Home Indirimbo
Category:

Indirimbo

IndirimboKuramyaMu RwandaUbuzima bw'Abahanzi

Ibibazo byo kutagira abunganizi muri Gospel music, byatangiye kuvugutirwa umuti

by Marie Joseline Nyituriki
written by Marie Joseline Nyituriki

Nikenshi hagiye havugwa ko mu Rwanda umuziki ujyanjye n’iyobokamana ( Gospel music industry) ujyenda udindira bitewe n’impamvu zitandukanye zitavuzweho rumwe n’abakunzi bawo.

Mu mpamvu zikunda kugarukwaho harimo n’ikibazo cyo kubura abunganizi mu by’umuziki ( Aba Managers )  kubahanzi. Gusa kuri ubu bisa naho iki kibazo cyatangiye kuvugutirwa umuti, kuko hari abatangiye gukora akazi ko kuvuganira no kunganira abakora uyu muziki.

Umwe muri bo ni uwitwa Prince Robert akaba amenyerewe nk’umunyamakuru wa Celebs magazine.

Uyu mugabo kuri ubu wamaze gutera intambwe ishimishije yo gushinga Label yise Prince Robert Entertainment, aho mugutangira  yatangiranye n’umwe mubaramyi bamaze iminsi bafasha imitima ya benshi Isaak Mucyo.

Umuramyi Isaak Mucyo watangiranye na Prince Robert Entertainment.

Mu kiganiro Mucyo yagiranye n’ikinyamakuru Isezerano.com, yavuze ko anejejwe no kubona label imufasha kuzamura umuziki we ,kandi yiteze kuzabona umusaruro.

Ati” ikinejeje ni uko nabonye umwunganizi mu muziki wanjye, ubu ntakibazo nshobora guhura nacyo ngo ntigikemuke kandi nzi ko bizazamura umuziki wanjye.”

Ibi kandi byagarutsweho na Robert washinze iyi label aho yavuze ko yagize inzozi zo gukora uyu murimo kuko yabonaga ko harimo imbogamizi .

Ati” nkunda Gospel music. Rero nabonaga hari.ikintu kiburamo, mpitamo gushinga Label izajya ifasha abahanzi bakora izi ndirimbo zahimbiwe Imana, kandi bakazajya bagirwa inama. Ntawe duheza bose bazaze tubafashe kugira ngo n’abagiraga ikibazo cyo kuririmba iyi njyana bayibonemo.”

Umuziki wo mu Rwanda by’umwihariko uwa Gospel music, uri kugenda utera imbere ugereranyije n’imyaka yatambutse kuko wasangaga ukorwa n’abantu bake ndetse utanakunzwe, ariko kuri ubu ukaba.ukunzwe kurushaho n’abatari bake.

Mucyo avuga ko anejejwe no kubona umwunganizi mu muziki.

0 comment
0 FacebookTwitterPinterestLinkedinWhatsappEmail
Amakuru y'ibanzeIndirimbo

Amariba yazize abashumba babi – Umuhanzi Samuel Imanirafasha

by Ali Gilbert Dunia
written by Ali Gilbert Dunia

Samuel Imanirafasha , umusore usengera mu itorero rya ADEPR Remera, akaba ari umuhanzi mu ndirimbo zo kuramya Imana utaramara igihe kinini muri uyu muziki .

Yasohoye indirimbo ivuga kumyifatire imwe ni mwe bamwe mubakozi b’Imana bagira itari myiza , ko bakwiye kubihindura , abinyujije mu ndirimbo “indirimbo Amariba”.

Mu bihe byashize, Samuel  yagiye agaragara ko afite inyota yo kuvuga ubutumwa bwiza  anyuze mu ndirimbo , aza kubigeraho, doreko kugeza ubu amaze gusohora indirimbo 4 , eshatu (3) zikozwe muburyo bw’amajwi , Amariba akaba ariyo ikoze no muburyo bw’amashusho .

Mu kiganiro yagiranye n’ikinyamakuru isezerano.com, uyu munsi taliki 24/5/2021 yadutangarije byinshi mu bigize iyo ndirimbo ye nshyashya Amariba , yagize ati” Amariba ni menshi kuko n’ubuzima ni amariba , n’akazi dukora ni amariba , kuko amariba n’ikintu ukora kugirango ubuzima bwawe bubeho. Ariko amariba mvuga ni umurimo w’Imana  aho tuvoma ubuzima bw’Umwuka .

Umuhanzi Samuel Imanirafasha

Yakomeje avuga ko iyo ndirimbo yaje amaze kubona ukuntu umurimo w’Imana muriyi minsi utonganiwe cyane . Kuko iyo wicaye ukareba mu isi yose , uko uyu murimo wakorwaga cyangwa uko twasengaga , cyane cyane abashinzwe kugaburira abantu aribo bashumba ntabwo ariko benshi bakiri .

Muri iyi ndirimbo Samuel yaririmbyemo amariba yazize abashumba babi, bituma tumubaza niba adafite ubwoba ko yaba agiye kugirana ibibazo nabo.  Ati “ ntabwo ari bose kuko hari abeza n’ababi , ariko ahantu hari abashumba babi intama ziguye umwuma .

Uziko uhagaze neza mu murimo uko yahamagawe akaba ariko ari uwo nta kibazo gihari . Ariko umushumba uziko mu mukumbi aragiye harimo umwuma akwiye kwisubiraho agahinduka kuko Imana yabahamagariye kwita k’umukumbi baragiye ntugire umwuma .

Mu magambo ye kandi yakomeje yemeza ko aje kuvuga ijambo ry’Imana ko atazanywe noguhangana , kuko ashaka kwamamaza ubutumwa bwiza bwa Kristo . Kandi ko afite byinshi ahishiye abagiye gutangira gukunda ibihangano bye , abasaba kumushyigikira mwandika ubutumwa kuri channel ya Youtube , kugirango amenye ibyo akwiye gushyiramo imbaraga.

KANDA HANO WUMVE  INDIRIMBO YE 

0 comment
0 FacebookTwitterPinterestLinkedinWhatsappEmail
IndirimboInyigishoKuramyaMu RwandaUrukundo

Indirimbo: Umuhanzi Jef King yasohoye indirimbo nshya yise “ASANTE” yumve

by Marie Joseline Nyituriki
written by Marie Joseline Nyituriki

Umuhanzi w’umunyarwanda uririmba indirimbo zahimbiwe Imana uzwi ku mazina ya Jef King, nyuma yo gushinga Foundation ifasha Abatishoboye yasohoye indirimbo nshya yise “ASANTE”.

Asante ya Jef King imaze amasaha make kuri Youtube channel ye ‘Jef King Music’, imaze kumvwa n’abantu batari bake ndetse benshi bakaba banayishimiye binyuze mu bitekerezo bayitanzeho.Mu kiganiro na Jef King yagiranye n’ikinyamakuru Isezerano.com, yavuze ko iyi ndirimbo azayikorera amashusho vuba kandi ko azaba atandukanye n’ayakozwe mbere mu zindi ndirimbo. Uyu musore yongeye gusaba Abanyarwanda kumuba hafi no kumushyigikira kugira ngo akomeze gukora cyane.

Jef King foundation yafashije abaturage bo muri Tanzania.

Yagize ati: “Mu by’ukuri iyi ndirimbo yakiriwe neza cyane kuburyo byatumye ntekereza ku mashusho yayo n’uko nayanoza akazaza asa neza cyane kuruta andi yose nakoze hambere. Abanyarwanda ndabasaba kumba hafi  bakanshyigikira kandi nziko ibyiza biri imbere”.

Yakomeje avuga ko iyi ndirimbo yayikoze agamijr gushima Imana kuri byinshi ikomeje kumugezaho, we atabasha kwikorera kandi ko burya mu byiza no mu bibi ari ngombwa gushima Imana kuko uba ugifite n’ubuzima kandi hari benshi baba bifuza kumera nkawe.

Uyu musore aherutse gufasha imiryango 20 itishoboye muri Tanzaniya binyuze mu mushinga we yise ‘Jef King Faundation’ aho afasha abantu batandukanye bafite ibibazo.

Jef yavuze ko umutima w’urukundo udakwiriye kuba mu bafana gusa ahubwo n’abahanzi bakwiriye gutekereza bagafasha abababaye ndetse bakanakomeza abarwaye n’abashonji. Uretse kuba yarafashije abo muri Tanzania Jef King abinyujije muri Jef King Faundation arateganya ko no mu Rwanda azahakorera ibikorwa by’urukundo mu minsi ya vuba kandi ngo yizeye ko Abanyarwanda n’abandi bose baziga ko gufasha bidakenesha.

Umuhanzi Jef King ubusanzwe akorera umuziki wr muri leta zunze ubumwe za Amerika, aho aririmba indirimbo zahimbiwe Imana. Zimwe mu ndirimbo za Jef King ushobora kuzisanga kuri YouTube channel ye ya Jef King.

kanda hano wumveindirimbo ya Jef King “ASANTE”

Jef King yasohoye indirimbo nshya yise Asante.

0 comment
0 FacebookTwitterPinterestLinkedinWhatsappEmail
AmatekaIndirimboKuramyaMu RwandaUbuhamyaUbuzima bw'Abahanzi

Indirimbo: Nyuma yo kureka inzoga n’itabi, agiye gushyira hanze indirimbo ye nshya”Show me the way”

by Marie Joseline Nyituriki
written by Marie Joseline Nyituriki

Umuhanzi Mapozi nyuma yo kureka inzoga n’itabi byari byaramubase, kuri ubu agiye gushyira hanze indi ndirimbo ye nshya yise “Show me the way.”

Umuhanzi uririmba indirimbo zaririmbiwe Imana wo mu gihugu cy’U Burundi MC Mapozi  agiye gushyira hanze indirimbo ye nshya yise”Show me the way”. Ni umuhanzi wanyuze muri byinshi ariko kuri ubu akaba yarakiriye Yezu nk’umukiza we.

Mu kiganiro ikinyamakuru Isezerano.com cyagiranye na Eddy Kamoso, umuhanzi akaba ari nawe wamufashije kureka inzira mbi yari arimo akaza mu nzira nziza kuri uyu wa Gatandatu tariki ya 01 Gicurasi 2021, yavuze ari ibintu bishimishije kubona umuntu wari warabaswe n’inzoga ndetse n’itabi yemera kubireka agakurikira inzira y’agakiza.

Eddy ati” Mapozi ni umuhanzi wo mu gihugu cy’u Burundi, twaramenyanye tuba inshuti ariko icyo gihe yaririmbaga izi ndirimbo zisanzwe za Secular music, nyuma nza kubona ukuntu anywa itabi n’inzoga ntangira ku mwiyegereza. Uko nakomeje kumwiyegereza tuganira, niko yarushijeho kumfungukira tukajya dukorana, ku buryo n’igihe Nelson Mandela apfa namushyize mu ndirimbo nari nahurijemo Abahanzi benshi yitwa Kama Mandela.”

Akomeza ati” ni ibintu byiza kandi bitangaje, kubona Mapozi yararetse inzoga n’itabi akakira agakiza, akareka izo ndirimbo zindi yakoraga kuri ubu akaba ari umuhanzi wa Gospel, akaba kandi agiye no gushyira hanze indi ndirimbo ye nshya yitwa Show me the way kandi ndizera ko izafasha benshi ndetse ikanabubaka.”

Eddy Kamoso avuga ko nyuma y’uko uyu muhanzi atangiye guhindura imyumvire agatangira no gukora indirimbo zahimbiwe Imana, nayo yaje kumuha umugisha kuburyo ubu asigaye akorera umuziki we muri Leta zunze ubumwe za America, ndetse ko vuba aha agiye gusinya amasezerano na label ya Eddy yitwa Bakora Media ikazamufasha kumenyekanisha ibikorwa bye mu bice bitandukanye  by’isi.

Ati” yanyuze mu bihe bitoroshye, kuko ubwo twari dutangiye kuganira haje kubaho imyivumvagatanyo mu Burundi. Icyo gihe nawe yarahunze ajya muri Uganda ariko Imana irabikora dukomeza kuvugana. Kuri ubu ageze ku rwego rushimishije kuko ubu afite Studio ye bwite muri Canada, ndetse nabyo bikaba bitangaje kuko hari haba ubwisanzure buri muntu akora icyo ashaka, ndavuga ko yashoboraga kongera gusubira mu nzoga n’itabi ariko Imana iramufashe iramukomeje.”

Umuhanzi Eddy Kamoso niwe wagiriye Inama Mapozi.

“Kuri ubu Mapozi agiye gusinya amasezerano muri label yacu ya Bakora media, aho tuzamufasha kumenyekanisha ibikorwa bye ku isi hose ndetse no gukomeza kumugira Inama tunamurinda Satani ko yakongera kumwigarurira. ubu hari amateleviziyo akomeye n’amaradiyo twatangiye kugirana ibiganiro, ku buryo umuhanzi wese uzajya unyura muri Bakora media, azajya anyura muri ibyo bitangazamakuru bitandukanye ku isi.”

Avuga ko usibye kuba hari televiziyo bakiri mu biganiro zizajya zifasha kumenyekanisha ibihangano bya Bakoramedia, hari izamaze gusinyana nabo amasezerano harimo Monatles, hakaba Televiziyo ebyiri zo muri Côte D’Ivoire ndetse n’izindi zo muri Afurika y’Epfo.

Uyu muhanzi  Mapozi yatangiye umuziki wo guhimba indirimbo zaririmbiwe Imana bizwi mu ndimi z’Amahanga nka Gospel songs mu mwaka wa 2016, akaba amaze gukora indirimbo nziza kandi zubaka Abantu mu buryo bw’umwuka.

Show me the way, ntabwo ariyo ndirimbo ya mbere Mapozi azaba ashyize ahagaragara, kuko hari n’izindi yakoze zitandukanye zirenga 4 ndetse zigaragara k’urubuga rwe rwa YouTube zirimo, God is Enough for me.

Umuhanzi Mapozi kuri ubu akorera umuziki we muri Canada muri leta zunze ubumwe za Amerika akaba ahafite n’inzu ye bwite itunganya umuziki. Ni umugabo ufite Abana n’umugore gusa bo bakaba bakiri mu gihugu cy’u Burundi. Arateganya gukomeza gukora cyane kugira ngo agere ku rwego rushimishije kandi kuri we abona ko ari ibintu bishoboka cyane kuko aho yavuye niho kure kuruta aho agana.

Umuhanzi Mapozi yemeye guhinduka ava munzira mbi arakizwa.

Bakora media ni Label yaje gufasha Abahanzi kumenyekanisha ibikorwa byabo, aho buri muhanzi uzajya ugirana amasezerano n’iyi nzu, ibikorwa bye bizajya bikurikiranwa nayo ndetse bimenyekanishwe nayo ku isi hose ku mbuga zitandukanye. Ni labor y’umuhanzi Eddy Kamoso nawe uherutse gushyira ahagaragara indirimbo ye yitwa “NDIHO” yanakunzwe n’abatari bake. Kuri ubu bavuga ko biteguye kugirana amasezerano na buri muhanzi wese waza abagana kandi ko biteguye kubafasha.

Reba indirimbo God is Enough for me ya Mapozi:

0 comment
1 FacebookTwitterPinterestLinkedinWhatsappEmail
Indirimbo

Indirimbo: “Icyubahiro”, indirimbo y’imuhanzi Jeff King yabyinwemo na Kanazi Kids(Karyuri)

by Marie Joseline Nyituriki
written by Marie Joseline Nyituriki

Nyuma yo gusohora indirimbo yakunzwe n’abatari bake bakoresha imbuga nkoranyambaga, umuhanzi uririmba indirimbo zahimbiwe Imana Jeff King yashyize hanze indirimbo ye nshya yitwa Icyubahiro, ikaba yarabyinwemo n’itsinda ry’Abana bo mu karere ka Bugesera basanzwe babyina Kanazi Kids, benshi bakunze kwitirira Karyuri.

Uyu muhanzi w’umunyarwanda ubusanzwe uba muri leta zunze ubumwe za Amerika muri leta ya Texas, mu kiganiro yagiranye n’ikinyamakuru Isezerano.com, yavuze ko iyi ndirimbo ajya kuyikora yayitekerejeho abona ko ashingiye kubyo ahura nabyo Imana ikabimurenza, Imana ikwiye guhabwa icyubahiro.

Jeff ati” ni indirimbo nakoze nitondeye, kuko burya ushaka guhimbaza Imana ntabwo uyisondeka. Nayikoze nayitekerejeho kuko narimaze kubona ibyo Imana inkorera n’ibyo intambutsa, mbona ko nkwiye kuvuga icyubahiro cyayo. Nta bundi buryo nabonaga yagera ku bantu benshi, usibye gukoresha Impano yampaye, nkabibwira isi yose.”

Muri iyi ndirimbo hari aho agera akaririmba ati” hose bahamya ko uri Imana yihariye n’icyubahiro ari icyawe”. Akongera ati” mvuge ko uhwanye nande mu bibaho byose, oya oya ntawe imirimo itangaje y’amaboko yawe mwami mana irabyemeza”

Umuhanzi Jeff King

Ni indirimbo ikozwe mu buryo bw’amajwi n’amashusho akoranye ubuhanga, kandi ikaba irimo ubutumwa bwiza bugamije kwibutsa abantu ko imirimo y’Imana itangaje ikwiye guhabwa icyubahiro, nkuko Jeff King abivuga ati” ifite ubutumwa bukomeye bwo kwibutsa muntu ko Icyubahiro cyose ari icy’Imana yamuremye, ko ntawundi dukwiye kugiha usibye yo yonyine.”

Akomeza avuga ko iyi atari yo ndirimbo ya nyuma ashyize ahagaragara, kuko mu gihe agihumeka umwuka w’abazima agifite n’ubushobozi, atazahwema gukoresha impano Imana yamuhaye avuga ubutumwa bwayo bwiza binyuze mu ndirimbo.

Iyi ndirimbo “Icyubahiro” irihariye kuri we kuko niyo yambere akoreshejemo ababyinnyi b’abana bamaze kumenyekana mu Rwanda no hanze yarwo, aribo Kanazi Kids bitirirwa Karyuri nk’umwe mu batangije iri tsinda.

Yasabye Abanyarwanda gukomeza kumushyigikira, bakurikirana ibikorwa k’urubuga rwe wa YouTube yitwa Jeff King Music, ndetse abasaba no gukomeza kumusengera kugira ngo Imana imwongerere imbaraga akomeze akore byinshi bishimisha Imana. Si indirimbo ya mbere uyu muhanzi akoze kuko hari nindi yakoranye n’umuhanzi Nick yitwa “IKIGIHE”, wanayireba no kuri YouTube Channel y’uyu muhanzi.

Jeff King umwe mu bahanzi bari kuzamuka neza

 

Reba indirimbo Icyubahiro ya Jeff King

0 comment
0 FacebookTwitterPinterestLinkedinWhatsappEmail
Indirimbo

Indirimbo: Umuhanzi NIRERE Eddy yasohoye indirimbo yise “Kumusaraba”. Kanda kuri videwo uyirebe

by Marie Joseline Nyituriki
written by Marie Joseline Nyituriki

Umuhanzi ukizamuka mu njyana ya y’indirimbo zaririmbiwe Imana, zizwi mu ndimi z’Amahanga nka Gospel Songs, Nirere Eddy, nyuma yo gusohora indirimbo zigera kuri esheshatu zikozwe mu buryo bw’amajwi kuri iyi nshuro yasohoye indirimbo nshya yise k’umusaraba.

Aganira n’ikinyamakuru Isezerano.com, Nirere Eddy yavuze ko ajya gukora iyi ndirimbo nshya akayikorera n’amashusho, ari uko yatekereje ku byo Imana yamukoreye, atekereza kandi k’ubuzima yanyuzemo abona ko byose yabyikoreje umusaraba wa Yezu maze akaruhuka.

Yagize ati” ubusobanuro bw’iyi ndirimbo nuko nageze kumusaraba mpabonera agakiza mbese mpindurirwa umwambaro kandi mpamenyera amakuru ko uhageze wese ahindurirwa amateka. Iyi niyo mpamvu yatumye nyita kumusaraba.”

Nirere avuga ko kumusaraba ariho umuntu abonera agakiza, kuko uwahaturiye imitwaro ye yose yatanga ubuhamya. Abwira abakirisitu gukomeza kwizera umusaraba kuko nubwo ari igiti ariko cyamanitsweho agakiza kugira ngo mwene muntu arokorwe.

Akomeza ashima Imana ko yamenye Yezu, ndetse anasaba abantu bataragandukira Imana kuyigarukira hakiri kare. Ati” kuba naramenye Yezu nibyo byatumye ntangira gukora umuziki munjyana ya Gospel songs, kuko ibyo Imana iba yaransimbukije ari byinshi, niyo mpamvu ntazareka gukoresha ijwi yampaye ngo nyamamaze kubwo imirimo y’amaboko yayo itangaje yakoze.”

Muri iyi ndirimbo kumusaraba igitangira Nirere araririmba ati” Nageze kumusaraba mpamenyera amakuru ko uwahageze ahindurirwa izina, amateka ahinduka yumva nanjye nahisemo kwigumirayo.” Ni indirimbo ikoranye ubuhanga kandi nziza ifite n’ubutumwa buhumuriza buri wese uri mu bihe byiza cyangwa ibikomeye.

Uyu muhanzi ukizamuka yavuze ko nubwo ataragera kure ariko yifuza gukora cyane kugira ngo ubutumwa bwiza bwa Yezu bukomeze bwamamare ku isi hose, kugira ngo kamdi n’abatamuzi bamumenye. Yasabye urubyiruko kudakora ibinyuranye n’ugushaka kw’Imana by’umwihariko kutishora mu ngeso mbi z’ubusambanyi n’ibindi kuko nta cyiza kibibamo.

Yavuze ko iyi ndirimbo k’umusaraba atari yo yambere yakoze kuko nubwo izindi zidafitiwe amashusho, ariko nazo zirahari kuko zikunze gutambuka kuri radiyo zitandukanye. Yasabye abanyarwanda muri rusange kumushyigikira, bagasura urubuga rwe rwa YouTube rwitwa Nirere Eddy, bakamutera inkunga ya Subscribe ariko ikirenze ibyo bakajya bamuragiza Imana kugira ngo imwongerere imbaraga n’ubushobozi.

Zimwe mu ndirimbo Nirere Eddy yaririmbye, akazikorera amajwi harimo, Nkomeza mwami, ukondi kose ndanyuzwe, Abisiraheri, mesa ibishura, Niwe, sinjye uriho, ndetse no kumusaraba ari nayo yonyi yabashije gushyira k’urubuga rwe rwa YouTube.

Kanda kuri iyi video urebe indirimbo Kumusaraba ya Nirere Eddy.

0 comment
4 FacebookTwitterPinterestLinkedinWhatsappEmail
Indirimbo

Indirimbo: Itsinda Salome na Roberto bashyize hanze indirimbo nshya yo gushima Imana. Kanda kuri VIDEO uyirebe

by Marie Joseline Nyituriki
written by Marie Joseline Nyituriki

Itsinda nyarwanda ry’urubyiruko rw’abakirisitu risanzwe rihimba indirimbo zaririmbiwe Imana, Salome na Roberto bashyize hanze indirimbo igamije gushima Imana ku byiza yabakoreye kuva batangira gukora nk’itsinda. Bavuga ko batayihimbye kuko hari umwe muri bo ufite izina rihura nayo, ko ahubwo bibutse ibyo Imana yabakoreye bakabona bakwiye kuyishima.

Mu kiganiro n’ikinyamakuru Isezerano.com, Roberto umwe mu bagize iri tsinda yavuze ko hari ushobora kuyumva amuzi akibwira ko ari yo mpamvu bayihimbye, ariko mu byukuri bajya kuyihimba ntibanatekereje ku mazina yabo, ko ahubwo batekereje ku byo Imana yabakoreye mu gihe cy’umwaka umwe bamaze bakorana nk’itsinda kandi bakaba bagana aheza badasubira inyuma, ahubwo batera imbere.

Yagize ati” Iyi ndirimbo twayitekereje nyuma yo kwitegereza ibyo Imana yadukoreye mu mwaka ushize ubwo twatangiraga gukorana nk’itsinda. Twashatse kuyita “Nshimiyimana” Atari uko umwe muri twe yitwa uko, ahubwo ari uko twashakaga ko buri wese  uzumva iyi ndirimbo azayiyumvamo akumva ko ari we tuvugiye ariya magambo ashima Imana, mubyo yamukoreye byose.”

Akomeza avuga ko iyi ndirimbo”Nshimiyimana”, ishaka kubwira abantu ko haba mu byiza ndetse no mu bibi baba bakwiye gushima  Imana yo mugenga wa byose, Kandi ikaba idateze gutererana abayizera”. Avuga ko ari indirimbo itandukanye n’izindi bagiye bashyira hanze kuko ihimbye munjyana ituje mugice kibanza kiganjemo amagambo ashima Imana, ikaba ifite umwihariko w’uko ahagana inyuma ihindura ijyana maze nyuma yo gushimira Imana bikagaragazwa no kuyitambira bishimangira ishimwe ryabo.

Muri iyi ndirimbo hari aho bagera bakagira bati” umutima wanjye urashima urukundo rwawe rw’ikirenga rumwe uhora ungaragariza, aka karirimbo kakunyure wowe nkesha iri shema, wankunze cyera na kare wankoreye byinshi bitarondoreka iyo ngize ngo wansize nkayoba, nkayoba, utabarira igihe ukampumuriza”.

Roberto avuga ko buri muntu wuzuye ibyishimo mu mutima we atabura gushima Imana, kuko ariyo aba akesha ibyo byishimo.

Iri tsinda ni rimwe mu matsinda amaze igihe gito ritangiye umuziki kandi rikaba rimaze gushyira hanze indirmbo zitari nke ugereranyije n’igihe batangiriye, kandi rikaba rifite umwihariko wo kuba ariryo tsinda ririmba indirimbo zahimbiwe Imana ari umusore n’inkumi kandi bikaba byaratumye hari amatsinda yandi abafatiraho urugero, nayo akitinyuka.

Asaba kandi ababakurikira ko bakomeza kubashyigikira kugira ngo ubutumwa bw’Imana bugere kure binyuze mu mpano yabahaye. Ati” icyo nabwira abadukurikira ni uko, Imana ariyo mugenga wa byose Kandi aho turi hose iba iri kumwe natwe n’ibyo ducamo byose iba ibibona, rero ntagikwiye kubuza umukristu gushima Imana”.

Yabwiye kandi andi matsinda akizamuka ko nibakora cyane kandi bagasenga, bazagera kure

hashoboka kandi bakazabiboneramo umugisha. Ati” icyo nabwira amatsinda akizamuka, nubwo natwe ari uko, nuko igihe cyose ufite ubutumwa bwiza bwo kugeza kuri sosiyete udakwiye gucibwa intege n’icyo ari cyo cyose, ahubwo ukwiye guhitamo gukora cyane, maze ibikobwa byawe bikagucira inzira ikugeza ku nzozi zawe”.

Kuva iri tsinda ryatangira umuziki mu mwaka ushize wa 2020, rimaze gushyira hanze indirimbo zirenga 7 zaryo bwite, harimo Roho wa Yezu untunganye, Umwungeri mwiza, Urahirwa, Nshimiyimana ndetse n’izindi nyinshi zitandukanye zahimbiwe Imana. Ushaka kureba indirimbo zabo wajya kuri YouTube Channel yabo yitwa Salome and Roberto ukazireba.

ushaka kureba iyi ndirimbo yabo nshya kanda kuri iyo video

0 comment
1 FacebookTwitterPinterestLinkedinWhatsappEmail
Indirimbo

Burundi: Umuhanzi Sabbas Nkurunziza, yasohoye indirimbo ikangurira abagiye gushinga urugo kwiragiza Imana

by Marie Joseline Nyituriki
written by Marie Joseline Nyituriki

Umuhanzi w’indirimbo zaririmbiwe Imana wo mu gihugu cy’u Burundi, Sabbas Nkurunziza, yasohoye indirimbo nshya ifite ubutumwa bwo gukangurira Abagiye gushinga urugo, kwiragiza Imana ndetse bakanubakira kuriyo kuko ariyo itanga umugisha.

Mu kiganiro yagiranye n’ikinyamakuru Isezerano.com, Sabbas yavuze ko iyi ndirimbo yayihimbye ubwo yiteguraga gukora ubukwe. Yavuze ko yatekereje agasanga ibiriho byose byararemwe n’Imana, kandi ko urugo rwiza ari umugisha Imana itanga.

Yagize ati” iyi ndirimbo yitwa Urugo ni umugisha,   Igitekerezo cyo kuyihimba cyaje igihe narimfite ubukwe, mbonako bikwiye ko nasengera urugo rwacu kugira ngo Imana iduhunde imigisha ntibagiwe ko atarinjye njyenyine ufite ubukwe gusa, ko hari n’abandi benshi bazabukora, mpita mbona ko ahubwo indirimbo ishobora gufasha nabandi bamaze kubaka ingo zabo cyangwa abitegura kurushinga. Iyo ndirimba hari aho mpamagara Imana ngo itwubakire kuko iyo Atari Uhoraho urinze abana be, abavuga babona uruvugiro.”

Akomeza avuga ko urugo rwiza ari urwubakiye ku mana, kuko urugendo umusore n’inkumi bakora kugira ngo bagere k’umunsi nyirizina w’ubukwe, aba ari rurerure kandi bashobora guhuriramo n’ibisitaza byinshi, ngo gusa iyo mwiyambaje Imana mwembi umubano wanyu uyoborwa nayo kandi bikagenda neza.

Muri iyi ndirimbo igitangira aragira ati” urugo ni umugisha Imana itanga, turakwinginze mana uze utwubakire uduhe umugisha tuzabyare abahungu n’abakobwa kandi urugo rwacu rwubakirwe kuri wowe.”

Nkurunziza yasabye abagiye gushinga urugo ndetse n’abamaze kurwubaka, ko bakubakira ku isengesho, bakiragiza Imana kuko ariyo izi icyo bakeneye kurusha undi muntu.

Avuga ko mu gihe mwashyize hamwe mugasenga, Imana ibahungisha amenyo y’abasetsi. Yasabye kandi abakunzi be ndetse n’abantu bose muri rusange gukomeza kumushyigikira bakamukurikira kuri YouTube Channel ye yitwa Sabbas Burundi ndetse bakanamusengera, kandi ko indirimbo yakoranye n’umuhanzikazi Rose Muhando, nayo muminsi mike iraba ibagezeho kuko yamaze gukorerwa amashusho.

Uyu muhanzi usanzwe ukina n’amafilimi agamije kwigisha sosiyete kugarukira Imana inzira zikigendwa, mumezi icumi ashize, amaze gushyira hanze indirimbo nshya zifite amashusho zigera kuri enye zikaba zizaba muri album ye yagatatu. Iyambe ni Humura Yesu aracakora iyakabiri ni Bomoka Yeriko ya gatatu ni Ntituri ibishomeri dufise imirimo muri Leta Y’Imana iya kane imaze imisi ibiri isohotse yitwa Urugo ni umugisha.

Kanda hano urebe indirimbo “Urugo ni Umugisha”.

dore film yakinwemo na Sabbas Nkurunziza.

0 comment
0 FacebookTwitterPinterestLinkedinWhatsappEmail
Indirimbo

Indirimbo: Umuhanzi Marius Bison yashyize hanze indirimbo nshya yitwa “Komeza ucurange”, ivuga kuri Sosiyete

by Marie Joseline Nyituriki
written by Marie Joseline Nyituriki

Umuhanzi Marius Bison usanzwe uririmba indirimbo zaririmbiwe Imana(Gospel songs), yashyize hanze indirimbo shya ivuga kuri Sosiyete. Ni indirimbo ifite ubutumwa bwigisha Sosiyete kudatererana abo bibarutse cyangwa se kutibagirwa inshingano k’umuryango wabo.

Mu kiganiro yagiranye na Isezerano.com, Marius yavuze ko iyi ndirimbo yayikoze ashingiye ku gitekerezo yagize bitewe n’ibyo yari amaze iminsi abona muri sosiyete. Avuga ko impamvu yahisemo kuyikora, ari uko hari abana usanga baratereranwe n’imiryango yabo cyangwa se bamwe bakihakana abo babyaye kandi ari amaraso yabo.

Yagize ati” iyi ndirimbo nayikoze bitewe n’ubuzima bwa buri munsi bwa sosiyete. Ntabwo ari sosiyete nyarwanda gusa, ahubwo ni sosiyete muri rusange kuko usanga hari ababyeyi bamwe babyara bakihakana abo bibarutse, ndetse hakaba n’abandi batita ku nshingano zo kurera Abana babo.”

Akomeza avuga ko muri iyi ndirimbo hari aho aririmba agira ati” nari nicaye rwose ntuje ndi gucuranga gitari yanjye, ngiye kubona mbona umwana w’umukobwa aje ansanga mbona ababaye cyane ndamubaza nti ese wabaye iki ko ufite agahinda, ansubiza ambwira ati komeza ucurange wenda ndaruhuka, dore uko undeba uku isi yambanye akadomo ntawe mfite unyumva.”

Muri iyi ndirimbo kandi mu butumwa burimo, uyu mwana w’umukobwa aba avuga ko yazengurutse hose areba ko hari uwo baba basa kuko aziko amaraso akururana aramubura.

Marius avuga ko iyi ndirimbo ikoze mu buryo bukomeza(series) kuko hari igihe kizagera hakaza ikindi gice cyayo kuko ubu isigiye amatsiko abantu benshi, bibaza uko uwo mwana bizamugendekera, cyane ko aba ari umwana uba adafite umubyeyi n’umwe kuko nyina aba yaritabye Imana amaze ukwezi kumwe avutse, kandi akaba atazi se umubyara.

Marius Bison si ubwambere akoze indirimbo, kuko asanzwe afite n’izindi ndirimbo zirimo mbaye uwawe Nyagasani, ngufitiye ibanga, mu nzu yawe n’izindi zitandukanye, ushobora gusanga kuri YouTube Channel ye yitwa Marius Bison.

Kanda kuri iyi link urebe indirimbo “Komeza ucurange ya Marius Bison.

0 comment
0 FacebookTwitterPinterestLinkedinWhatsappEmail
Indirimbo

Indirimbo: Korali Elayono ikorera ubutumwa i Remera yasohoye indirimbo nshya.

by Marie Joseline Nyituriki
written by Marie Joseline Nyituriki

Korali Elayono y’i Remera yasohoye indirimbo nshya ivuga ku ‘Gukomera kw’Imana’

Korali Elayono ikorera umurimo w’ivugabutumwa rinyuze mu ndirimbo muri ADEPR Remera, yasohoye indirimbo nshya y’Amashusho ikubiyemo ubutumwa buvuga ku gukomera kw’Imana k’umuntu uyiringiye.

Iyi ndirimbo nshya ya Korali Elayono yitwa ‘ Abiringiye Uwiteka’,

Mu magambo ayigize, abaririmbyi ba Korali Elayono bumvikana bahamagarira abantu bose ‘ Gukomera Ku Imana kuko uyiringiye ahora mumahoro.’

Umuyobozi w’abaririmbyi muri Korali Elayono, Shyaka Callixte, yabwiye IGIHE ko iyi ndirimbo itanga ubutumwa bushimangira kugukomera kw’Imana ku buzima bw’abayubaha.

Yagize ati “Igitekerezo cy’indirimbo gishingiye ku gukomera  kw’Imana. Kuko uwubaha Imana iramurinda hari ibidashobokaga ariko kuberako urinzwe n’Imana ikagira uko ibigenza neza. Yubakiye ku nkuru y’ibyo Imana igukorera nawe ukabona bitangaje, utabikekaga.’’

Yakomeje avuga ko muri Korali Elayono hari ibyo babonaga bigoranye ariko Imana igaca inzira.

Ati “Kera warebaga ahazaza ha korali ukabona ntaho ariko Imana yahinduye amateka. Ibyo byose nuko twagumye Ku Uwiteka tumuhanga amaso.hari ibintu byinshi Imana yahinduye.’’

Korali Elayono yasohoye indirimbo ya mbere y’amashusho mu zigera ku icumi ziri kuri Album ya 2 iteganya guha abakunzi n’incuti z’ibihangano byabo.

Korali Elayono y’i Remera yasohoye indirimbo nshya.

0 comment
1 FacebookTwitterPinterestLinkedinWhatsappEmail
Newer Posts
Older Posts