Home Amakuru y'ibanze Iyo ukijijwe ugashaka umuntu udakijijwe uba ubaye umukwe wa satani – Pasiteri Manasseh Tuyizere.

Iyo ukijijwe ugashaka umuntu udakijijwe uba ubaye umukwe wa satani – Pasiteri Manasseh Tuyizere.

by Ali Gilbert Dunia
0 comment

Pasiteri Manasseh Tuyizere akorera umurimo w’ Imana  mu Itorero Anglikani Dioseze ya Kigali ahitwa kuri St Etienne. Yatangiye gukora umurimo w’Imana  afite imyaka ikenda, nibwo papa we yatangiye kumujyana kuririmba muri korari.

Pastor Manasseh Tuyizere yakuriye mu muryango ukorera Imana icyo gihe yakomeje ari umuririmbyi  muri St Etieene, ari umucuranzi kuva afite imyaka14,yacurangaga mu Iteraniro no muri korari akanayitonzi,uwo murimo yawumazemo igihe kinini .

Mukiganiro yagiranye n’ ikinyamakuru isezerano.com yagarutse cyane ku Urubyiruko rwa gikristo usanga bagejeje igihe cyo gushaka ariko kubona uwo bafatanya urwo rugendo bikababera ihurizo .

Pasiteri Manase mu magambo ye yavuze ko ikintu umuntu yagenderaho kugirango abone umugore mwiza cyangwa umugabo mwiza batagendeye  ku marangamutima yabo  bakwiye kumva neza ubushake bw’Imana , ndetse bagasoma Bibiliya bakumva uko ibabwira .

Bibiliya iravuga ngo urugo n’amatungo ubihabwa n’ababyeyi ariko umufasha ugukwiriye umuhabwa n’Uwiteka. Iyo wavutse ubwa kabiri ugakizwa uba uri umwana w’Imana ,ntago ushaka uwariwe wese. Hari umuvugabutumwa umwe ntibuka neza wavuzengo iyo uri umwana w’Imana ugashaka umuntu udakijijwe uba ubaye umukwe wa satani.

Ni inkintu kigoranye ku cyumva ariko nabonye abantu benshi  bahura n’ibibazo  bakavuga ngo nabonye umuntu ,ukaba nka Samusoni ashaka Delira Icyo ni ikintu cya mbere.

Icya kabiri ni ugushaka mu bana b’Imana, ugasenga ukareka Imana ikakuyobora, siko abantu bose bazabona icyerekezo ngo Imana ibereke ngo uzashaka uyo cyangwa uyu, hari abo ibikorera hari nabo itabikorera.

Hari uburyo Imana ikuyobora kandi ikuyobora inyuze mu ijambo ryayo. Niba ushatse umuntu ukabona ni umuntu muzagendana mu ijambo ry’Imana, niwe ugukwiriye. Icya kabiri Imana ituyobora mu buryo bukwiriye, ukabona umuntu muri kuzuzanya uramwishimiye atari irari cyangwa  atari ukwisumbukuruza.

Uburyo bwa gatatu n’ uburyo budasanzwe, Imana mu buryo bw’ Umwuka n’umubiri igashyiraho kondisiyo( condition). Ugasanga umuntu abijyamo ariko mu buryo bw’Imana akajya kure. Ni byiza ko utoranya n’umutima wawe n’ ubwenge bwawe n’amarangamutima yawe byose akabishyiraho ariko ukareba ko uwo muntu mwuzuzanya muri ibyo byose no mu buryo bw’Umwuka noneho yaba ari uwawe Imana ikamuguha.

Inama nagira abantu, n’ uko iyo bidakunze utegereza igihe cyawe cyagera niyo cyaba gitinze ariko ugategereza. Kandi ufate igihe ubisengere witegure nawe uwo ashaka kuba we,  kuko abantu akenshi bajya gushaka agashaka umuntu mwiza w’ imico myiza ariko we ubwe ari intashoboka ,Nibyiza ko nawe witegura .

Mu gihe yarabajijwe kubirebana n’abasore cyangwa abakobwa bashaka abantu  baturutse muyandi madini badafite ukwemera kumwe ,Pasiteri Manase yasubije ko” umuntu ashobora kumushaka ariko akaba yemeye kwakira Yesu Kristo nk’Umwami n’Umukiza aho ngaho yaba adatandukiriye.

Hano ntategeko nashiraho ngo mvuge ngo gushaka umusiramu cyangwa mu rindi Torero ngo ni icyaha Bibiliya itubwira ko  Mose atashatse mu Bisirayeri ariko bibiliya itwereka ko urushako rwe Imana yaruhaye umugisha kuko abamunennye bakamuseka hari ibyababayeho.

Ariko Mose ntago yigeze ashaka umuntu umubuza umuhamagaro yararimo, ntago yigeze ashaka umuntu umusuzugura mugukorera Imana. Yashatse umuntu wamubaye hafi agendana nawe nicyo kintu nshaka kubaza abantu iyo ugiye gushaka abatizera uba wumva ari umuntu uzagushyigikira muri uwo murongo?

Imana ifite papasi (purpose) ku bantu yaremye n’uko tuzayiramya tukabaho tuyiramya n’ubugingo bwacu bwose haba muri iyi si na nyuma. Uyu mukozi w’Imana Pasiteri Manase afite impamya bumenyi mubijyanye na  bibiliya yakuye mu bwongereza 2009 kugeza 2011 ndetse na masitazi yabonye mu  2015 mu ishuri ryitwa All Nation Christian College.

 

 

 

 

 

You may also like

Leave a Comment