Home Mu Mahanga
Category:

Mu Mahanga

Amakuru y'ibanzeImikinoMu Mahanga

Imikino: Umukinnyi Neymar, yongereye Amasezerano muri PSG

by Tuyizere Mubarak
written by Tuyizere Mubarak

Nyuma yo kuva mu ikipe ya FC Barcelona igashaka kumwisubiza, Umukinnyi Neymar yongereye amasezerano mu ikipe yari asanzwe akinira ya Paris Saint Germain.

Umunya Brazil Neymar Jr ukinira ikipe ya PSG yamaze kongera amasezerano muri iyi kipe azagera muri 2025.

Uyu musore wari umaze imyaka 4 muri PSG yongereye amasezerano, nyuma yuko yashakishwaga n’amakipe menshi yo k’umugabane w’i burayi ariko birangiye agumye muri iyi kipe y’i Paris .

Umwaka ushize ikipe ya FC Barcelona yari yagaragaje ko yifuza kugarura uyu musore nyuma yuko ayivuyemo muri 2017 ,ndetse uyu musore nawe yagaragazaga ko yifuza gusubira muri iyi kipe , Ikipe psg ariko yihagazeho isaba amafaranga y’umurengera Barcelona birangira atagiye.

Neymar yongereye amasezerano muri PSG.

Neymar yongereye amasezerano nyuma y’iminsi 4 ikipe ye isezerewe muri 1/2 cya Champions league, nikipe ya Manchester city. uyu musore akaba yaragiye ananengwa kutagira icyo amarira iyi kipe kandi ahembwa umurengera .

Kugeza ubu Neymar mu myaka 4 amaze muri Psg amaze gutsinda ibitego 54.  uyu musore kandi yagiye arangwa n’imvune za hato nahato ,ibintu byatumaga asiba imikino imwe nimwe ikomeye ikipe ye yabaga ifite .

Ikipe ya psg kuri ubu isigaranye ikizamini gikomeye cyo kongerera amasezerano umusore Kylian Mpappe nawe wifuzwa n’amakipe menshi arimo na Real Madrid yo muri Espanye .

Neymar yifuzwaga n’amakipe menshi ariko aguma muyo yakiniraga.

0 comment
0 FacebookTwitterPinterestEmail
Amakuru y'ibanzeMu MahangaUbuzima

Indonesia-Ubuzima: Umukobwa yirukanwe mu gihugu kubera gukerensa Amabwiriza ya Covid-19

by Marie Joseline Nyituriki
written by Marie Joseline Nyituriki

Umukobwa ukomoka mu gihugu cy’Uburusiya yirukanwe mu gihugu cya Indonesia, nyuma y’uko agaragaye yisize irange mu rwego rwo kujijisha ko yambaye agapfukamunwa, ariko aza gufatwa n’ushinzwe umutekano yinjiye mu iguriro.

Leia Se w’imyaka 26 n’umukunzi we Josh Paler Lin, bose basize irangi aho agapfukamunwa gaca, ku buryo kuvumbura ko batambaye agapfukamunwa byari bigoye cyane. Bavumbuwe n’ucunga umutekano muri iryo guriro.

Leia Se na Lin bagerageje kwinjira muri supermarket ariko bahagarikwa n’abashinzwe umutekano kubera ko batambaye udupfukamunwa ahubwo ari ukujijisha nk’uko Nationalpost dukesha iyi nkuru ibivuga.

Umuyobozi ushinzwe abinjira n’abasohoka muri Bali, Jamarulu Manihuruk, yatangaje ko batirukanwe bose ahubwo hirukanwe umukobwa gusa. Umusore Lin ntabwo yigeze yirukanwa n’ubwo yagize uruhare muri ibyo bikorwa byo kujijisha ko bambaye udupfukamunwa.

Yisize irangi nkaho ari agapfukamunwa

Jamarulu Manihuruk, ati: “Dushingiye ku iperereza ryacu, Leia wenyine ni we wafatwaga nk’uwakoze icyaha maze arirukanwa”. Lin na Se basabye imbabazi, Lin yagize ati: “Intego yo gukora ibi ntabwo byari ibyo gusuzugura cyangwa gushishikariza abantu bose kutambara udupfukamunwa.”

Ibi uyu musore n’inkumi bakoze bisiga irangi bigatuma birukanwa mu gihugu, byafashwe nko gukerensa icyorezo cya Corona virus cyugarije isi n’iki gihugu muri rusange. Kwirukana Aba bakobwa byakozwe kugira ngo bibere isomo n’undi muntu wese ushobora gukerensa iki cyorezo.

0 comment
1 FacebookTwitterPinterestEmail
Amakuru y'ibanzeAmatekaImikinoMu Mahanga

Imikino: Uwahoze ari umuzamu w’ikipe ya Uganda, yashimiwe bikomeye na Perezida

by Tuyizere Mubarak
written by Tuyizere Mubarak

Perezida wa Uganda Yowel Kaguta Museveni yashimiye uwahoze ari umuzamu w’ikipe ya Uganda cranes Denis Onyango uherutse gusezera mu ikipe y’igihugu ya Uganda .

Museveni yatumiye Onyango iwe murugo aramushimira amuha imodokoka nshya yo mu bwoko bwa V8 , nyuma y’imyaka 16 uyu mugabo akinira ikipe y’igihugu ya Uganda . Onyango yasezeye mu ikipe y’igihugu ya Uganda muri Werurwe 2021 , nyuma yaho imisambi ya Uganda iburiye itike yo gukina imikino yanyuma y’igikombe cya Africa kizabera muri Cameroon umwaka utaha.

Ikipe y’igihugu ya Uganda yari imaze igihe ikina imikino nyafurika gusa kuri iyi nshuro ntabwo byayikundiye kuko yabaye iya 3 mu itsinda bituma isezererwa. ibi byababaje benshi mu bakinnyi b’Abagande kuko bashinja ishyirahamwe ry’umupira w’Amaguru muri iki gihugu bavuga ko hari ibyo batakoze biri mu byatumye iyi misambi ya Uganda ititwara neza .

Yahawe imodoka y’agatangaza

Denis Onyango yahise asezera mu ikipe y’igihugu nyuma y’imyaka 16 yari amaze ari umuzamu wambere . Perezida Museveni yashimiye uyu mugabo nk’ikimenyetso cy’icyubahiro nk’umuntu witangiye igihugu .uyu mukuru w’igihugu yavuze ko Onyango yabaye urugero kubanya Uganda ariyo mpamvu bamushimiye.

Musevi ati”Onyango yabaye urugero kuri benshi hano muri Uganda niyo mpamvu mushimiye ibyo yakoze , twe nka Leta tuzagerageza guha agaciro abakinnyi bacu kugirango dutere ingabo mubitugu abandi , turashimira abantu bose bagira uruhare muri sports kumusanzu wabo kabone nubwo leta ntabufasha buhagije yagiye ibaha.

Denis Onyango yashimiye perezida Museveni kuba yamutekerejeho akamushimira. yagize ati” Ndagushimira nyakubahwa perezida kuba watekereje kuba ari njyewe ushimira ukampa iyi mpano y’igitangaza”. Yakomeje avuga ko ashimira abanya Uganda bose kuba baramushyigikiye avugako yumvaga ko aricyo gihe cyo gusezera mu ikipe y’igihugu.

Denis onyango w’imyaka 36 ni umuzamu w’ikipe ya Mamelodi Sandowns yo muri Africa yepfo kuva muri 2011 akaba amaze kuyikinira imikino irenga 110 .

Yashimiwe bikomeye na Perezida.

0 comment
0 FacebookTwitterPinterestEmail
Amakuru y'ibanzeMu MahangaUburezi

USA-Uburezi: Umwana w’umunyeshuri yazanye imbunda arasa Abantu batatu

by Marie Joseline Nyituriki
written by Marie Joseline Nyituriki

Muri leta zunze ubumwe za Amerika mu mujyi wa Idaho, Umwana w’umukobwa w’umunyeshuri uri mu kigero cy’imyaka 11 na 12, yazanye imbunda mu ishuri arasa bagenzi be ndetse n’undi mukozi aho kuri icyo kigo nkuko Polisi yo muri ako gace yabitangaje.

Uyu mwana utatangajwe amazina wiga muwa gatandatu  w’Amashuri abanza (sixth grade), yazanye imbunda ku ishuri rya Rigby Middle School muri uwo mujyi wa Rigby maze ayirashisha bagenzi be.

Umwalimukazi yabashije kwambura imbunda uwo mwana ndetse aramufunga kugeza polisi ihageze ikamujyana muri kasho, nk’uko abayobozi babivuga, impamvu yamuteye gukora ibi ntiramenyekana.

Steven Anderson ukuriye igipolisi aho, yavuze ko uyu mukobwa “yavanye imbunda mu gikapu cye, akarasa inshuro nyinshi mu ishuri no hanze,” yongeraho ko uyu mukobwa ari uwo mu mujyi wo hafi aho wa Idaho Falls kandi ko Iki gikorwa kiri gukorwaho iperereza na FBI.

Yandel Rodriguez w’imyaka 12 yabwiye ibiro ntaramakuru Associated Press dukesha iyi nkuru ati”Njyewe na bagenzi banjye twari mu ishuri, turi kwiga, hanyuma twumva urusaku rukomeye nyuma n’urundi rusaku rwinshi nk’urwo. Twumva abantu bataka, “Mwalimu wacu yagiye kureba asanga hari amaraso.”

Kugeza ubu, Abayobozi bavuga ko hari icyozere ko nta numwe uri buhitanwe n’ibikomere kuko bari kwitabwaho n’abaganga.

Amerika iracyugarijwe n’ibibazo byo kurasa abantu mu kivunge bishingiye ku ntwaro nyinshi ziri mu bantu.

Kuva ageze mu biro, Perezida Joe Biden yamaze gutangaza intambwe za mbere zo kugenzura intwaro nyuma y’ibikorwa byinshi nk’ibyo.

Muri izo harimo gushyiraho amategeko ku mbunda zimwe, gukaza ibyo gusuzuma amateka y’abantu no gufasha ibikorwa byo gukumira urugomo.

0 comment
1 FacebookTwitterPinterestEmail
Amakuru y'ibanzeAmatekaMu MahangaUbuzima

Mali-Ubuzima: Umubyeyi yabyaye Abana icyenda, bose babaho

by ELEVANIE Namusisi
written by ELEVANIE Namusisi

Ni ibintu bitamenyerewe kumva umubyeyi yabyaye Abana b’impanga barenze batatu, kuko akenshi iyo babaye benshi baba bane. Gusa kuri iyi nshuro mu gihugu cya Mali habaye ikimeze nk’igitangaza, aho umubyeyi yibarutse Abana icyenda bose icyarimwe kandi bose bakabaho.

Kuri uyu wa kabiri mugihugu cya Mali habaye ibintu bidasanzwe aho umugore yibarutse abana icyenda abakobwa batanu n’abahungu bane.

Ibi byabereye mubitaro byo Muri Maroc aho Halima Cissé w’imyaka 25 yari arwariye akaba yahise abyara abana icyenda.

Mu nkuru dukesha  Reuters Minisitiri w’ubuzima wa Mali Fanta Siby avuga ko abana baba kobwa batanu n’Abahungu bane ndetse na mama wabo bose bameze neza, ariko ko bazasubira i muhira nyuma y’iminsi itari mike. Ibi akaba yabitangaje ejo kuwa kabiri tariki 4 Gicurasi 2021.

Ibipimo bya échographie yafashwe muri Mali no muri Maroc byari byerekanye ko uyu umugore Hamila yari kubyara abana barindwi bikaba bitari byashoboye kubona abandi naba babiri.

Abaganga ba Mali na Maroc berekanye ko uyu mubyeyi afite ubutwari bukomeye bwo kuba yabashije kwibaruka aba abana.

Ikinyamakuru  Reuters cyavuze ko uyu  mugore Halima wo mu  burengerazuba bwa Afurika yatangaje abantu cyane ndetse ko n’ubuyobozi bw’iki gihugu buzajya bwihutira kumutabara igihe yaba agize ikibazo.

0 comment
0 FacebookTwitterPinterestEmail
Amakuru y'ibanzeImikinoMu Mahanga

Breaking News: Jose Mourinho yagizwe umutoza wa As Roma

by Tuyizere Mubarak
written by Tuyizere Mubarak

Ikipe ya As Roma yo mu Butaliyani, yatangaje ko yamaze kumvikana na Jose Mourinho kuyibera umutoza mumwaka utaha w’imikino akaba azasimbura Pablo Fonseca wari usanzwe atoza iyi kipe yo mu mujyi wa Roma .

Nkuko byagaragaye ku mbuga nkoranyambaga z’ikipe ya As Roma, uyu mutoza azatangira akazi mu mwaka w’imikino wa 2021-2022 . Muri iri tangazo ikipe ya Roma yagize iti ” Twishimiye gutangaza ko twamaze kumvikana na Jose Mourinho kutubera umutoza mushya umwaka utaha 2021-2022 .

Jose Mourinho yari amaze ukwezi kumwe yirukanwe n’ikipe ya Tottenham yo mu bwongereza ubu akaba yari umusesenguzi w’imikino kuri radio ya Talk sports yo mu bwongereza .

Jose Mourinho yamenyekanye muri 2003 ubwo yaheshaga igikombe cya Champions league ikipe ya FC Porto , umwaka ukurikiyeho yerekeza muri chelsea aho yatwaye ibikombe 2 bya championa y’ubwongereza ,ajya mu ikipe ya Real Madrid aho yavuye asubira muri Chelsea 2013 , ubu yari amaze kwirukanwa muri Tottenham nkuko byagarutsweho haruguru aho yagiye avuye muri Manchester United.

0 comment
1 FacebookTwitterPinterestEmail
Amakuru y'ibanzeImikinoMu Mahanga

Imikino: Stade ya Kigali yongeye gukomorerwa kwakira imikino mpuzamahanga

by Tuyizere Mubarak
written by Tuyizere Mubarak

Kuri uyu wa Kabiri tariki ya 04 Gicurasi 2021, nibwo Stade mpuzamahanga ya Kigali iherereye i Nyamirambo mu karere ka Nyarugenge, yongeye kugaragara k’urutonde rw’izemewe na CAF kwakira imikino mpuzamahanga.

Ibi bibaye nyuma y’uko yari yahagaritswe n’impuzamashyirahamwe y’umupira w’amaguru kumugabane wa Africa CAF. yavugaga iyi stade hari ibintu bimwe na bimwe itujuje bituma ihagarikwa kwakira imikino ya CAF cyangwa FIFA, mu gihe byaba bidakosowe .

Bimwe mu byo CAF yavugaga ko bitujuje ubuziranenge harimo , aho abakinnyi babasimbura n’umusifuzi wa 4 bicara ( bench ) ,Uruzitiro rw’ikibuga , aho abafana bicara ( bategetse ko hashyirwamo intebe ) n’ibindi bitandukanye.

Yongeye kugaragara k’urutonde rwizemewe.

Ferwafa ifatanyije n’umujyi wa Kigali ari nawo nyiri iyi stade bahise batangira  imirimo yo kuyivugurura no gukosora ibyo CAF yari yabategetse. ubu imirimo ikaba yasojwe ari nayo mpamvu CAF yongeye gutangaza ko iyi stade yemerewe kongera kwakira imikino mpuzamahanga .iyi stade niyo ikunda gukoreshwa cyane n’ikipe y’igihugu ndetse n’amakipe asohokera u Rwanda mu mikino nya Africa .

Stade ya Kigali yari k’urutonde rw’ibibuga byinshi  byo muri Africa byari byarahagaritswe , gusa hafi ya byose byaje gukomorerwa, byongera kwakira iyi mikino. U Rwanda ruri mu itsinda E mu marushanwa yo gushaka itike yo kujya mu gikombe cy’Isi kizabera muri Quatar aho rurikumwe na Kenya ,Uganda na Mali.

U Rwanda ruri mu itsinda E

0 comment
0 FacebookTwitterPinterestEmail
Amakuru y'ibanzeInyigishoMu Mahanga

Pasiteri yarakaye cyane ndetse atuka Abayoboke be

by Marie Joseline Nyituriki
written by Marie Joseline Nyituriki

Umupasiteri w’umugore utatangajwe amazina n’igihugu akomokamo, yagaragaje uburakari bwinshi atuka abayoboke be kuko nabo bamutengushye banga gutanga amaturo yo gukoreshereza umwana we ikirori cy’isabukuru y’amavuko.

Binyuze mu mashusho yakwirakwijwe ku mbuga nkoranyambaga zitandukanye, byagaragaye ko uyu mupasiteri yari afite umujinya mwinshi yatewe n’Abayoboke be, kugeza ubwo avuga ko nta kintu kizima abatezeho usibye ibyatambutse gusa. Ibi byose akaba yabitewe nuko batamuhaye amafranga y’umunsi mukuru w’umwana we w’umuhungu.

Aya mashusho yakwirakwijwe kandi yagaragaje uyu mupasiteri w’umugore avugira hejuru kubera umujinya atuka abayoboke be banze gutanga amafaranga yo gukoreshereza ibirori bikomeye umwana we w’umuhungu.

Yagerageje gutsindagiriza umuco wo gutanga,avuga ko abakiristo badatanga amaturo bazarimbuka ndetse avuga ko Imana izarimbura abantu bose banze gutanga amaturo yo gukoreshereza umunsi mukuru umwana we.

Uyu mugore yarakaye cyane kugeza ubwo abwira abayoboke be ko bibabaje kuba batitanze kandi iyo aba amasabukuru yabo bari kuba bashoye akayabo kenshi.

Uyu mugore yavuze ko nta kintu cyiza abitezeho mu minsi iri imbere keretse ubufasha bamuhaye mu myaka ishize.Yasabye ko Imana yabasukaho umujinya wayo kubera ukuntu bamutengushye.

Yavuze ko mu gihe udatanga nawe utazahabwa, kandi ko nukomanga utazakingurirwa. Ibi byose yabikoze nyuma yo kubona ko amafranga y’ikirori cy’Agatangaza yari gukoreshereza umwana we wagize isabukuru, amubanye iyanga, ndetse n’Abayoboke be yari yizeyeho amaturo bakamuteguha.

Usibye kuba atatangajwe amazina n’igihugu akomokamo, itorero ayobora naryo ntiriramenyekana.

0 comment
1 FacebookTwitterPinterestEmail
Amakuru y'ibanzeMu Mahanga

DRC: Sheikh yarashwe amasasu menshi ubwo yari ayoboye amasengesho

by ELEVANIE Namusisi
written by ELEVANIE Namusisi

Umuyobozi mukuru w’idini ya Isilamu muri DRC yaraye arashwe n’abantu batari bamenyekana,uyu muyobozi yarashwe amasasu menshi mugihe yari ayoboye amasengesho  y’umugoroba.

Ubu bwicanye  bwabaye kuri uyu wa 1 Gicurasi 2021 mu musigiti mukuru w’i Beni  mu ntara ya Kivu ya ruguru muri Repubulika iharanira demokarasi ya Congo.

Sheikh Ali Amini yarashwe nyuma y’uko hashize amasaha  make Perezida Felix Tshiseked atangaje ko intara ebyiri Kivu ya Ruguru na Ituri, zigoswe n’ingabo z’igihugu kuva ku wa gatanu.

Nk’uko tubikesha BBC, Iki gitero cyahitanye uyu umuyobozi mu gihe Isilamu iri mu gihe cya Ramadhan. kugeza ubu nta muntu numwe wari wagaragara ko ariwe ushinjwa ubu bwicanyi. Gusa ibi bimenyerewe gukorwa n’inyeshyamba za ADF zirwanya ubutegetsi bwa Uganda. Kugeza ubu haracyakorwa iperereza ngo hamenyekane uwarashe Sheikh Amini bikamuviramo no kuhasiga ubuzima.

Ibi kandi babanye nyuma y’uko ingabo z’igihugu za  Congo zimaze igihe zihanganye n’inyeshyamba harimo na ADF.

0 comment
1 FacebookTwitterPinterestEmail
Amakuru y'ibanzeAmatekaMu Mahanga

AMATEKA: Menya uko umugambi wo gutsemba “Abayuda” wa kozwe kandi ugashyirwa mubikorwa n’Abadage b ‘Abanazi

by Ali Gilbert Dunia
written by Ali Gilbert Dunia

Igihe intambara ya kabiri y’isi yose yari hafi kurota, Abadage bagize imbaraga nyinshi .Ndetse bigarurira n’ibihugu bimwe by’I Burayi.

Ardolphe Hitler amaze gushinga ishyaka ry’Abanazi, ikibazo cy’Abayuda cyongeye kubyutsa umurego , batangira kuvuga ko babangamiye umudendezo w’abandi bantu .Kuva mu mwaka w’1939 na mbere yaho, amadisikuru agaragaza urwango kubayuda yari yaratangiye kuvugwa n’abantu batari bamwe.

Dore amwe muri yo:

Robert Ley yari umunyacyubnahiro ukomeye mu ishyaka ry’Abanazi , akaba n’umuyobozi w’umutwe w’abakozi mu Budage . Ku taliki 10/5/1939 yatanze disikuru ari ahitwa Innsbluck muri Autrciche , ndetse inyuzwa no kuri radio avuga ati:” Abayuda ntibazasibangana mu bwoko bwacu gusa ,ahubwo ntituzaruhuka batarangiye ku isi yose .Abantu bose bagomba kubishyigikira  , kugeza ubwo  uwitwa Umuyuda wese azashiraho “

Mu kwezi kwa 12/1939, uwo Robert Ley nanone yasomeye indi disikuru I Lodz Ley nanone yosomeye indi disikuru I Lodz ho muri polonye aravuga ati: “twebwe abadage twese twari kuri mburwa , abagabo ,abagore ,n’abana . Kandi Abayuda nibo kuvusha amaraso yacu bakadutwika. none rero ubu nitwe tugiye kubibakorera. tuzabatwika, tuzabicisha inzara, tuzabarimbura bashireho . (Holocaust and Genocide studies Vol 19n 1Spring 2005 p 57)

Source : Igitabo Ibanga rikomeye rihishwe mu burasirazuba bwo hagati.

Nti muzacikwe ikindi gice .

0 comment
2 FacebookTwitterPinterestEmail
Newer Posts
Older Posts