga ubuzima

by Marie Joseline Nyituriki
written by Marie Joseline Nyituriki

Ku munsi mukuru w’Irayidi wizihizwa n’Abayisilamu wabaye kuri uyu wa Kane 13 Gicurasi 2021, muri Repubulika iharanira Demokarasi ya Kongo, habaye Imirwano ikomeye hagati y’Abayobozi babiri ba Islam, barwanira kuyobora isengesho kuri uyu munsi, bituma Umupolisi ahasiga ubuzima.

Ni gake cyane uzabona imirwano y’Abantu barwanira kuyobora isengesho runaka, cyane cyane iyo abo bantu ari abakomeye mu idini cyangwa mu itorero runaka bihita bigaragara nabi kuko bifatwa nko gusebya idini. Ibintu nk’ibi byagaragaye mu gihugu cya Repubulika iharanira Demokarasi ya Kongo aho Abayobozi ba Islam barwanye bigatuma umupolisi ahasiga ubuzima.

Ubwo abayislam bizihizaga umunsi mukuru w’ilayidi i Kinshasa,havutse imirwano ikomeye hagati y’abayobozi babiri bahanganiye kuyobora Abayislam bakozanyijeho buri umwe ari we ushaka kuyobora isengsho rya Eidil Fit’ri.

Ibi byabereye kuri stade ya Martyrs ubwo abayislam bari bahazindukiye bategereje gukora isengesho ry’Ilayidim batunguwe no kubona aba sheikh babiri buri ruhande rufite abarushyigikiye, rushaka kuyobora isengesho biba ngombwa ko Polisi ariyo ihosha imvururu, nayo imodoka yayo irahatwikirwa.

Ubwo yageragezaga guhosha imvururu, Polisi yakoresheje imyuka iryana mu maso mu rwego rwo gutatanya abayislam bari bakubise buzuye, batangira guhangana nayo.

Imidoka ya Polisi yatwitswe mu mirwano y’Abayisilamu.

Nkuko tukesha ikinyamakuru Mediacongo avuga ko mu mvururu zatejwe n’Aba bayobozi ndetse n’abayoboke kuri iki kibuga, Polisi yatangaje ko haguyemo umupolisi umwe wari hafi y’imodoka ya polisi naho izindi 5 zirangizwa bikomeye.

Mu bahanganye harimo Sheikh Abdallah Mangala Luaba wari Mufti mukuru wa COMICO  umaze igihe kinini ayoboye ishyirahamwe ry’abayislam rya RDC ryitwa  COMICO wahangaye na Imam Sheikh Youssouf Djibonda kapiepia uherutse gutorerwa kuyobora COMICO nawe uvuga ko ayobora uyu muryango w’abayislam nawe akaba afite abantu bamushyigikiye kandi nabo bafite ubushobozi.

Izi mvururu zatumye kandi uyobora umujyi wa Kinshasa Geantiny Ngobila abahamagaza bombi abajyana mu biganiro by’ubwiyungue byabereye ku cyicaro cy’ibiro by’umujyi wa Kinshssa, ariko abayislam bagombaga gusengera kuri stade Martyrs bo bakaba batashye badakoze iryo sengesho.

Uretse kumvikanisha aba bombi, Guverineri yari yasabye ko ushoje manda ariwe Sheikh Abdallah yazayobora isengesho rya Iddil fitri naho mugenzi we Sheikh Yusuf akaba ariwe utanga ubutumwa bwa Iddil Fitri buzwi nka Khutba cyakora abayislam b’i Kinshasa barabyanga bavuga ko batakimushaka kuko ayoboye igihe kirenga imyaka 10,akaba yararanzwe no kwigwizaho ibya COMICO.

0 comment
2 FacebookTwitterPinterestLinkedinWhatsappEmail
Amakuru y'ibanzeIbiteraneInyigishoMu Mahanga

Pakistan: Umuvugabutumwa Yakoze ibisa n’igitangaza, benshi bahinduka Abakirisitu

by ELEVANIE Namusisi
written by ELEVANIE Namusisi

Mu gihugu cya Pakisitani, Umuvugabutumwa ukiri muto, yakoze ibisa n’ibitangaza bitarakorwa n’undi muntu muri iki gihugu, abarenga ibihumbi 16000 bahinduka Abakirisitu.

Umuvugabutumwa Alberto Mvila w’imyaka 29 yakoze ikintu gikomeye kitigeze gikorwa n’undi muntu muri iki gihugu, ahindura Abantu bagera 16,000 bava mu madini basengeragamo yiganjemo Islam bayoboka inzira ya Kristu.

Nkuko Paradize news dukesha iyi nkuru yabyanditse, Mvila ni umuvugabutumwa washinze umuryango awita  Belgium is saved akaba yari ari mu ivugabutumwa ry’iminsi 16 muri Pakisitani agamije kwigisha ijambo ry’Imana kugira ngo abantu bahindukire bave mu byaha babe abakirisitu.

Mu nyigisho yagendaga atanga, uyu muvugabutumwa yakanguriraga Abantu kubaha Imana, ndetse akababwira ko nibayitonesha nayo izabatonesha kandi imiryango ifunze igafunguka mu izina rya Yesu.

Mvila ati”Reka abantu bakwite umusazi mugihe ugize Ubugingo intego yawe yambere,Kandi ugakoresha ibyo Imana ishaka ikubwira gukora, mugihe utonesha Imana izaguha ibyo wifuza.Ndagusezeranije Imana izaguha ubutoni Kandi izakingura imiryango utigeze ukomanga.”

Mvila arinzwe cyane n’Abashinzwe umutekano.

Ubu butumwa bwa Mvila bwatumye benshi bo mu madini atandukanye bamwishimira kugeza aho bamuha n’abarinzi bitwaje intwaro,mu rwego rwo kumurindira umutekano ngo hato hatagira umugirira nabi.

Kubwiriza ibya Yesu muri iki gihugu cya Pakisitani ni nko kuba uri kwishyira mu bibazo kubera ko iki gihugu kigendera ku mahame ya kiyisilamu, ndetse n’Abaturage bacyo benshi bakaba ari Abayisilamu. Kwitwa umukirisitu muri iki gihugu ni icyaha gikomeye ndetse benshi bahigwa bukware.

Kugeza ubu Ababarirwa mu bihumbi 16 nibo bamaze guhinduka, kandi Mvila avuga ko agikomeje ubutumwa bwe, nubwo hari abamufata nk’umusazi cyangwa uwahanzweho na roho mbi.

Benshi bafashijwe maze barahinduka.

0 comment
2 FacebookTwitterPinterestLinkedinWhatsappEmail
Amakuru y'ibanzeIbiterane

Uburyo ku cyumweru Abapasitoro bo mu nsengero nini bigishije ku ndwara ya Coronavirus

by KATABARWA Gilbert
written by KATABARWA Gilbert

Nkuko Perezida wa leta zunze ubumwe z’Amerika Donald Trump yatangaje kandi akanemeza ko cyumweru tariki 15 Werurwe 2020 ari umunsi w’isengesho ry’igihugu.

Kugirango icyorezo cya Coronavirus gicike burundu muri Leta zunze Ubumwe z’Amerika Donald Trump yasabye abayobozi bahagarariye ibijyanye n’ubuzima kubwira abantu bakirinda ibintu ibyo aribyo byose bibahuriza hamwe ari benshi, nkuko n’abapasitoro nabo baba baretse amateraniro rusange.

Umuryango mpuzamahanga w’ubuzima (World Health Organisation), watangaje ko umubare w’abantu bamaze kwandura Coronavirus ari 152,000 mu bihugu 141.

Ku Isi yose ikaba imaze guhitana abantu 5,720, Leta zunze Ubumwe z’Amerika zatangaje ko iki ari ikiza cyugarije Isi kikaba kigomba gukurikiranwa ku buryo bushoboka bwose.

Ku cyumweru mu gitondo, tariki 15 Werurwe 2020 muri Leta zunze Ubumwe z’Amerika umubare w’abamaze kwandura Coronavirus wari umaze kurenga 2,700 muri Leta 49.

Leta zunze Ubumwe z’Amerika zahagaritse ibikorwa bihuza abantu benshi kugirango ibungabunge ubuzima bw’abaturage bayo.

Kandi n’ubundi mu mibare y’abanduye harimo abanduriye mu nsengero, akaba ariyo mpamvu amateraniro yahagaritswe mu gihugu cyose cya Leta zunze Ubumwe z’Amerika.

Gusa nanone insengero zose ziri gusengera cyane iyi ndwara ya COVID-19 bakoresheje imbuga nkoranyambaga zabo, bivuga ngo muri Leta zunze Ubumwe z’Amerika amateraniro bari kuyakurikirana online.

0 comment
0 FacebookTwitterPinterestLinkedinWhatsappEmail
Amakuru y'ibanzeIbiterane

Urubyiruko rwa “Bethesda Holy Church” rwabateguriye inyigisho zizamara iminsi 4

by Uwera Ritha Shonah
written by Uwera Ritha Shonah

BHC Youth Week  (Bethesda Holy Church)n’icyumweru ngaruka mwaka itorero Bethesda holy church rigenera urubyiruko mu rwego rwo kugaragaza ubushobozi bwabo nk’itorero ry’ejo hazaza. Hagakorwa ibikorwa bitandukanye ariko byibanda mu kwiga ijambo ry’Imana  bagatumira inzobere mu by’ijambo ry’Imana kuri iyi nshuro bazanye umwihariko wabo.Insangamatsiko igira iti “Inzitizi z’ububyutse (the barriers of Revival)”

Mukiganiro isezerano.com cyagiranye  n’umuyobozi w’urubyiruko bwana [Ev. Olivier Rwandenzi]  twamubajije, impamvu bahisemo iyo nsanganyamatsiko ?

Mu magambo ye yagize ati:” ubundi urubyiruko rwacu rufite iyerekwa ryo gutegura urubyiruko ruzana impinduka n’ububyutse muri sosiyete ndetse no mu itorero.  kuko tuziko ububyutse ari igisubizo cy’ibibazo byinshi biri hano ku isi. Rero kuri iyi nshuro tuzaba turi kuganira ku nzitizi  cyangwa imbogamizi zituma ububyutse butaba.

Muri BHC Youth Week batumiye inzobere mu ijambo ry’Imana zizabafasha gusesengura izo nzitizi z’ubububyutse, aribo Dr.Rev.Pst. Antoine RUTAYISIRE, Apostle Sosthene SERUKIZA, na Pst Habyarimana Desire. Kandi bakazabana n’abaririmbyi batandukanye bakazabafasha guhimbaza Imana , nka Healing worship team ndetse na El shadai choir.

Izi nyigisho zizamara iminsi 4 kuva taliki ya 19 kugeza taliki ya 22 z’Ugushyingo, zikazajya zitangira saa kumi nimwe kugeza sa mbiri z’umugoroba , ku rusengero rwa Bethesda Holy Church ku Gisozi.

Umuyobozi w’urubyiruko  Ev. Olivier Rwandenzi akomeza yemeza  ko uzaza muri iki giterane hari ibintu bitatu by’ingenzi azungukiramo.

Ati:”icya mbere ni uko ubugingo bwe buzahahembukira. icya kabiri azaze yiteguye kwakira icyerekezo gishya cy’uburyo rwahindura isi ikaba nziza kuruta uko yayisanze.

Icya gatatu azaze yiteguye kwemerera Imana ikamuhindura igikoresho ikoresha mu bubyutse. kuko mu bubyutse Imana ikoresha abantu, muri iyi seminar tuzahigira amahame ava mu ijambo ry’Imana adushoboza kuba umusemburo mwiza w’impinduka ni ububyutse muri sosiyete ndetse no mu Itorero ry’Imana.

0 comment
0 FacebookTwitterPinterestLinkedinWhatsappEmail
Amakuru y'ibanzeIbiterane

Radio Umucyo yahurije hamwe korali n’amatsinda yo kuramya Imana yahano mu Rwanda

by Ali Gilbert Dunia
written by Ali Gilbert Dunia

Iki gitaramo cyateguwe na Radiyo Umucyo ifatanyije n’abakunzi bayo cyiswe “Umucyo w’iri Tabaza Ntukazime Live Concert” intego iboneka muri Zaburi 119:105, kikazabera muri Dove Hotel, iherereye ku gisozi taliki ya 17 Ugushyingo,2019. 

Cyatumiwemo amakorali ndetse n’amatsinda yo kuramya no guhimbaza Imana byubatse izina  hano mu gihugu nka Shalom Choir yo muri ADEPR Nyarugenge, Ukuboko kw’Iburyo yo muri ADEPR Gatenga, Itsinda rya Alarm Ministries, ndetse Healing Worship Team.

Umuyobozi wa Radiyo Umucyo, Nyirahavugimana Cecile uvuga kuri iki Giterane bateguye,  agaragaraza ko kiri mu rwego rwo kongera guhuriza hamwe abakunzi ba Radiyo Umucyo ndetse n’Abakrisito bose kugira ngo baramye Imana ndetse banayihimbaze.

Yagize ati:” Iki gitaramo cyatekerejwe ku bw’ubusabe bw’abakunzi ba Radiyo Umucyo bifuje ko twakongera kubahuza ndetse n’abandi bakristo bose mu rwego rwo kuramya no guhimbaza Imana ariko hakanakorwa igikorwa cyo gushyigikira umurimo w’Imana ukorerwa kuri iyo Radiyo.”

Uyu muyobozi kandi akomeza avuga ko ari no mu rwego rwo gukomeza gutekereza ku murimo n’inshingano Kristo yadusigiye z’ivugabutumwa turushaho gucana urumuri kugira ngo dukomeze kumurikira abakiri mu mwijima.

Uretse amatsinda ndetse n’amakorari byatumiwe muri iki Gitaramo, harimo kandi n’abandi baramyi batandukanye nka Simon Kabera, Aime Uwimana ndetse n’abandi benshi harimo n’umuhanzi abakunzi bahishiwe ukunzwe cyane hano mu gihugu ndetse no hanze yacyo. Umuvugabutumwa w’uwo munsi ni Pasiteri Desire Habyarimana.

Radiyo Umucyo yatangiye mu mwaka w’2005, ikaba ariyo Radiyo yatangiye bwa Mbere mu Rwanda igamije kwamamaza ijambo ry’Imana biciye mu ivugabutumwa. Uretse iki Gitaramo, yanagiye ikora ibindi bitaramo mu bihe bitandukanye ndetse n’ibindi bikorwa bigamije ivugabutumwa. Muri iki gitaramo kandi biteganyijwe ko abazaza bose bazishyura amafaranga kuva ku bihumbi bitatu(3,000), ibihumbi bitanu(5000) ndetse n’ibihumbi icumi(10000), amatike azagurirwa aho binjirira.

 

0 comment
0 FacebookTwitterPinterestLinkedinWhatsappEmail
Amakuru y'ibanzeIbiterane

Babou Melo ati:” abazitabira igitaramo cyanjye “Living Sacrifice of Worship” Imitima yabo izahembuka

by Ali Gilbert Dunia
written by Ali Gilbert Dunia

Umuhanzikazi w’indirimbo zihimbaza Imana [Babou Melo]  agiye gukora igitaramo (concert)cyo kuramya no guhimbaza Imana agamije kwamamaza Kristo binyuze mu bihangano bye.

Ibi yabitangaje kuri uyu wa kabiri  taliki ya 12 Ugushyingo 2019,aho akangurira abantu batandukanye kuzitabira iki gitaramo cyitwa “Living Sacrifice of Worship”.

Muri iki gitaramo,Uyu muhanzi Babou Melo  azaba ari kumwe n’abaririmbyi batandukanye bahano mu Rwanda  ,nka Danny Mutabazi muri iyi minsi  ukunzwe cyane ,Serge Iyamuremye , Arsen Tuyi na  T.L.C Drama .

Iki gitaramo kiswe [Living Sacrifice of Worship] kizaba taliki 24 Ugushyingo 2019 ku urusengero rwa Light Church ruherereye I Kabuga , guhera saa munani zuzuye.

Umwigisha azaba ari Bishop Munyaneza Amon .  kwinjira muri cyo gitaramo cyateguwe na Babou Melo ni  3000 Frw ndetse na 2000 frws kuzagura mbere y’uko umunsi ugera wacyo , abazagurira k’umuryango bazagura tick 5000frw ahiyubashye (VIP)  na  2000 frws  ahasanzwe.

Mu kiganiro  umuyobozi wa Sky Laber Gakawaya Jean de Dieu akaba ariwe umuhagarariye mukumenyekanisha iki gitaramo, yagiranye n’ikinyamakuru Isezerano.com kuri uyu wa kabiri taliki 12 Ugushyingo 2019 ku murongo wa telephone  ,yavuze byinshi kuri iki gitaramo,anatangariza abantu ko iki gitaramo(konseri)kizaba kigamije kwamamaza izina rya Yesu.

Yagize ati :imyiteguro irarimbanyije kuko ibyo dusabwa byose twarabirangije , kandi na Babou nawe imyitozo irikugenda neza . Yakomeje yemeza ko hari agashya gahishiwe abazitabira , kandi ko bazakora Live, kuri buri muhanzi wese uzaririmba .

 

0 comment
0 FacebookTwitterPinterestLinkedinWhatsappEmail
Amakuru y'ibanzeIbiterane

Jado Sinza ati:’’ amafranga azava muri “True Light Concert” kimwe cya kabiri azafasha abana batishoboye

by Ali Gilbert Dunia
written by Ali Gilbert Dunia

Umuhanzi Jado Sinza wamenyekanye mu indirimbo nka: Nabaho, ndategereje, Goliigota n’izindi nyinshi,  yateguye igitaramo cyo kumurika Album ye ya mbere y’amashusho, ikaba ije ari iya kabairi y’amajwi, mu gitaramo azabanamo n’abaririmbyi batandukanye nka True Promises, James & Daniella, New Melody hamwe na  Pappy Claver ku cyumweru tariki ya 24/11/2019 kikazabera muri Dove Hotel Gisozi.

Mu kiganiro n’abanyamakuru Jado Sinza yatangaje ko mu gitaramo kwinjira bizaba ari amafaranga ibihumbi bibiri(2000frw) n’ibihumbi bitanu (5000frw). Yakomeje yemeza ko amafranga azava muri album zizagurwa  kimwe cya kabiri cy’amafranga azavamo azayafashisha abana batiushoboye.

Mu gihe azaba aririmba ko nabo bazafatanya , kuko hari indirimbo bafitanye nabo, akaba asaba abantu ko bazaza ku mushyigikira kuko ni byagaciro cyane.

Jado Sinza yaherukaga gushyira ahagaragara album ye ya mbere yise NABAHO yamuritse ku itariki ya 5 Ugushyingo 2017 muri Dove Hotel, mu  gitaramo kitabiriwe n’imbaga y’abantu aho kwinjira muri iki gitaramo iki gihe byari Ubuntu.

Jado Sinza ubusanzwe uretse kuba umuhanzi ku giti cye, ni umuririmbyi wo muri korali New Melody na Siloam Adepr Kumukenke.

Jado Sinza muri iki cyumweru yashyize ahagaragara indirimbo yise ‘’NI UWITEKA RYOSE’’ izaba iri kuri iyi alubumu y’amashusho agiye kumurika, wayisanga kuri youtube.

 

0 comment
0 FacebookTwitterPinterestLinkedinWhatsappEmail
Amakuru y'ibanzeIbiteraneMu Mahanga

Colombia : Aba Bishop batumiwe mu gikorwa cyo gusenga kiswe “Iminota 3 y’amahoro”

by Ali Gilbert Dunia
written by Ali Gilbert Dunia

Aba Bishop bose bari batumiwe mu masengesho yo gusenga barwanya urugomo mu majyepfo y’uburengerazuba bwa Colombia.

Aba Bishop  bo muri Colombia batumiwe n’abakatorike ndetse n’abatari abakatorike ko baza bagafatanya mu gikorwa cyo gusenga bise “ Iminota 3 y’amahoro” cyabaye  kuwa mbere taliki ya 4 Ugushyingo 2019.

Musenyeri Elkin Álvarez Botero, akaba ari umunyamabanga mukuru ushinzwe iby’inama ya Bishop wa [Popayan], yitabiriye ubu butumire mu mwanya wa [Bishop Musenyeri Luis José Rueda Aparicio].

Musenyeri Botero akaba yari intumwa ya [Bishop wa Popayan ]ndetse na Bishop wa [Medellin], yanditse agira ati: “Tugiye gusaba Imana n’umutima wacu wose, ngo itwumve kugira ngo urugomo, ubwicanyi, urwango, amacakubiri ndetse n’ubundi bwoko bwose bw’urugomo ntibuzongere kuba bwaba muri [Cauca] no mu gihugu muri rusange,”

Ku isaa  munani, mu isaaha yagenwe, abitabiriye bose basabwe kuvuga isengesho rya mutagatifu [Francis wa Assisi]. Barangije bafata umunota umwe bakoma mu mashyi barimo bumva inzogera yarimo ivuzwa mu rusengero, bategereje ko irangira maze bakavuga isengesho rya Angelus.

Cauca, kakaba ari agace k’amajyepfo y’uburengerazuba bwa Colombia niho habereye icyo gikorwa cyo gusenga. Mu mezi yashize aka gace kagaragayemo urugomo rwinshi, ndetse bamwe mu bayobozi ba societe yo muri ako gace na bamwe mu banyamahanga bari bahatuye baricwa.

Nkuko Vatican News yatangaje ko “Abanyamuryango batantu bari mu itsinda ryabo banyamahanga bishwe kuwa 30 ukwakira. Ubuyobozi bwa leta bwagaragaje ko bwagerageje uko bushoboye kose mukurwanya abari bagize itsinda ryatezaga urwo rugomo rikica abantu.

 

 

0 comment
1 FacebookTwitterPinterestLinkedinWhatsappEmail
Amakuru y'ibanzeIbiteraneMu Rwanda

RWANDA :”Sheikh Gatete Mussa” yakebuye Abakristo ndetse n’Abasilamu

by MUTETERAZINA Shifah
written by MUTETERAZINA Shifah

Sheikh Gatete Mussa yakebuye Abakristo ndetse n’abayisilamu ko bakwiye kuba bamwe.

Umuyobozi w’Abiyisilamu [sheikh Gatete Mussa] akaba Imam   yatangaje ko mu karere ka Kicukiro abereye umuyobozi, habarizwamo Imisigiti 20 iri mu mirenge itandukanye igize akarere ka Kicukiro ,akaba yemeje ko igiterane mpuzamatorero ndetse n’amadini ,ko arigikorwa kivuze ibintu bikomeye cyane muri Isilamu muri rusange , ko iyi gahunda y’ubumwe n’ubwiyunge  ko ari gahunda ya Leta ariko nkuko babigaragaje ko na [Qor’an ] ishimangira ubumwe n’ubwiyunge ,ko abantu bagomba kuba bamwe .

Mu magambo ye yagize ati:”igikorwa nk’iki tukibona nk’icyagaciro kuko Abayisilamu hari igihe cyabayeho mu mateka yaranze igihugu cyacu , mu gihe leta zabanjirije iyi Leta y’ubumwe bw’abanyarwanda irongojwe imbere na nyakubahwa Paul Kagame  , aho Abisilamu bahezwaga tutaboneka mu bandi banyarwanda , ariko iyo duhuriye ahangaha dutandukanye mu myemerere , kuko buri wese yemera uko ashaka n’uko abyumva ,ariko noneho tukagira ikintu kiduhuza nk’abanyarwanda , rero iyo duhuriye hamwe  nka gutya nk’Abanyarwanda natwe twiyumvamo ishema nk’abandi .

Seikh Gatete akaba yageneye ubutumwa bwihariye abakristo ndetse n’abayisilamu muri rusange ko igikorwa nk’iki cy’ubumwe n’ubwiyunge ko ari igikorwa cy’agaciro gakomeye cyane , ni ukuvuga ko Abayisilamu bagira umunsi mukuru [ilaidi].

Usanga gutumira abandi baturutse muyandi madini  bitajya bibaho ndetse n’abakristo nabo bagira Noheli  n’indi minsi mikuru ariko usanga badashobora gutumira abanyamadini n’amatorero ngo bahuze , ariko leta y’ubumwe igena gahunda nkiyi y’ubumwe n’ubwiyunge twese , amadini yose buri wese uko yemera  nibyo yemera tugahurira hamwe twese turi abanyarwanda .

Ibi rero bikorwa n’akarere kakaduhamagara tukaza, buri wese mu myemerereye , iki n’ikintu cyiza cyane dushimira leta yashyizeho .

Nka Islamu mu karere ka Kicukiro tumaze kugera kugikorwa cyiza cy’ubumwe n’ubwiyunge nk’uko nabivuze , aho dukora ibikorwa bitandukanye dufatanyije n’amadini n’amatorero akorera hano mu karere ka Kicukiro , hakaba n’ibikorwa by’umwihariko dukorera mu misigiti nko gushishikariza Abayisilamu nkuko twabivuze ntabwo ubumwe n’ubwiyunge bugarukira kuri leta yacu gusa ahubwo n’idini .

Ibi yabitangarije mu kiganiro yagiranye n’ikinyamkuru isezerano.com muri IPRC Kicukiro ejo ku cyumweru taliki 3 Ugushyingo 2019, mu giterane mpuzamatorero ndetse n’amadini , abarizwa mu karere ka Kicukiro.

0 comment
0 FacebookTwitterPinterestLinkedinWhatsappEmail
Newer Posts
Older Posts