Home Ubuzima
Category:

Ubuzima

Amakuru y'ibanzeAmatekaIsesenguraUbuzima

Ubuzima: Byinshi bivugwa k’urukingo rwa Covid-19, byabonewe igisubizo

by ELEVANIE Namusisi
written by ELEVANIE Namusisi

Hashize igihe urukingo rwa Covid-19 rubonetse ariko usanga abantu benshi batumva uburyo rukora ndetse bigatuma batambutsa ibihuha bitandukanye.

BBC Reality Check(ishami ireba ukuri kw’ibivugwa)yarebye ndetse ikora ubushakashatsi ku bihuha bimaze igihe bivugwa kumbuga nkoranyambaga ku nkingo za  Covid-19, bamwe bavugako urukingo rwa Coronavirus ruhindura uturemangingo fatizo tw’umuntu (DNA/ADN)   ndetse abandi bavuga ko ari uburyo bwakoreshejwe hagamijwe kwinjiza ikoranabuhanga mu bantu.

Kubijyanye no kuba urukingo rwa Covid -19 rwahindura DNA y’umuntu BBC yabajije abigenga ndetse b’abahanga muri siyansi bavuze ko urukingo rwa Covid rudashobora guhindura DNA y’umuntu.

Zimwe mu nkingo zakozwe zikoresha uduce tw’ibigize virusi ubwayo bita RNA/mRNA.

Prof Jeffrey Almond wo muri kaminuza ya Oxford yagize  ati: “Gutera RNA mu mubiri w’umuntu nta kintu na kimwe bikora ku turemangingo fatizo tw’umuntu”

Jeffrey akomeze avuga ati”RNA ikora mu buryo bwo gutegeka umubiri gukora ‘protein’ iba isa n’iri ku buso bwa coronavirus, ubw’umubiri rero buhita bwiga kumenya no gukora abasirikare barwanya iyo ‘protein’ iba kuri coronavirus, maze iyi yagera mu mubiri nawo ukamenya icyo gukora.”

Hari n’ibindi bihuha bivagwa kumbuga nkoranyambaga  ko Bill Gate yaba ategura gukoresha uru rukingo ashaka kugenzura cyangwa guhindura ADN z’ abantu, ibi ababivuga bakaba bashingira  ku kuba ubuhanga bwo gukora inkingo hakoreshejwe RNA/mRNA ari ubwa mbere bukoreshejwe.

kandi koko nta nkingo z’ubuhanga bwa mRNA zigeze zemezwa mbere y’iki gihe, ariko ubushakashatsi butandukanye ku nkingo za mRNA ku bantu bwarakozwe mu myaka ya vuba ishize,ndetse kuva iki cyorezo cyatangira izi nkingo zageragejwe ku bantu ibihumbi byinshi ku isi kandi zaciye mu masuzuma atandukanye y’ubuziranenge.

Inkingo zose nshya buri bwoko bwarwo bubanza gukorerwa igenzura ry’ubuziranenge mbere y’uko ruterwa abantu benshi.

Mukiciro cya mbere n’icya kabiri inkingo zigeragezwa ku bantu bacyeya babyifuje ngo barebe niba ntacyo zitwara kugira ngo bemeze doze nyayo,naho mu kiciro cya gatatu inkingo zigeragezwa ku bantu ibihumbi bakareba niba zizewe.

Abo bantu baterwa urukingo abandi bagahabwa ikimeze nka rwo ariko kitari rwo (placebo) maze bagakurikiranirwa hafi bareba niba hari ikibazo zibatera.

Igenzura ku buziranenge bw’inkingo rirakomeza na nyuma y’uko zemejwe ngo zihabwe abantu benshi.

Ibi bihuha kandi hari ibyakomeje kuvugwa ko Coronavirus ari igikoresho  cy’umushinga wo gushyira mu bantu utwuma dutoya cyane (micochips) tubasha gukurikiranwa, kandi ko Bill Gates wa Microsoft ari we ubiri inyuma.

Ibi bihuha byatangiye kuva mu kwezi kwa 3 umwaka wa 2020 ubwo Bill Gates mu kiganiro yavuze ko amaherezo “tuzagira ibituranga by’ikoranabuhanga” bizerekana abazaba barakize, abapimwe n’abakingiwe. Ntiyigeze avuga kuri ‘microchips’.

Ni byinshi byavuzwe kurukingo rwa Covid-19 ,binyuze kuri Tiktok

Ibyo byatumye hakwirakwira umutwe w’inkuru uvuga ngo: “Bill Gates azakoresha ‘microchip’ mu kurwanya coronavirus.”

Iyi nkuru yavuze ku bushakashatsi bwatewe inkunga na Gates Foundation mu ikoranabuhanga ryatuma amakuru ku rukingo umuntu yahawe abikwa muri wino yashyirwa ku muntu igihe arutewe.

Gusa, iryo koranabuhanga ntabwo ari kariya kuma ka ‘microchip’ ahubwo ni igisa na tattoo itaboneka.

Ntabwo rirakoreshwa kugeza ubu, ariko ntiryatuma umuntu abasha gukurikiranwa kandi amakuru y’umuntu runaka ntiyamuvaho ngo ajye muri database nk’uko Ana Jaklenec, umuhanga muri siyansi uri muri ubwo bushakashatsi abivuga.

Umwe mu bakoresha TikTok yakoze video avuga ko “yatewemo bene ako kuma” kandi yita ko ari urukingo rwa Covid -19 “ikimenyetso cy’inyamaswa”.

Mu makuru Bill and Melinda Gates Foundation yatangarije BBC yavuze ko ibi ari “ibinyoma.”

Nta rukingo rwa “microchip” ruriho, kandi nta kimenyetso gihamya ko Bill Gates afite uwo mugambi.

Umuherwe Bill Gates washinze kompanyi y’ikoranabuhanga ya Microsoft yagiye avugwaho ibindi bihuha byinshi muri iki cyorezo.

Umuherwe Bill gate nawe yavuzweho nyinshi.

Avugwa cyane kubera ubushake n’uruhare bye mu bikorwa byo gufasha inzego z’ubuzima no gukorwa kw’inkingo.

0 comment
2 FacebookTwitterPinterestEmail
Amakuru y'ibanzeUbuzima

Ubuzima: Urukingo rwa Covid-19 rw’Ubushinwa, rwemejwe na OMS

by ELEVANIE Namusisi
written by ELEVANIE Namusisi

Kuri uyu wa gatanu tariki ya 8 Gicurasi 2021  ishami ry’umuryango w’abibumbye ryita Ku buzima OMS  yemeje  ko urukingo Sinopharm rwa Covid-19 rukorwa na kompanyi ya leta y’Ubushinwa  rufite umutekano,gutanga umusaruro ndetse n’ubwiza.

Uru rukingo ruhawawe uruhushya rwo gukoreshwa mugihe rwari rumaze guhabwa abarenga milliyoni bo mu bushinwa ndetse n’ahandi ariko rwari rutari rwemezwa.

Kuri ubu Duterte  akaba yasabye imbabazi ku guterwa urukingo rw’Ubushinwa  rutaremezwa nubwo inzego z’ubugenzuzi bw’imiti zo mu bihugu bitandukanye – cyane cyane ibicyennye byo muri Afurika, Amerika y’epfo n’Aziya – zari zaremeje inkingo z’Ubushinwa ngo zikoreshwe mu buryo bw’ubutabazi bwihuse.

Inkingo  zari zaramaze kwemezwa na  OMS harimo izakozwe na Pfizer,AstraZeneca,Johnson na Moderna.

OMS kandi itanga inama ko urwo rukingo rutangwa muburyo bwa doze ebyiri kandi rugahabwa abantu guhera Ku myaka 18 gusubiza hejuru, ndetse ko kuba uru rukingo rwiyongereye ku zindi zemejwe bishobora kwihutisha cyane kugera ku rukingo rwa Covid-19 mu bihugu bishaka kurinda abakora mu rwego rw’ubuvuzi n’abaturage bafite ibyago byinshi byo kwandura.

Umukuru wa OMS Tedros Adhanom Ghebreyesus yavuze ko kwemezwa kurukingo  biha ibihugu icyizere cyo kwihutisha gahunda yabyo yo kurwemeza, kandi ko uru rukingo  rushobora gukoreshwa muri gahunda yatangijwe mu 2020 yo gusaranganya inkingo hagati y’ibihugu bikize n’ibicyennye ku isi izwi nka Covax.

0 comment
1 FacebookTwitterPinterestEmail
Amakuru y'ibanzeMu MahangaUbuzima

Indonesia-Ubuzima: Umukobwa yirukanwe mu gihugu kubera gukerensa Amabwiriza ya Covid-19

by Marie Joseline Nyituriki
written by Marie Joseline Nyituriki

Umukobwa ukomoka mu gihugu cy’Uburusiya yirukanwe mu gihugu cya Indonesia, nyuma y’uko agaragaye yisize irange mu rwego rwo kujijisha ko yambaye agapfukamunwa, ariko aza gufatwa n’ushinzwe umutekano yinjiye mu iguriro.

Leia Se w’imyaka 26 n’umukunzi we Josh Paler Lin, bose basize irangi aho agapfukamunwa gaca, ku buryo kuvumbura ko batambaye agapfukamunwa byari bigoye cyane. Bavumbuwe n’ucunga umutekano muri iryo guriro.

Leia Se na Lin bagerageje kwinjira muri supermarket ariko bahagarikwa n’abashinzwe umutekano kubera ko batambaye udupfukamunwa ahubwo ari ukujijisha nk’uko Nationalpost dukesha iyi nkuru ibivuga.

Umuyobozi ushinzwe abinjira n’abasohoka muri Bali, Jamarulu Manihuruk, yatangaje ko batirukanwe bose ahubwo hirukanwe umukobwa gusa. Umusore Lin ntabwo yigeze yirukanwa n’ubwo yagize uruhare muri ibyo bikorwa byo kujijisha ko bambaye udupfukamunwa.

Yisize irangi nkaho ari agapfukamunwa

Jamarulu Manihuruk, ati: “Dushingiye ku iperereza ryacu, Leia wenyine ni we wafatwaga nk’uwakoze icyaha maze arirukanwa”. Lin na Se basabye imbabazi, Lin yagize ati: “Intego yo gukora ibi ntabwo byari ibyo gusuzugura cyangwa gushishikariza abantu bose kutambara udupfukamunwa.”

Ibi uyu musore n’inkumi bakoze bisiga irangi bigatuma birukanwa mu gihugu, byafashwe nko gukerensa icyorezo cya Corona virus cyugarije isi n’iki gihugu muri rusange. Kwirukana Aba bakobwa byakozwe kugira ngo bibere isomo n’undi muntu wese ushobora gukerensa iki cyorezo.

0 comment
1 FacebookTwitterPinterestEmail
Amakuru y'ibanzeAmatekaMu RwandaUbuzima

Rwanda-Ubuzima: U Rwanda rugiye kuba igihugu cya mbere muri Afurika gikorewemo urukingo rwa Covid-19

by Marie Joseline Nyituriki
written by Marie Joseline Nyituriki

Igihugu cy’u Rwanda benshi bafata nk’umutima wa Afurika, kigiye kuba igihugu cya mbere k’umugabane wa Afurika kigiye gukorerwamo urukingo, rushobora kuzagira akamaro mu guhangana n’icyorezo cya Corona virus cyugarije isi n’u Rwanda.

Ibi Perezida Kagame yabitangaje mu kiganiro kireba ku kwitegura no guhangana n’icyorezo, cyabaye ku wa kabiri tariki ya 04 Gicurasi 2021 hifashishijwe ikoranabuhanga ry’iyakure kiyobowe n’uwahoze ari Perezida wa Liberia Ellen Johnson Sirleaf na Helen Clark wahoze ari Minisitiri w’intebe wa New Zealand.

Aha Perezida Kagame yavuze ko igihugu cy’u Rwanda, kiri mu biganiro n’abaterankunga biga k’urukingo rwa mRNA, rushobora kuzagirira akamaro umugabane wa Afurika ndetse n’isi muri rusange.

Muri icyo kiganiro, Perezida Kagame yagize ati: “Igihe cyose Africa izakomeza kwiringira utundi turere ku nkingo, tuzaguma inyuma ku murongo buri gihe uko zibaye nkeya”.

Ibi kandi byagarutsweho na Lt Col Dr Tharcisse Mpunga, umunyamabanga wa leta muri minisiteri y’ubuzima kuri uyu wa Kane tariki 06 Gicurasi 2021,  aho yatangaje kuri televiziyo y’u Rwanda ko leta iri “gushaka uburyo no mu Rwanda hakorerwa izi nkingo”.

Dr Mpunga yavuze ko “yaba intambwe imwe ikomeye yatuma dushobora kubona inkingo nk’igihugu ariko tukaba twaha na Africa muri rusange”.

Aba bategetsi bombi nta makuru arambuye batanze agendanye n’inganda ziri kuvugana na leta y’u Rwanda n’igihe nyacyo uwo mugambi uzagerwaho.

Dr Mpunga ati” ibiganiro bigeze kure sinakubwira ngo ni ejo cyangwa ejo bundi ariko dufite icyizere ko mu gihe cya vuba bizatanga umusaruro”.

Uruganda rwo mu Budage BioNTech SE rufatanyije n’urwa Pfizer Inc. rwo muri Amerika zakoze urukingo ruzwi nka Pfizer-BioNTech hakoreshejwe ubuhanga bwa messenger RNA (mRNA).

Uru rukingo ruri mu zatangiye guterwa mu Rwanda mbere y’izindi zatanzwe nk’inkunga mu mugambi wa Covax wo gusaranganya inkingo cyane cyane mu bihugu bikennye.

Mu Rwanda hamaze gutangazwa abantu barenga 25,000 banduye Covid, 338 yishe, n’abarenga 350,000 bayikingiwe nk’uko bivugwa na minisiteri y’ubuzima.

Usibye u Rwanda rugiye gukora uru rukingo rushobora kuzagirira umumaro Afurika ndetse n’isi muri rusange, igihugu cya Madagascar nacyo kigeze kugerageza kurwikorera ndetse ibihugu bimwe bitamgira kurwizera, nubwo bitabahariye, kuko mu gihe gito bafashe uwo muti wari waremejwe na Perezida Rajoelina Landry, Abaturage bakomejr kwandura Covid-19.

0 comment
1 FacebookTwitterPinterestEmail
Amakuru y'ibanzeAmatekaMu MahangaUbuzima

Mali-Ubuzima: Umubyeyi yabyaye Abana icyenda, bose babaho

by ELEVANIE Namusisi
written by ELEVANIE Namusisi

Ni ibintu bitamenyerewe kumva umubyeyi yabyaye Abana b’impanga barenze batatu, kuko akenshi iyo babaye benshi baba bane. Gusa kuri iyi nshuro mu gihugu cya Mali habaye ikimeze nk’igitangaza, aho umubyeyi yibarutse Abana icyenda bose icyarimwe kandi bose bakabaho.

Kuri uyu wa kabiri mugihugu cya Mali habaye ibintu bidasanzwe aho umugore yibarutse abana icyenda abakobwa batanu n’abahungu bane.

Ibi byabereye mubitaro byo Muri Maroc aho Halima Cissé w’imyaka 25 yari arwariye akaba yahise abyara abana icyenda.

Mu nkuru dukesha  Reuters Minisitiri w’ubuzima wa Mali Fanta Siby avuga ko abana baba kobwa batanu n’Abahungu bane ndetse na mama wabo bose bameze neza, ariko ko bazasubira i muhira nyuma y’iminsi itari mike. Ibi akaba yabitangaje ejo kuwa kabiri tariki 4 Gicurasi 2021.

Ibipimo bya échographie yafashwe muri Mali no muri Maroc byari byerekanye ko uyu umugore Hamila yari kubyara abana barindwi bikaba bitari byashoboye kubona abandi naba babiri.

Abaganga ba Mali na Maroc berekanye ko uyu mubyeyi afite ubutwari bukomeye bwo kuba yabashije kwibaruka aba abana.

Ikinyamakuru  Reuters cyavuze ko uyu  mugore Halima wo mu  burengerazuba bwa Afurika yatangaje abantu cyane ndetse ko n’ubuyobozi bw’iki gihugu buzajya bwihutira kumutabara igihe yaba agize ikibazo.

0 comment
0 FacebookTwitterPinterestEmail
Amakuru y'ibanzeMu MahangaUbuzima

Ubuzima: Uruganda rwa AstraZeneca rwajyanwe mu nkiko na EU

by Marie Joseline Nyituriki
written by Marie Joseline Nyituriki

Uruganda rukora urukingo rwa Corona virus ruzwi nka AstraZeneca, rwajyanwe mu nkiko n’umuryango w’ibihugu by’iburayi, rushinjwa kutubahiriza amasezerano ndetse no kubogamira k’uruhande rumwe.

Akanama k’Uburayi – ishami ry’ubutegetsi rya EU – kavuze ko kareze AstraZeneca kubera kutubahiriza ibyo iyi kompanyi yiyemeje muri kontaro yo kugeza urukingo muri EU, no kutagira gahunda “yizewe” yo gutuma inkingo zihagera ku gihe.

BBC dukesha iyi nkuru ivuga ko Uruganda rwa AstraZeneca rwavuze ko cyo kirego “nta shingiro gifite, kandi ko “ruziregura bikomeye mu rukiko”. Icyo kirego kigejeje ku yindi ntambwe ubushyamirane bumaze igihe hagati y’impande zombi ku bijyanye no gutanga inkingo za coronavirus.

Hari bamwe mu muryango wa EU bavuze ko uruganda rwa AstraZeneca (ruhuriweho n’Ubwongereza na Suède/Sweden) rubogamiye ku Bwongereza – ariko rwo rwarabihakanye.

Hagati aho, Amerika yatangaje ko izasaranganya n’ibihugu by’amahanga doze miliyoni 60 z’urukingo rwa AstraZeneca uko zizagenda ziboneka.

Izo nkingo zizoherezwa mu mezi ari imbere, nyuma yo kugenzurwa ubuziranenge n’ikigo cya leta, nkuko bitangazwa n’ibiro ntaramakuru AP.

Amerika ifite umurundo w’urwo rukingo, nubwo abagenzuzi b’ubuziranenge bw’imiti batararwemeza ko rwakoreshwa ku baturage bayo. Hari bamwe bamaze igihe banenga iki gihugu kwigwizaho inkingo, mu gihe ibindi bihugu bizicyeneye cyane.

0 comment
1 FacebookTwitterPinterestEmail
Amakuru y'ibanzeMu MahangaUbuzima

Korea-Ubuzima: Kim Soo-Cheon yaciwe amande azira kwima Abagore n’Abakobwa ikiruhuko

by ELEVANIE Namusisi
written by ELEVANIE Namusisi

Umuyobozi wahoze ayobora sosiyete Asiana Airlines itwara indege, yo muri Koreya y’Epfo,     Kim Soo-cheon urukiko rwamuciye amande 1800 y’amadolari  angana na milliyoni 1,700,000 Frw,azira kwima ikiruhuko abakozi b’abagore n’abakobwa mugihe bari mu mihango.

Muri iki gihugu  cya Koreya y’Epfo amategeko yemerera umugore cyangwa umukobwa guhabwa ikiruhuko cy’umunsi umwe mu kwezi  iyo bari mu gihe cy’imihango ku umuntu ugikeneye, ibi byatangiye kubahirizwa mu 1953.

Ni mugihe Kim Soo-cheon we yabanzaga Gusaba ibimenyetso aba bakozi iyo babaga bamusabye ikiruhuko ababwiraho niba bari mu mihango ntakibigaragaza bityo bigatuma itabaha ikiruhuko.

Nkuko tubikesha BBC ibiro ntaramakuru  bya Koreya y’Epfo byavuze ko kuri iki kirego Kim yisobanuye  avugako  akenshi abo bagore bakundaga gusaba uruhushya mugihe cy’iminsi mikuru cyangwa konji bityo bigatuma atabashira amakenga ntiyemere ko aribyo.

Ashinjwa kwima ikiruhuko Abagore n’Abakobwa bari mu mihango.

Urukiko rwavuze ko kuba uyu mugabo yarabazaga aba bagore ibimenyetso byo kuba bari mu mihango ari ukubinjirira mubuzima bwite bwabo.

Hagati y’umwaka wa 2014 na 2015 Kim yimwe ikiruhuko abagore n’abakobwa 135, ubwo babaga bakeneye ikiruhuko bari mugihe cy’imihango.

0 comment
0 FacebookTwitterPinterestEmail
Amakuru y'ibanzeMu RwandaUbuzima

Ubuzima: U Rwanda rwakiriye inkunga yatanzwe na Koreya y’ibikiresho bipima Covid-19

by Marie Joseline Nyituriki
written by Marie Joseline Nyituriki

U Rwanda rwakiriye indi nkunga y’ibikoresho byifashishwa mu gupima Covid-19, itanzwe n’igihugu cya Koreya mu rwego rwo kurufasha guhangana niki cyorezo.

Kuri uyu wa Gatanu tarki ya 23 Mata 2021, u Rwanda rwakiriye ibikoresho 3,025 bipima icyo rezo cya COVID-19 mu buryo bwihuse (Rapid test kits) bishobora gufata ibipimo 75,625, byatanzwe na Koreya y’Epfo.

Ibyo bikoresho bifite agaciro k’Amadolari y’Amerika k’ibihumbi 300, akabakaba miliyoni 300 z’amafaranga y’u Rwanda. Iyi nkunga y’ibi bikiresho, yaherekejwe n’Ambasaderi waRepubulika ya Korea mu Rwanda Jin Weon Chae, yakirwa n’Umuyobozi Mukuru w’Ikigo cy’igihugu cy’Ubuzima (RBC) Dr Sabin Nsanzimana.

Dr Nsanzimana yashimiye Igihugu cya Korea y’Epfo kuri iyo nkunga ije nk’iigisubizo mu rugamba rwo guhangana na COVID-19, cyane ko bifasha kumenya abanduye bashya bagakurikiranwa, bakavurwa hakiri kare.

Ni inkunga ije ikurikira indi y’udupfukamunwa ibihumbi 100 dufite agaciro k’amadolari y’ Amerika ibihumbi 100 (amafaranga y’u Rwanda agera kuri miriyoni 95), Koreya y’Epfo yashyikirije u Rwanda mu Kuboza 2020, mu kugaragaza ubufatanye mu rugamba rwo guhangana n’icyo cyorezo.

Ambasaderi Chae yavuze ko kugira ngo icyorezo cya COVID-19 gihashywe bisaba ubufatanye hagati y’ibihugu byombi, kandi ko Koreya nk’uko bisanzwe izakomeza kuba umufatanyabikorwa wa hafi w’u Rwanda mu kurwanya icyo cyorezo.

Guverinoma ya Koreya y’Epfo yiyemeje kugira uruhare mu kurwanya COVID-19 mu bice bitandukanye by’Isi, itanga umusanzu wafasha ibihugu birimo n’u Rwanda guhangana na COVID-19 n’ingaruka zayo ku buzima bw’abaturage.

U Rwanda rwakiriye iyi nkunga mu gihe uturere twinshi tw’igihugu dukomeje kugaragaramo Abanduye icyorezo cya Corona virus, ndetse n’abakeneye ibyuma bibongerera umwuka bakaba bagihari. Kugeza ubu Abanyarwanda bose barakomeza kwibutswa ko kwirinda icyorezo ari inshingano za buri wese.

Source: Imvaho nshya

0 comment
0 FacebookTwitterPinterestEmail
Amakuru y'ibanzeUbuzima

Ubuzima: Urukingo rwa Malaria rushobora gukora ku kigero cya 77%

by Marie Joseline Nyituriki
written by Marie Joseline Nyituriki

Urukingo rwa Malaria ruri mu igeragezwa, byatangajwe ko rushobora gukora nibura ku kigiro cya 77%, bbashingiye kubo zimaze guhabwa harimo Abana bo muri Kenya, Malawi n’ahandi.

Igerageza ry’ibanze ry’urukingo rushya rwa Malaria rwakozwe na kaminuza ya Oxford rirerekana ko rukora ku kigero cya 77%.

Ubushakashatsi kuri uru rukingo bwatangajwe mu kinyamakuru cya Lancet, bwakozwe ku bana 450 bo muri Burkina Faso, buvuga ko ubu hazakurikiraho igerageza ku bantu benshi kurushaho. Malaria yica abantu barenga ibihumbi 400 buri mwaka, benshi muri bo ni abana bo muri Africa yo munsi ya Sahara.

Nkuko BBC dukesha iyi nkuru yabitangaje, ivuga ko Kubona urukingo rwa malaria biboneka nk’ibyagoye cyane abashakashatsi mu buvuzi, gusa hari n’abavuga ko batarufashe nk’urwihutirwa cyane.

Ibi byagezweho na Oxford bishobora kuba intambwe ikomeye. Ubu hari urukingo rumwe gusa rwa Malaria – ariko ruyikingira ku gipimo kiri munsi ya 50%.

Kuri uru rushya, ikiciro cya kabiri cy’igerageza cyerekanye ko rukora ku kigero cya 77%. Ubu ruzajya ku kindi kiciro cyo kugeragezwa ku bantu benshi – mu bihugu bine bya Africa.

Hafi abantu 5,000 bazaruterwa muri iri gerageza ni abana bo munsi y’imyaka itatu. Uru rukingo rushya ntabwo ruremezwa. Ariko – ruzaba ari ikintu gishya gitanga ikizere muri uyu mwaka aho abantu bongeye kubona akamaro k’inkingo.

Umwaka ushize Dr Aimable Mbituyumuremyi ushinzwe ishami ryo kurwanya Malaria mu Rwanda yabwiye BBC ko malaria ikiri ikibazo mu Rwanda.

Yagize ati: “Nubwo imibare igabanuka, ariko harebwe umubare w’abayirwara, abo yica, n’amafaranga ayitangwaho, malaria iracyari ikibazo gihangayikishije u Rwanda.

Malaria mu Rwanda/ imibare ya RBC:

2018 – 19:

Abayirwaye: miliyoni 3.9

Abo yishe: 270

2019 – 20:

Abayirwaye: miliyoni 2.5

Abo yishe: 180

0 comment
1 FacebookTwitterPinterestEmail
Mu RwandaUbuzima

Ubuzima: Uturere 14 tw’Igihugu twagaragayemo Abanduye Covid-19

by Marie Joseline Nyituriki
written by Marie Joseline Nyituriki

Kuri uyu wa Gatatu tariki ya 21 Mata 2021, mu bipimo byafashwe na Minisiteri y’ubuzima byagaragaje ko mu turere 14 tw’igihugu hagaragayemo Icyorezo cya Corona virus.

Mu bipimo 4,686 byafashwe uyu munsi byagaragaje ko muri utwo turere twose hamwe uko ari 14, hagaragayemo abanduye icyorezo cya Corona virus 107, naho abakize bakaba ari 19 kandi ko ntawitabye Imana.

Ugereranyije n’imibare y’Abanduye iki cyorezo yo ku wa 20 Mata 2021, usanga iyimibare yongeye kuzamuka kuri uyu wa Gatatu kandi uturere twinshi tukaba twagezweho n’iki cyorezo.

Minisiteri y’Ubuzima ndetse n’izindi nzego z’ubuzima zitandukanye, zihora zikangurira Abanyarwanda kwirinda ikwirakwira rya corona virus, bambara agapfukamunwa n’amazuru, bakaraba Amazi meza n’isabune cyangwa umuti wabugenewe, bahana intera ya metero hagati y’umuntu n’undi ndetse ko mu gihe hari ugize ikibazo runaka nk’ibimenyetso bya corona virus, bajya bihutira gusaba ubufasha inzego z’ubuzima zibegereye.

Kuva icyorezo cya Coronavirus cyagaragara mu Rwanda ku wa 14 Werurwe 2020, Abantu 24,112 bamaze kwandura, 22,579 bamaze gukira naho 327 bahitanwe na cyo, ndetse kugeza ubu abari mu byuma bibongerera umwuka ni 6.

Abantu 107 bashya banduye Corona virus.

 

0 comment
0 FacebookTwitterPinterestEmail
Newer Posts
Older Posts