Home Amakuru y'ibanze Imikino: Ikipe ya Rayon Sport, yabonye umutoza mushya

Imikino: Ikipe ya Rayon Sport, yabonye umutoza mushya

by Tuyizere Mubarak
0 comment

Kayiranga Jean Baptiste niwe wahawe gutoza Rayon sports mumikino 2  isigaye ya Shampiyona nyuma y’uko Guy Bukasa watozaga iyi kipe yeguye amaze gutsindwa n’ikipe ya APR FC 1:0.

Ikipe ya Rayon sports ibinyujije ku rukuta rwayo rwa Twitter yatangaje ko uyu mugabo usanzwe ashinzwe ibya Tekinike ndetse akaba n’umutoza w’amakipe y’abato b’iyi kipe ariwe ugiye kuba atoza iyi kipe mu mikino 2 isigaye ngo Shampiyona irangire .

Si ubwambere Kayiranga Baptiste yitabajwe na Rayon sports ngo abafashe kuko muri 2018 ubwo iyi kipe yatandukanaga na Robertihno , Kayiranga yatoje umukino wo kwishyura iyi kipe yahuyemo n’ikipe ya El Merekh yo muri Sudan , mu marushanwa ya CAF Champions league ikaza no gusezererwa .

Uyu mutoza kandi yatoje iyi kipe mu myaka ya 2003-2004 ubwo yatwaraga igikombe cya Shampiyona, gusa aza kwirukanwa nabi nyuma abafana b’iyi kipe bamumenaho inkari.

Rayon sports yamaze gusezera kugikombe cya Shampiyona nyuma yo gutsindwa na Apr fc igitego 1:0, ndetse iyi kipe yanatakaje amahirwe yo kuzasohokera igihugu ,kuko ifite amanota 5 mu gihe amakipe ayiri imbere afite amanota 13 . Rayon sports isigaje imikino 2 aho mumpera z’iki cyumweru izahura na Rutsiro,mbere yo kwakira ikipe ya Espoir .

Kayiranga, umutoza mushya wa Rayon Sports.

You may also like

Leave a Comment