Home Mu Mahanga Madagascar yakiriye arenga miliyoni 2 z’amadolari muri ARC kugirango ihangane n’ingaruka z’amapfa

Madagascar yakiriye arenga miliyoni 2 z’amadolari muri ARC kugirango ihangane n’ingaruka z’amapfa

by KATABARWA Gilbert
0 comment

Tariki 2 Nyakanga 2020 muri Antananarivo, Guverinoma ya Madagascar yakiriye, sheki ya miliyoni 2.12 z’amadolari y’Abanyamerika, yatanzwe na Sosiyete y’Ubwishingizi ya Pan African Risk Management Mutual (ARC Ltd), kugira ngo ihangane n’ibibazo by’ubuzima bw’abaturage bayo batewe n’ibiza by’ikirere.

Ubu bwishyu bwa ARC bugaragaza igihembo cy’ubwishingizi bw’amapfa bwafashwe na Madagascar, ku nkunga ya Banki Nyafurika itsura amajyambere, binyuze muri gahunda yayo yo gufasha ibihugu byahuye n’ibiza.

Ibwiriza ry’indishyi rigamije kurinda abantu 600.000 batishoboye bahuye n’ibiza by’ikirere, harimo n’amapfa yibasiye ibihingwa mu gihembwe cy’ihinga gishize.

Minisitiri Richard Randriamandrato ushinzwe ubukungu muri Madagascar, mu muhango wo gushikiriza Sheki yagize ati: “ARC ni igisubizo kirambye cyo gushimangira ingufu za guverinoma n’abafatanyabikorwa mu majyepfo ya Madagascar, kandi ihamya ubufatanye buri hagati y’ibihugu by’Afurika mu guhangana n’ibiza karemano, cyane cyane amapfa.”

Ubu bufasha buzibanda ku kohereza amafaranga muri gahunda ya ACT (Argent Contre Travail) ku miryango 15000 itishoboye, inkunga y’imirire ku bana 2000 bari munsi y’imyaka 5, no gutanga amazi ku ngo 84000.

Gushimangira ubu buryo bw’ubwishingizi biteza imbere ishyirwa mu bikorwa rya Politiki n’ingamba z’igihugu zo guhangana n’ibiza muri Madagascar.

Madagascar ihura n’ingaruka mbi z’ikirere, ziyongera ku kwihaza mu biribwa muri rusange.

Usibye inkubi y’umuyaga, iki kirwa cyo mu nyanja y’Ubuhinde gihura n’umwuzure n’amapfa, bigira ingaruka ku mari ya Leta no kwizamuka ry’ubukungu.

Nk’uko Banki Nyafurika itsura amajyambere ibivuga, ibiza byibasiye Madagascar byangije ibintu bifite agaciro ka miliyoni 420 z’amadolari y’Amerika muri 2017.

Muri 2019, Madagascar yinjiye mu itsinda rya VI ry’ibihugu byishingiwe na ARC mu kurwanya ingaruka z’amapfa muri gahunda y’ubuhinzi ya 2019-2020, mu bihugu by’icyitegererezo cya gahunda ya ADRIFI.

Kuba ARC yarishyuye indishyi byari mu rwego rwo gushyigikira abaturage bahuye n’amapfa yabereye mu majyepfo ya Madagascar kandi nanone byashobotse kubera ubuyobozi n’ubwitange bwa guverinoma ya Madagascar mu kurinda abaturage bayo.

Madagascar yashimiye byimazeyo Banki Nyafurika itsura amajyambere ku bufasha yabonye binyuze muri gahunda ya ADRIFI.

Ibi bihamya ko ubufatanye hagati ya guverinoma za Africa n’abafatanyabikorwa mu iterambere, bushobora kubungabunga inyungu z’iterambere ku mugabane wa Africa.

Muri Werurwe 2017, ARC na Banki Nyafurika itsura amajyambere byashyize umukono ku masezerano y’ubwumvikane yo gufasha ibihugu by’Afurika guhangana n’ingaruka z’ibiza karemano no gutanga igisubizo gifatika.

Nanone Banki nyafurika yashyigikiye Madagascar mu kwishyura amafaranga y’ubwishingizi hagati y’umwaka wa 2019 na 2023 binyuze muri gahunda ya ADRIFI.

Iyi nkuru dukesha ikinyamakuru “eventsrdc” ivuga ko kwishyura indishyi byabaye mu gihe Madagascar nayo yari iri mu kibazo cya Covid-19.

Hamwe n’Ubwongereza, Ubudage, Suwede, Ubusuwisi, Canada, Ubufaransa, Fondasiyo ya Rockefeller na Amerika, ARC ifasha ibihugu bigize Umuryango w’ubumwe bw’Afurika, kugabanya ingaruka zituruka ku mihindagurikire y’ikirere ikabije yibasira abaturage ba Afrika.

Ibi ARC ibikora ibicishije mu gutanga ubwishingizi, no gutanga ibisubizo mu gihe gikwiye, kandi bifite intego, ndetse biciye mu mucyo.

Ubu ARC ikoresha ubuhanga bwayo kugirango ifashe ibihugu kurwanya ibindi bibazo bikomeye nk’ibyorezo.

Kuva muri 2014, amasezerano 45 y’ubwishingizi yashyizweho umukono n’ibihugu bigize ARC kuri miliyoni 83 z’amadolari yishyuwe mu bwishingizi bwose bwa miliyoni 602 z’amadolari, mu rwego rwo gushyigikira abatishoboye basaga miliyoni 54.

You may also like

Leave a Comment