Home Imikino Imikino: Umukinnyi Anthony Martial ashobora kudasubira mu kibuga uyu mwaka

Imikino: Umukinnyi Anthony Martial ashobora kudasubira mu kibuga uyu mwaka

by Marie Joseline Nyituriki
0 comment

Manchester United ishobora kuba igiye gukina imikino isigaje muri uyu mwaka w’imikino idafite rutahizamu wayo Anthony Martial nyuma yo kuvunika arimo gukinira Ubufaransa, nkuko umutoza Ole Gunnar Solskjaer abivuga.

Martial, w’imyaka 25, yakiniye Ubufaransa mu mukino wabuhuje na Ukraine n’uwabuhuje na Kazakhstan mu mpera y’ukwezi gushize, aza kuvunika mu ivi nkuko byatangajwe n’umutoza w’ikipe akinira.

Umutoza Ole yagize ati: “Kubura Anthony mu gishobora kuba igihe gisigaye cy’uyu mwaka w’imikino birababaje cyane”. Akomeza ati: “Amakuru yavaga mu Bufaransa yari uko [imvune] idakomeye ariko bigaragara ko ari mbi”.

Nkuko BBC dukesha iyi nkuru yabitangaje, nyuma, mu kiganiro na BT Sport, umutoza Ole yongeyeho ko ikipe “yizeye kongera kumubona ayikinira mu mpera y’uyu mwaka w’imikino ariko ntitubizi neza”. Martial yatyojwe kuri Instagram kubera ibara ry’urukoba rwiwe

North Macedonia yatunguye Ubudage mu majonjora y’igikombe cy’isi. Ole Gunnar avuga ko Man Utd ‘ikomeye kurusha’ City. Manchester United yahaye akazi karamye Ole Gunnar Solskjaer

Martial yatsindiye Manchester United ibitego birindwi muri uyu mwaka mu mikino yose muri rusange, ariko yatsinze bitatu gusa mu mikino 19 mu 2021.

Byitezwe ko United iba idafite myugariro Eric Bailly “mu gihe gito” kiri imbere nkuko umutoza Ole yabivuze, kubera ko bamusanzemo coronavirus ubwo yari kumwe n’ikipe y’igihugu ya Côte d’Ivoire, akaba atarasubira mu Bwongereza.

Ku wa kane w’iki cyumweru no ku wa kane w’icyumweru gitaha, United izahura na Granada yo muri Espagne muri kimwe cyane cy’irushanwa rya Europa League, ndetse ijye gukina na Tottenham iwayo ku cyumweru.

You may also like

Leave a Comment