Home Inyigisho
Category:

Inyigisho

Amakuru y'ibanzeInyigisho

Inyigisho: Umva! Ninde Uguhamagara? -Ni Umwanzi cyangwa Inshuti?

by Ali Gilbert Dunia
written by Ali Gilbert Dunia

Wigeze wumva umuntu uhamagara izina ryawe ukaba utazi aho ijwi rituruka? Cyangwa birashoboka ko utashoboraga kumva ijwi, kuko hirya no hino hari urusaku rwinshi. Umva, ijwi riraguhamagara. Wowe!

Uri nde? Witwa nde? Wavuye he? Utuye he? Urajya he?

Uzi izina ry’umudugudu wawe. Birashoboka ko utigeze uba ahandi. Ariko uzi ko umudugudu wawe ugize igihugu kimisozi 1000, kandi ibihugu byose bigize isi nini.

Bibiliya

Hari hashize hafi imyaka 6.000 igihe isi yaremwaga. Byakozwe n’Imana. Imana ifite igitabo cyitwa Bibiliya, kivuga uburyo yaremye isi n’uburyo yaremye umugabo n’umugore wa mbere. Imana yaremye umuntu mu ishusho yayo.

Kuva icyo gihe abana bavutse. Kuva icyo gihe abantu barapfuye. Ibihumbi n’ibihumbi muri bo baravutse barapfa.

Wabyawe na so na nyoko. Ariko mubyukuri Imana niyo yakuremye. Yaremye byose. Wigeze utekereza uburyo Imana yaremye ibintu byose bitangaje n’uburyo yakuremye? Ababyeyi bawe baguhaye izina. Imana izi izina ryawe. Izi izina ryose, niyo yaba ari ururimi urwo arirwo rwose. Azi byose.

Kuberako Imana yaturemye, izi byose kuri twe. Iradukunda kuko turi abayo. Ni Data wa twese uri mu Ijuru, kandi aratwitaho kuruta ba sogokuruza na ba nyina. Igihe rero yadushizemo umwuka, byatumye tubaho iteka, natwe. Oya, si imibiri yacu, kuko bapfa, ariko roho iri muri twe ibaho iteka.

Waba uzi Imana? Ahari urabaza, “Imana ni nde? Ari he? ” Urashaka kumenya? Yego, urabikora. imbere ushaka kumenya. Ntabwo wigeze ubona Imana, ufite? Oya, ariko ntibisobanuye ko adahari. Hariho Imana imwe. kuko uwuriho, rwose Imana yuzuza Ijuru nisi. Ari hose icyarimwe. Inzu y’Imana ni Ijuru, ahantu heza , ariko kandi iba mu mitima y’abantu bumvira ijwi ryayo.

Nigute niga kumenya Imana? Nicyo kibazo ubaza? Imana ifite gahunda nziza yo kutwereka uburyo. Imana yohereje Umwana wayo w’ikinege, Yesu, amanuka mu Ijuru kugira ngo yereke abantu uwo ari we n’icyo amaze. Imana na Yesu ni umwe. Kubitangaza, Umwana w’Imana yavutse akiri uruhinja arakura aba umugabo. Hanyuma. Yesu yabwiye abantu urukundo rw’Imana, Se. Yababwiye ko Imana ari iyera kandi ko idashobora kwihanganira kubona icyaha.

Noneho Imana yatubereye inzira yo gukizwa ibyaha byacu. Yaretse Umwana we Yesu abambwa ku musaraba n’abantu babi. Yatanze ubuzima bwe – urukundo rwe rwinshi cyane!

Yari igitambo gishobora kwishyura ibyaha by’isi yose – icyaha cyose wigeze ukora, icyaha cyose cy’umuhungu, cyangwa umukobwa, umugabo, cyangwa umugore. Yesu yagumye k’umusaraba? Yesu yagumye mu mva? Oya, nyuma y’iminsi itatu arahaguruka aratsinda. Hanyuma asubira mw’ijuru arategereza kugeza igihe Imana ivuze ko isi izarangira. Icyo gihe azaba umucamanza ukiranuka w’abantu bose.

Dusenge :

Niba utarakizwa vuga uti:” ngwino mwami wanjye uze uganze mu mutima wanjye ,ndakwihaye wese . Ngwino uhindure ubuzima bwanjye ndashaka kuba uwawe , ndifuza guhinduka rwose .

Ese waba warakiriye Kristo ? senga utya . Ndagushimira ko wankunze . ngwino unshoboze nkomeze mbe nzira yawe .Amen

 

0 comment
1 FacebookTwitterPinterestLinkedinWhatsappEmail
Amakuru y'ibanzeInyigisho

Inyigisho:Ngwino urebe Imbaraga z’umuzuko

by Ali Gilbert Dunia
written by Ali Gilbert Dunia

“Ngwino urebe.” Aya magambo yanditse muri Yohana 4:29 yavuzwe n’umusamariya ufite ubwoba bwo gutangara no gutinya. Yari amaze guhura n’Umugabo ku mudugudu neza avuga ko ari Mesiya. Ikintu kijyanye nuyu mugabo cyamwemeje ko amuzi byose nubwo atari amagambo menshi yavuzwe.

Yumvaga urukundo rwe n’impuhwe n’ubwo yabaga mu cyaha. Amaze kumva ko byihutirwa yihutira gusubira mu mudugudu we, inkono ye y’amazi iribagirwa. Na we ati: “Ngwino wirebere.”

Yesu yaje ku isi afite ubutumwa bw’amizero. Urukundo n’imbabazi bye byageze kuri buri wese. Yakijije abarwayi, ahumuriza abababaye, abwiriza agakiza. Benshi bakiriye inyigisho ze baramukurikira.

Abayobozi b’amadini bumvise babangamiwe n’ubutumwa bwe bw’urukundo no kwicisha bugufi, maze bagambirira kumwica. Yarahemukiwe, arafatwa, akatirwa urwo gupfa. Agatsiko karakaye gakurikira, abasirikari b’Abaroma bajyana Yesu kumusozi wa Golgota bamutera imisumari kumusaraba wibiti hagati y’abajura babiri.

Yesu yabambwe ku isaha ya cyenda za mu gitondo. Nyuma ya saa sita ikirere cyijimye amasaha atatu. Nyuma yaho, Yesu yarize n’ijwi rirenga ati: “Birarangiye,” maze atanga ubuzima bwe. Habayeho umutingito ukomeye utigisa amabuye kandi ufungura imva nyinshi.

Abigishwa ba Yesu bamanuye umurambo we kumusaraba. Babigiranye urukundo bawushyira mu mva nshya bafunga umuryango n’amabuye manini. Mu gitondo cya kare cy’umunsi wa gatatu habaye umutingito ukomeye.

Umumarayika amanuka ava mu ijuru, azunguza ibuye kure y’imva. Bamwe mu bagore bamukundaga baza gusiga umubiri we, batungurwa no kubona imva irimo ubusa. Bahuye n’abamarayika bababwira bati: “Ntabwo ari hano, ahubwo yazutse: ibuka uko yakubwiye akiri i Galilaya, ati:” Umwana w’umuntu agomba gushyikirizwa amaboko y’abanyabyaha, kandi akabaho. kubambwa, kandi umunsi wa gatatu uzamuka. Kandi bibuka amagambo ye ”(Luka 24: 6-8).

Nyuma yo kuzuka kwe, Yesu yahuye n’abigishwa be mucyumba cyo hejuru. Yaberetse ibikomere mu ntoki no mu rubavu, abaha amahoro y’Imana. Yamaze iminsi mirongo ine yigisha kandi avuga ibintu bijyanye n’ubwami bw’Imana. Urupfu rwe n’izuka rye, gahunda y’agakiza yararangiye.

Umunsi umwe, ubwo yavuganaga n’abigishwa be, Yesu yababwiye gutegereza i Yerusalemu kugeza babonye imbaraga z’Umwuka Wera. Ibi byabafasha kumuhamya aho bagiye hose.

Arangije kuvuga, yazamuye amaboko, abaha umugisha, azamuka mu ijuru. Igihe abigishwa bamwitegereza azamuka, haza abagabo babiri bambaye imyenda yera baravuga bati: “Yemwe bantu b’i Galilaya, ni iki gitumye mwitegereza mw’ijuru? uyu Yesu umwe, yakuwe muri mwe akajya mw’ijuru, niko azaza nk’uko wamubonye ajya mw’ijuru ”(Ibyakozwe 1:11).

Igihe rero abaturage ba Samariya bumvise ubutumwa bwa Yesu, baramwemera. Babwira uwo mugore bati: “Noneho ntitwemera ibyo wavuze, ahubwo ni uko twamwumvise ubwacu kandi tuzi ko mu by’ukuri ari Kristo.” Ubutumwa bwiza bwa Yesu Kristo, arizo nyigisho ze, urupfu, n’izuka rye, ni imbaraga z’Imana ku gakiza. Kugira ngo ubone agakiza, uze kuri Yesu, wihane, ureke icyaha.

Izere Umwami Yesu Kristo nk’Umukiza wawe bwite kandi umwiyegurire ubuzima bwawe. Noneho kubwimbaraga z’Umwuka Wera urashobora gukunda no kubabarira abantu bose, ndetse n’abanzi bawe. Mu gihe abakristo bakomeje kumvira kwizerwa, Yesu aha imbaraga zo kubaho kunesha icyaha.

Yesu ubu ari mw’ijuru asabira abantu kandi ategurira abizerwa (Yohana 14: 2-3). Umunsi umwe  azagaruka gucira isi urubanza. Intumwa Yohana yanditse kuri uwo munsi. “Nabonye intebe nini yera, n’uwayicayeho … Nabonye abapfuye, aboroheje n’abakuru, bahagaze imbere y’Imana; ibitabo birakingurwa … kandi abapfuye bacirwa imanza muri ibyo bintu byanditswe mu bitabo ”(Ibyahishuwe 20: 11-12). Imana izatandukanya abayoboke bizerwa ba Yesu kristo nababayeho mu kutizera kwikunda. Azakira abizerwa bose mumazu yo mwijuru yateguye.

Urimo kubona imbaraga z’umuzuko uyu munsi? Niba atari byo,. Ngwino urebe Umwami wazutse!

0 comment
0 FacebookTwitterPinterestLinkedinWhatsappEmail
AmatekaInyigishoUbuhamyaUbuzimaUrukundo

Ntibisanzwe: Yasize ubukungu yari afite, ajya kuba umubikira_Inkuru ya Soeur Mary Joseph

by Marie Joseline Nyituriki
written by Marie Joseline Nyituriki

Umubikira w’imyaka 92, wari warasezeranye umutuzo, kuba wenyine n’ubukene, yapfiriye mu nzu y’abihaye Imana aho yabaga imyaka igera kuri 30 ishize – gusa inkuru y’ubuzima bwose ya ‘ma soeur’ Mary Joseph itandukanye cyane n’izisanzwe.

Mbere y’uko ubuzima bwe abugenera amasengesho yari azwi nka Ann Russell Miller, umugore w’i San Francisco w’umukire kandi ubaho mu buzima burangwa n’ibirori, ingendo z’indege n’ibigezweho, akaba na nyina w’abana 10.

Ann ni Umunyamerika wavutse mu 1928, akiri muto yari afite inzozi zo kuzaba umubikira, ariko aza kwinjira mu rukundo.

Ku myaka 20, yashakanye na Richard Miller, waje kuba visi perezida wa kompanyi y’ibijyanye n’ingufu z’amashanyarazi (cyangwa umuyagankuba mu Kirundi) ya Pacific Gas and Electric.

Mark Miller, umuhungu we mutoya, mu ruhererekane rw’ubutumwa kuri Twitter yagize ati: “Ku myaka 27 yari afite abana batanu. Yongeyeho abandi batanu – ikipe ya basketball y’ibitsina byombi. Ni byo yitaga kuboneza urubyaro.

“Yari afite inshuti nyinshi cyane. Yanywaga itabi, yanywaga inzoga, yakinaga amakarita. Yakinnye ibyo gusimbuka ugacubira mu mazi.

Yari afite abuzukuru benshi, hari nabo atari yarahuye nabo.

“Yatwaraga imodoka avuduka kandi nabi ku buryo abantu basohokaga mu modoka atwaye ikirenge kibaryaryata kubera gukomeza kugikoresha bibwira ko barimo guhonyora kuri feri [brake]. Yaretse itabi, inzoga na caffeine ku munsi umwe, ibi byamurinze kuba yakwica umuntu.”

Ann yatungiye umuryango we mu nzu nziza y’ibyumba icyenda yitegeye ikigobe cya San Francisco kandi azwiho gukunda kujyana inshuti ze mu biruhuko ku nyanja ya Mediterane n’ahandi.

Igihe kimwe yari mu matsinda atandukanye 22 yakusanyaga inkunga y’amafaranga ku banyeshuri b’abahanga, abatagira aho baba na Kiliziya Gatolika.

Umugabo we yishwe na kanseri (cancer) mu 1984, ahita atangira urugendo rurerure rwo gusaba kwemerwa mu babikira b’amategeko akarishye kurusha abandi ku isi.

Hashize imyaka itanu yatanze ibintu bye byose yari atunze yinjira mu muryango w’ababikira bitwa Sisters of Our Lady of Mount Carmel ahitwa Des Plaines muri leta ya Illinois.

Ababikira b’aba-Carmelite babaho cyane cyane mu ituze. Ntibava mu bigo babamo, cyereka iyo ari ngombwa cyane nko kujya kwa muganga. Aba babikira bavuga iyo biri ngombwa gusa, bagaharira umwanya munini gutuza no gusenga.

Mark ati: “Yari umubikira udasanzwe, ntiyaririmbaga neza, kenshi yakererwaga kugera mu nshingano mu rugo rwabo akanatera ibiti imbwa z’urwo rugo nubwo bitari byemewe.

“Namubonye kabiri gusa mu myaka 33 ishize kuva yagera muri iyo nzu, kandi iyo ugiye kumusura ntiwamuhobera cyangwa ngo umukoreho. Muba mutandukanyijwe n’ibyuma.”

Abana 10 ba Ann Russell Miller

Ann yari afite abuzukuru 28, bamwe ntiyigeze ahura nabo kandi yari afite abuzukuruza barenga 12, bo nta n’umwe yigeze aterura.

Yaryamaga ku gitanda cy’urubaho ruriho agafariso gatoya mu cyumba gitoya cyane, naho ku manywa akambara ikanzu y’ikigina na sandali, ibintu bihabanye cyane n’ubuzima bw’agatangaza kandi buhenze yabagaho mbere.

Ku isabukuru ye y’imyaka 61, Ann yakoresheje ibirori yatumiyemo abantu 800 kuri Hilton Hotel i San Francisco ngo asezere ku nshuti n’umuryango.

Bariye ibiryo bihenze byo mu nyanja, bumva muzika bacurangiwe ako kanya ndetse Ann bivugwa ko yari yambaye ikamba ry’indabo anihambiriyeho ‘igipurizo’ cyanditseho ngo ‘ndi hano’ kugira ngo abantu babashe kumubona bamusezereho.

Yabwiye abo yatumiye ko imyaka ye 30 ya mbere yayihariye ubwe, indi 30 akayiharira abana be, ko igice cya gatatu cy’ubuzima bwe agiye kugiha Imana. Umunsi wakurikiyeho yafashe indege ijya i Chicago kuba mu nzu y’ababikira akitwa Mary Joseph.

Imyaka 30 yambere yayihaye ubwe indi 30 ayiha Abana be naho indi isigaye ayiha Imana

Mark ati: “Yavutse mu myaka ya 1920 apfa mu muri za 20 mu kinyejana gikurikiyeho.

“Nizeye ko andamukiriza data.”

Inkuru ya BBC

0 comment
1 FacebookTwitterPinterestLinkedinWhatsappEmail
Amakuru y'ibanzeInyigishoUbuhamya

Rick Warren yatangiye gushakisha uzamusimbura

by Ali Gilbert Dunia
written by Ali Gilbert Dunia

Rick Warren yatangiye gushakisha umushumba mushya kugirango ayobore Megachurch ya California. Umwanditsi “Purpose Driven Life”(Intego Itwara Ubuzima) yayoboye Saddleback, mu ishyamba ry’ikiyaga, imyaka irenga 40. Mu nyigisho yatanze  mu mpera z’icyumweru gishize yavuze ko arimo gushaka umushumba “uzaza mu gisekuru” uzamusimbura, kandi ko umugambi we wari uwo guhinduka mu nshingano z’imbere.

Warren, ufite imyaka 67. Nk’uko Lifeway Research ibigaragaza, umwaka ushize abitabira iryo torero bari hejuru ya 23.000. Mu mpera z’icyumweru, Warren yamenyesheje itorero gahunda ye yo gusubira inyuma no gushaka undi muntu uzayobora ubuyobozi bw’iryo torero.

Ati: “Muri iki cyumweru gitaha, tugiye gutangira gushakisha ku mugaragaro uzansimbura. Ibyo ni ibintu bikomeye, gushakisha ku mugaragaro uzansimbura.”
Mu isezerano yabasezeranyije yagize ati: “Ntabwo ari iherezo. Ntabwo ari n’intangiriro y’imperuka. Ni intangiriro y’intangiriro, ariko tugiye gutangira gushaka umushumba w’igihe kizaza uzansimbura akayobora umuryango wacu. ejo hazaza. ”

Rick Warren.(Photo: Isezerano.com .Ububiko)

Yavuze ko we n’umugore we Kay “bari bazi ko uyu munsi uzagera” kandi ko bari “bategereje igihe cyiza cy’Imana” kugira ngo batangire inzira yo gushaka umushumba uza kuyobora Saddleback.

Asobanura uburyo yaje gufata icyemezo cyo gutangira gushakisha, Warren yavuze ko we na Kay biyemeje imyaka myinshi ishize yo kuyobora iryo torero mu myaka 40. Igihe itorero ryizihizaga iyo ntambwe muri Mutarama 2020, bombi barasenze bumva ko Imana ibasaba kugumaho igihe gito.
Mu gihe Amerika itangiye kwigaragaza muri iki cyorezo, yavuze ko bombi bumvise Imana ivuga ko “iki ari cyo gihe” cyo kureka undi muntu.

Christianoday dukesha iyi nkuru yakomeje ivuga ko  Rick yavuze ati ” ye ni ugukora “inzibacyuho yoroheje mu ruhare rutagaragara nkumushumba washinze itorero.” Ati: “Ubu, iki ni icyemezo gikomeye kuko ari njye mushumba wenyine uyobora umuryango w’itorero ryacu.”
Yongeyeho ko gushakisha ari igikorwa cyo kwizera. Ati: “Ntugomba kubona intambwe yanyuma yo gutera intambwe yambere. Uratera intambwe yambere yo kwizera.”

 

0 comment
1 FacebookTwitterPinterestLinkedinWhatsappEmail
Amakuru y'ibanzeInyigishoKuramyaMu MahangaUrukundo

Breaking News: Umushumba akaba n’umuhanuzi TB Joshua yitabye Imana

by Marie Joseline Nyituriki
written by Marie Joseline Nyituriki

Nyuma yo kuvugira amagambo akomeye kuri Televiziyo ku wa Gatandatu tariki 05 Kamena 2021, Umuhanuzi akaba n’umushumba mu gihugu cya Nigeria TB Joshua yitabye Imana.

“Ni ukuri Uwiteka Nyagasani ntacyo akora atabanje guhishurira umugaragu we, abahanuzi umugambi we.”- Amosi 3: 7

Ku wa gatandatu, tariki ya 5 Kamena 2021, Umuhanuzi TB Joshua yavugiye mu nama y’abafatanyabikorwa ba Emmanuel TV yagize ati: “Igihe cya buri kintu – igihe cyo kuza hano gusenga ndetse n’igihe cyo gusubira mu rugo nyuma y’umurimo.”

Nkuko byatangajwe n’itorero rye, mu rukerera rwo kuri iki Cyumweru tariki 06 Kamena 2021, Imana yajyanye umugaragu wayo Umuhanuzi TB Joshua mu rugo – nkuko bikwiye ku bushake bw’Imana. Ibihe bye bya nyuma ku isi yabikoresheje umurimo w’Imana. Ibi nibyo yavukiye.

Emitope Balogun Joshua (wavutse ku ya 12 Kamena 1963),yamenyekanye nka T. B. Joshua, yari umushumba muri Nijeriya, umuvugabutumwa wa televiziyo akaba n’umugiraneza. Yabaye umuyobozi n’uwashinze The Synagogue, Itorero ry’ibihugu byose (SCOAN), [3] megachurch ya gikristo iyobora televiziyo ya Emmanuel i Lagos.

Uyu kandi yamenyekanye cyane nk’umuhanuzi ukomeye cyane ku isi , kuko yakundaga guhanurira benshi.

Yahawe ibihembo bitandukanye. Yiswe umwe mu bantu 50 bakomeye muri Afurika n’ibinyamakuru Pan-African Magazine Ikinyamakuru The Africa Report and New African Magazine.

Yize mu ishuri ribanza rya Anglican ryitiriwe Mutagatifu Sitefano i Arigidi Akoko, muri Nijeriya, hagati ya 1971 na 1977, ariko ananirwa kurangiza umwaka umwe w’amashuri yisumbuye. Ku ishuri, yari azwi nk’umushumba muto” kubera gukunda Bibiliya.

Nyuma yo gusoza amasomo yakoze imirimo itandukanye, harimo no gutwara imyanda y’inkoko mu bworozi bwazo. Yateguye inyigisho za Bibiliya ku bana baho yigaga ku mugoroba muri iki gihe. Joshua yagerageje kujya mu gisirikare cya Nijeriya ariko ntibyamukundira.

Umuhanuzi akaba n’Umushumba TB Joshua yitabye Imana.

0 comment
3 FacebookTwitterPinterestLinkedinWhatsappEmail
Amakuru y'ibanzeInyigisho

Yesu aramusubiza ati:” Ingunzu zifite indiri n’inyoni zifite ibyari”

by Ali Gilbert Dunia
written by Ali Gilbert Dunia

Bibiliya iratwigisha ko kubera ko twese turi abavandimwe muri Kristo, tugomba kurebana kandi tugasangira uburemere bw’imitwaro ya buri wese. Rero, nk’abakristu, twahamagariwe gutanga ubufasha kubabukeneye, dutanga ibyo dushoboye byaba ibyo mumarangamutima, muby’Umwuka, ku mubiri, cyangwa mubukungu. Akamaro kibi karasobanutse iyo urebye inshuro nyinshi igitekerezo cyo kugabana kivugwa muri Bibiliya.

Imwe mu mirongo izwi cyane yo muri Bibiliya yerekeye igitekerezo cyo kugabana ikomoka mu Baheburayo 13:16 igira iti: “Ariko ntiwibagirwe gukora ibyiza no gusangira, kuko ibitambo nk’ibyo Imana ibyishimiye.”

Benshi muritwe dufata iyi mitekerereze kumutima mu bice bitandukanye byubuzima bwacu, nko gutanga mu matorero yacu, gutanga imfashanyo, gufasha umuryango wabuze akazi, cyangwa mubundi buryo butandukanye. Ariko, hariho amahirwe menshi yinyongera kubakristo yo gufasha abavandimwe na bashiki bacu.

Nubwo, byanze bikunze, ari ngombwa gukomeza umwuka wo gutanga ku bana b’Imana bose niba bahura nibihe bitoroshye cyangwa bidahari, ni ngombwa cyane cyane kubikora mu gihe, mubyukuri, bahuye nikibazo kigoye mubuzima bwabo.

Kenshi na kenshi, ibihe byubuzima cyangwa ibihe byihutirwa byubuzima ni bimwe mu bihe bigoye umuntu ahura nabyo. Niba ibyo bibazo by’ubuzima ari ibyawe cyangwa birimo guhura n’umuryango cyangwa inshuti magara, ibyo bihe biragoye cyane muburyo butandukanye. Ntabwo ibibazo by’ubuzima bitoroshye gusa k’umubiri, ariko birashobora no kuba ingorabahizi mumarangamutima no mubukungu.

Imigani 14:31 (NIV)“Ukandamiza abakene aba asuzuguye Umuremyi wabo, ariko umuntu wese ugirira neza abatishoboye yubaha Imana.”

Matayo 8:20 (NIV)“Yesu aramusubiza ati: ‘Ingunzu zifite indiri n’inyoni zifite ibyari, ariko Umwana w’umuntu ntafite aho arambika umutwe.’”

Senga

Umukiza, dukunze kwibagirwa igiciro kinini wishyuye kugirango utuzanire agakiza. Wabaye umukene kugirango tube abakire. Mbega ukuntu dushimira kubwimpano yawe itavugwa. Kura imitima yacu kugirango ugaragaze urukundo rwawe rwiza kubandi bakeneye.

Mpa guhora nzirikana abababaye nkuko nawe watuzirikanye , nshoboza kuba uwo wifuza ko mbawe .

Mpa umutima utibagirwa aho wankuye habi cyane , mbashe kwibuka abari aho narindi .

Nshoboza kumenya ijambo ryawe ndetse no kugushimira kubwubuzima wa waduhaye, nshoboza kwibuka ko byose ari wowe wabiduhaye nubwo nakuze ntacyo mbura , nanjye nshoboza kuzirikana abakene . Mbigusabye nizeye kubwo Umwuka Wera .Amen

 

0 comment
0 FacebookTwitterPinterestLinkedinWhatsappEmail
Amakuru y'ibanzeInyigisho

Ni iki uzi ku mugani w’abakobwa icumi,ese abakobwa bo ni ba nde?

by Ali Gilbert Dunia
written by Ali Gilbert Dunia

“Nuko rero mukomeze kuba maso, kuko mutazi umunsi n’isaha.”Matayo 25:13

Icyo gihe, ubwami bwo mu ijuru buzagereranywa n’abakobwa icumi bafashe amatara yabo  bakajya gusanganira umukwe. Batanu muri bo bari abapfapfa, abandi batanu ari abanyabwenge. Abapfapfa bafashe amatara yabo ariko ntibitwaza amavuta,  naho abanyabwenge bo bajyana amatara yabo, bitwaza n’amavuta mu macupa.

Nuko umukwe atinze bose barahunyiza maze barasinzira. Igicuku kinishye humvikana urusakungo ‘umukwe araje! Mujye kumusanganira.’

Nuko ba bakobwa bose barahaguruka batunganya amatara yabo.  Abapfapfa babwira abanyabwenge bati ‘nimuduhe ku mavuta yanyu, kuko amatara yacu agiye kuzima.’Abanyabwengei barabasubiza bati ‘ubanza ahari tutabona aduhagije twese; ahubwo nimujye mu bacuruzi mwigurire ayanyu.’ Mu gihe bari bagiye kuyagura umukwe aba araje, maze abakobwa bari biteguye binjirana na we mu birori by’ubukwe,urugi rurakingwa. Hanyuma ba bakobwa basigaye na bo baraza, barahamagara bati ‘nyakubahwa nyakubahwa, dukingurire!’Arabasubiza ati ‘ndababwira ukuri, simbazi.’ “Nuko rero mukomeze kuba maso, kuko mutazi umunsi n’isaha.

Naho se abakobwa bo ni ba nde? Muri uwo mugani, Yesu yavuze ko abakobwa bagombaga kuba biteguye bafite amatara yaka, igihe umukwe yari kuba aje. Zirikana ko Yesu yahaye amabwiriza nk’ayo abigishwa be basutsweho umwuka bagize ‘umukumbi muto.’ Yarababwiye ati “nimukenyere n’amatara yanyu yake, kandi mumere nk’abantu bategereje igihe shebuja ari bugarukire avuye mu bukwe”

 

0 comment
2 FacebookTwitterPinterestLinkedinWhatsappEmail
Amakuru y'ibanzeInyigishoIsesenguraMu Rwanda

Rubavu: Pasiteri wari wahagaritswe ashinjwa kuba mu mutwe urwanya ubuyobozi bw’itorero yasubijwe ku mirimo ye

by Marie Joseline Nyituriki
written by Marie Joseline Nyituriki

Nyuma yo gushinjwa kuba umwe mu bagize umutwe urwanya ubuyobozi bw’itorero bwashyizweho na RGB, Pasiteri w’itorero ADEPR Rushagara ku Cyumweru tariki 16 Gicurasi akandikirwa ibaruwa imuhagarika ku mirimo yo kuyobora, yasubijwe ku mirimo ye nyuma y’uko bigaragaye ko bibeshye.

Umushumba w’itorero rya ADEPR Shagara yahagaritswe ku mirimo, nyuma yo gushinjwa kuba umwe mu barwanya ubuyobozi bukuru bwa ADEPR buherutse gushyirwaho n’urwego rw’igihugu rushinzwe imiyoborere RGB.

Mu ibaruwa yandikiwe n’umuyobozi w’itorero ADEPR Rubona, ivuga ko kubera gucyekwaho kuba umwe mu bagize umutwe urwanya ubuyobozi bw’itorero buriho, abaye ahagaritswe ku mirimo ye by’agateganyo akaba asabwa kwisobanura mu ibaruwa azandikira ubu buyobozi.

Ibaruwa yanditswe na Rev. Niyongira Elie imumenyesha ko ahagaritswe by’agateganyo iragira iti “Mwene Data Mushumba, tukwandikiye tukumenyesha ko uhagaritswe by’agateganyo mu Itorero rya ADEPR rikorera Rushagara ku mpamvu zo kuba ukekwaho kuba mu mutwe urwanya ubuyobozi bwa ADEPR ry’u Rwanda. Ibindi uzabimenyeshwa nyuma y’ubusobanuro uzatanga mu nyandiko ugaragaza ko udafatanyije n’uwo mutwe. Tubashimiye kubyakira no kubyubahiriza”.

Gusa ibi bivugwa muri iyi baruwa Pasiteri Ntibarikure Jean de Dieu yabihakanye yivuye inyuma mu ibaruwa yandikiye uyu muyobozi ku wa 17 Gicurasi 2021, aho yavuze ko ibyo bamushinja ntaho ahuriye nabyo kandi ko atarwanya ubuyobozi bw’itorero nawe abereyemo asengeramo kandi akaba yaranatorewe kuba umuyobozi muri ryo.

Komite nyobozi yashyizweho na RGB, bivugwa ko irwanywa.

Mu kiganiro yagiranye n’ikinyamakuru Isezerano.com, Pasiteri Ntibarikure yavuze ko usibye kuba yahagaritswe n’udafite ububasha, n’iyo mitwe irwanya Abayobozi ko atayizi. Avuga ko kandi nyuma y’uko RGB ishyizeho ubuyobozi bw’itorero, mu batanze igitekerezo atigeze agaragaramo bityo ko ababikoze babikoze kubera kutamenya no kwitiranya ibintu.

Yagize ati” njyewe iyo mitwe irwanya itorero ntayo nzi. Ese umuntu yaba atazi iyo mitwe niba ibaho cyangwa itabaho, akayijyamo gukora iki? Ntaho mpuriye nayo, ndetse no mu bitekerezo byatanzwe nyuma ya komite nyobozi yashyizweho na RGB, nta cyanjye kigeze kigaragaramo, rero mbibona nko kutamenya k’uwanditse ibaruwa impagarika.”

Pasitori Jean de Dieu akameza avuga ko nyuma yo gusubiza ibaruwa yandikiwe n’uwo mukuru wa Paruwasi ya Rubona, bikagaragara ko uwamwandikiye nta bushobozi abifitiye kuko atari umushumba cyangwa umwe mu nzego z’ubuyobozi zifata icyo cyemezo, yaje gusubizwa ku mirimo ye kuko nta kigaragaza ko akorana n’iyo mitwe irwanya ubuyobozi bw’itorero.

Ati” byonyine uwanyandikiye ibaruwa si umushumba, ahubwo we ari ku rwego rw’umukuru wa Paruwasi, rero yaje kubona ko ari amakosa yakoze kuko atagaragaza icyemeza ko ndi muri iyo mitwe kandi akaba yanampagaritse atabifitiye ububasha, bityo nsubizwa ku mirimo yanjye”.

Ibaruwa yandikiwe Pasitori NTIBARIKURE.

Akomeza ati” urwego ayoboye ntabwo biri mu nshingano ze guhagarika umuntu. Njyewe ndi umushumba usengeye, uyu wari watwandikiye rero kuba ari umukuru w’itorero ntabwo ari umushumba kuburyo yampagarika. Nawe yabonye ari amakosa ahita anyandikira avuguruza ibyo yari yambwiye ndetse ansaba n’imbabazi. Ibi rero njye simbifata nk’ibintu byajya ku itorero ryacu ahubwo ni ikibazo cy’umuntu ku giti cye kubera kutamenya kwe.”

Hashize igihe kitari kinini muri iri torero rya ADEPR, ritagaragaramo amakimbirane, nyuma y’uko mu mwaka wa 2020 Urwego rw’igihugu rushinzwe imiyoborere RGB rushyizeho ubuyobozi bushya. Gusa nubwo bamwe babwishimiye, hari abatarigeze bishimira ubu buyobozi na gato, kuku bavugaga ko abashyizweho nta bumenyi mu by’itorero bafite, ibi bikaba binashingirwaho bavuga ko hari umutwe urwanya ubuyobozi buriho bw’iri torero.

Ibaruwa Pasitori Ntibarikure yasubije uwamuhagaritse.

0 comment
2 FacebookTwitterPinterestLinkedinWhatsappEmail
IndirimboInyigishoKuramyaMu RwandaUrukundo

Indirimbo: Umuhanzi Jef King yasohoye indirimbo nshya yise “ASANTE” yumve

by Marie Joseline Nyituriki
written by Marie Joseline Nyituriki

Umuhanzi w’umunyarwanda uririmba indirimbo zahimbiwe Imana uzwi ku mazina ya Jef King, nyuma yo gushinga Foundation ifasha Abatishoboye yasohoye indirimbo nshya yise “ASANTE”.

Asante ya Jef King imaze amasaha make kuri Youtube channel ye ‘Jef King Music’, imaze kumvwa n’abantu batari bake ndetse benshi bakaba banayishimiye binyuze mu bitekerezo bayitanzeho.Mu kiganiro na Jef King yagiranye n’ikinyamakuru Isezerano.com, yavuze ko iyi ndirimbo azayikorera amashusho vuba kandi ko azaba atandukanye n’ayakozwe mbere mu zindi ndirimbo. Uyu musore yongeye gusaba Abanyarwanda kumuba hafi no kumushyigikira kugira ngo akomeze gukora cyane.

Jef King foundation yafashije abaturage bo muri Tanzania.

Yagize ati: “Mu by’ukuri iyi ndirimbo yakiriwe neza cyane kuburyo byatumye ntekereza ku mashusho yayo n’uko nayanoza akazaza asa neza cyane kuruta andi yose nakoze hambere. Abanyarwanda ndabasaba kumba hafi  bakanshyigikira kandi nziko ibyiza biri imbere”.

Yakomeje avuga ko iyi ndirimbo yayikoze agamijr gushima Imana kuri byinshi ikomeje kumugezaho, we atabasha kwikorera kandi ko burya mu byiza no mu bibi ari ngombwa gushima Imana kuko uba ugifite n’ubuzima kandi hari benshi baba bifuza kumera nkawe.

Uyu musore aherutse gufasha imiryango 20 itishoboye muri Tanzaniya binyuze mu mushinga we yise ‘Jef King Faundation’ aho afasha abantu batandukanye bafite ibibazo.

Jef yavuze ko umutima w’urukundo udakwiriye kuba mu bafana gusa ahubwo n’abahanzi bakwiriye gutekereza bagafasha abababaye ndetse bakanakomeza abarwaye n’abashonji. Uretse kuba yarafashije abo muri Tanzania Jef King abinyujije muri Jef King Faundation arateganya ko no mu Rwanda azahakorera ibikorwa by’urukundo mu minsi ya vuba kandi ngo yizeye ko Abanyarwanda n’abandi bose baziga ko gufasha bidakenesha.

Umuhanzi Jef King ubusanzwe akorera umuziki wr muri leta zunze ubumwe za Amerika, aho aririmba indirimbo zahimbiwe Imana. Zimwe mu ndirimbo za Jef King ushobora kuzisanga kuri YouTube channel ye ya Jef King.

kanda hano wumveindirimbo ya Jef King “ASANTE”

Jef King yasohoye indirimbo nshya yise Asante.

0 comment
0 FacebookTwitterPinterestLinkedinWhatsappEmail
Amakuru y'ibanzeAmatekaInyigishoMu Rwanda

Rwanda: Ku nshuro ya Kabiri, Abayisilamu bazizihiza Irayidi bari mu bihe bya Covid-19

by Marie Joseline Nyituriki
written by Marie Joseline Nyituriki

Kuva icyorezo cya Corona Virus cyagaragara k’umuntu wa Mbere mu Rwanda, ibikorwa byinshi bigahagarara birimo n’ibihuriza Abantu hamwe ari benshi, ibi byagize ingaruka ku banyamadini none ku nshuro ya Kabiri, Abayisilamu bazizihiza umunsi w’Irayidi(Eidil-Fit’ri) bari mu rugo.

Bamwe mu baganiriye n’ikinyamakuru Isezerano.com bo mu karere ka Muhanga kuri uyu wa Kabiri tariki 11 Gicurasi 2021, bavuze ko nubwo batazabasha guhurira hamwe ngo basangire ari imbaga, ko bitazabababuza kwizihiza uyu munsi mukuru cyane ko baba bamaze iminsi 30 mu gisibo cy’ukwezi kwa Ramadhan.

Uwamahoro Djamilla yagize ati” Ni ibyishimo bikomeye kwizihiza umunsi w’Irayidi, kuko uba ari umunsi mukuru.Ubundi mu bihe bisanzwe twatumiraga Abavandimwe, inshuti n’Abaturanyi, ariko kuri ubu ntabwo bizakunda kubera icyorezo cya Corona Virus, kandi leta idusaba kudahurira hamwe turi benshi, ubu tuzicarana nk’umuryango, umugabo wanjye n’Abana dusangirire hamwe.”

Abayisilamu ntabwo bazabasha gusangirira hamwe irayidi.(Photo Igihe.com)

Yussuf Mugabo nawe yagize ati” Allah aba yatanze umugisha kuri uwo munsi. Akenshi dusangira n’Abakene tukabaha ibyo kurya, ipirawu n’ibindi bagafutura nabo, ariko ubu ntabwo bapfa gukunda kuko ntabwo byemewe guhuriza Abantu benshi ahantu hamwe. Gusa ibihe nibyongera kuba byiza tuzasangira”

Aba bayoboke b’idini ya Islam bavuga ko nubwo batazabasha guhurira hamwe ngo basenge bakore n’umunsi mukuru basangirira hamwe, ko bazazirikana mu mutima wabo ko Imana ariyo nkuru kandi ko itanga byose ndetse ko ibihe bitoroshye isi iri kunyuramo bizageraho bikarangira. Basaba abantu bose kwirinda ndetse bakubahiriza Amabwiriza bahabwa na Minisiteri, by’umwihariko basaba bagenzi babo kutazatumirana, ko ahubwo bazishyira hamwe n’imiryango yabo bagasangira.

Mu itangazo ryashyizweho umukono n’umuyobozi wa Islam mu Rwanda, Sheikh Hitimana Salim, yamenyesheje Abayisilamu ndetse n’abanyarwanda muri Rusange ko Umunsi mu kuru usoza igisibo cya Ramadhan bamazemo iminsi 30, uzaba tariki ya 13 Gicurasi 2021, bityo ubuyobozi bukaba bwifurije Abayisilam umunsi mukuru mwiza.

Itangazo rrimenyesha umunsi mukuru w’Irayidi.

Igisibo gitagatifu cy’ukwezi kwa Ramadhan, cyatangiye tariki ya 13 Mata 2021, kikaba cyari kimaze iminsi 30, aho Abayoboke baba biyiriza ubusa bagasenga ndetse bagakora n’ibikorwa by’urukundo.

Igisibo cya Ramadhan ni imwe mu nkingi eshanu Islamu igenderaho, ari zo kwemera Imana Imwe Allah na Mohammed nk’umuhanuzi wayo, Gusenga inshuro eshanu ku munsi, gufasha abakene, gufunga ukwezi kwa Ramadhan ndetse no gukora byibura rimwe mu buzima urugendo rutagatifu I Maka.

0 comment
2 FacebookTwitterPinterestLinkedinWhatsappEmail
Newer Posts
Older Posts