Home Amakuru y'ibanze MUHANGA :Abayobozi b’amatorero n’amadini ntibavuga rumwe n’imyitwarire y’urubyiruko mu gihe kiteraniro

MUHANGA :Abayobozi b’amatorero n’amadini ntibavuga rumwe n’imyitwarire y’urubyiruko mu gihe kiteraniro

by Marie Joseline Nyituriki
0 comment

Bamwe mubayobozi b’amatorero n’ amadini akorera mu karere ka Muhanga ntibavuga rumwe n’imyitwarire y’abamwe mu rubyiruko, mu gihe bari mu rusengero kuko usanga bamwe barangaza abandi cyangwa ugasanga barangariye muri telefoni ngendanwa zabo.

Ibi bakaba babivuga bashingiye ku gihe kinini bamwe bari bamaze badahurira hamwe ngo bakore iteraniro kubera ikibazo cya coronavirus , bityo bakaba bumvaga byibuze urubyiruko rwagombye kuza gusenga bazi neza ikibazanye bafite inyota . Abenshi mu rubyiruko ngo usanga ari ba ntibindeba,ku mirimo ikorerwa mu rusengero,ntabwo batekereza ko aribo bazasimbura abakuze bari mu mirimo.

Aba ni bamwe mu bapasiteri bo mu karere ka Muhanga, baganiriye n’ikinyamakuru Isezerano.com kuri uyi wa gatanu  tariki ya 15 Mutarama 2021, bavuga ko ibyo uru rubyiruko rukora ari uko ruba rutazi agaciro k’aho ruri ndetse ngo hari bamwe baba baje nk’abaherekeje Abandi.

Pasiteri Bampakariyo Jean Baptiste uyobora itorero rya Pentekote mu gihugu cy’u Burundi

Pasiteri Bampakariyo Jean Baptiste uyobora itorero rya Pentekote mu gihugu cy’u Burundi, yavuze ko  urubyiruko rwinshi ruza mu rusengero rufite gahunda zitandukanye ariko ugasanga nubwo bameze batyo, ntibazi agaciro kaho baba baje.

Yagize ati” hari abaza baherekeje bagenzi babo, abandi bakaza wagira ngo babuze ahandi bajya. Njye mbona gukoresha telefoni mu rusengero cyangwa baganira, ntabwo baba bazi ko binjiriwe n’umwanzi Shitani. Niyo mpamvu dukangurira urubyiruko cyangwa n’Abakirisitu muri rusange kujya bafunga telefoni zabo mu gihe bagiye mu nsengero.”

Pasiteri Jean Baptiste akomeza avuga ko uru rubyiruko ndetse n’abandi, bagakwiye kumenya ko iyo winjiye mu ngoro y’Imana uba ugiye kuganira nayo. Ati “ ko iyo ugiye ahantu hari umuntu ukomeye uba ugomba kwitwararika, bityo akabona ko no mu rusengero umuntu akwiye kwitwararika, gutega amatwi ijambo ry’Imana kuko aricyo kiba cyamuzanye gusa. Agira inama Abakirisitu  kutarangazwa n’ibyisi kuko bizashira, ariko Amagambo uwiteka yavuze azahoraho .

Jean de Dieu Umushumba w’itorero ADEPR Paruwasi ya Nyarugunga

Ibi kandi abihurizaho n’umushumba w’itorero ADEPR Paruwasi ya Nyarugunga Jean de Dieu  Musabyeyezu, wavuze ko imyitwarire idahwitse y’urubyiruko ibahangayikishije ariko kandi ngo babona iterwa na byinshi. Yagize ati” urubyiruko muri iyi minsi usanga rufite imyitwarire idahwitse mu gihe cy’Amateraniro. Gusa kandi usanga biterwa n’impamvu nyinshi zirimo imiryango bavukiyemo, ababareze cyangwa se imico bagiye bakura ahandi”.

Avuga kandi ko usanga urubyiruko rukora ibi, ruba rufite impamvu yaruzanye mu rusengero, atari uko yaje gusenga, ahubwo ko hari abaza kugira ngo Sosiyeti ibagirire icyizere cyangwa ko bakunze itorero cyangwa idini, hakaba n’abajyayo bakurikiye umusore cyangwa inkumi.  Ibi byose bikaba bishobora gutuma bagira imyitwarire idahwitse mu itorero.

Pasiteri Jean de Dieu akomeza agira inama urubyiruko ko bagomba kugandukira Uwiteka, kandi bakamenya agaciro k’ahantu baba bagiye. Abasaba gusenga cyane, kuko akenshi usanga umwanzi Shitani ariwe ubakoresha adashaka uwegera Imana.

Isezerano.com yifuje kumenya icyaba cyihishe inyuma yiyo myumvire yokamye urubyiruko itajyanye  nuko Mwuka Wera ashaka dore ko cyane cyane muri urwo rubyiruko hagaragaramo umubare munini w’abana bavuka kubatabyi .

Pasitire Jean de Dieu Umushumba w’itorero ADEPR Paruwasi ya Nyarugunga       yagize ati “Abana babyawe n’abanyetorero,hari igihe bagira iyo myitwarire idahwitse,kuko abana babyarwa n’abakristo,ariko umukristo abyara umuntu, ntabwo abyara umukristo,niba atarahura na Kristo ngo amuhindure icyaremwe gishya,kuko yakiriye ubutumwa buhindura,byanga bikunda imyitwarire ye izaba idahwitse,kugeza igihe azakirizwa.

Bisobanuye ko nubwo abana bakurira mu Itorero,muri Sunday School n’ahandi ntabwo bisobanuye ko baba bakijijwe,Oya.Ikimenyetso ni uko ababatijwe mu mwuka wera ari hafi ya ntabo.Kuko bafite Theories mu mitwe yabo,Bavuga ibintu Nka Kasuku,ariko mu mitima nta kirimo.

Urubyiruko rwaje mu Itorero rukuze,ikibatera kugira imyitwarire idahwitse,biterwa n’intego yabazanye,bamwe bumva bakunze idini,abandi bakurikiye inshuti zabo,abandi bakurikiye inkumi,abandi Abasore,abandi bumvako ariho nzira yatuma bagirirwa ikizere muri Society,abandi ikaba inzira yo kubona ibyo bifuza mu Buzima bwa hano ku isi.

Ibyo byose niba intego atari (Guhunga ibyaha no Guhunga umujinya uzatera,niba atari Kwakira Kristo nk’umwami n’umukiza w’ubugingo, Ntabwo umuntu yabura kugira imyitwarire idahwitse). Kuko niba Kristo atari we uyoboye,Satani arayobora,Iyo ayoboye haboneka imirimo ya kamere aribyo byaha Kandi ibyaha bigaragaza aho Satani akorera.

Fratri Wellars witegura guhabwa ubuseseridoti we yavuze ko  asaba urubyiruko kumenya ko aho ruba rwinjiye ari mu ngoro ntagatifu, kuko niba umuntu ashobora kubaha ahantu hari umuyobozi runaka, ngo ntibyamunanira kubaha ahantu aba atari bumare nibura amasaha atatu. Abona igikwiye ari ukwigisha urubyiruko cyane bagacika kuri uwo muco kandi avuga ko kwigisha ari uguhozaho.

Kuruhande rw’urubyiruko uyu witwa  Tuyisingize Pacific yavuze ko  kuba urubyiruko rujya mu rusengero rugafata telefoni bakavuga ko rwarangaye, kubwabo abona atari ukurangara, kuko akenshi usanga ariho bafite bibiliya cyangwa ibitabo by’indirimbo. Yakomeje ahakana ati “ntayindi myitwarire itari myiza tugira. Gusa kandi nanone hari ushobora kuza, gahunda imuzanye atari ugusenga, kuko buri wese aba afite impamvu imuzana mu rusengero.”

Iyakaremye Damien we ati” n’ubwo ndi umwe muri aba bavugwaho ko bafite imyitwarire itari myiza mu rusengero, ariko sinemeranya n’umuntu wifata akajya muri telefoni kandi yajyanwe no gusenga, ibyo mbibona nko kudaha agaciro ahantu baba bagiye cyangwa se bakaba batazi icyabazanye. Niba wagiye mu misa cyangwa mu materaniro menya ko ari ahandi hantu uba wagiye uba ukwiye kuhubaha rero.”

Tumusifu Léonard we avuga ko atariko abibona kuko ikibazo cyaba mu gihe umuntu asakuza akarengera cyangwa se akarangaza bagenzi be. Yagize ati” ikibazo cyabaho ari uko warangaje itorero ryose, naho mu gihe uganira nuwo mwegwranye, njye mbona nta myitwarire idasanzwe irimo! Ikindi kandi kuba wakoresha telefoni mu gihe cy’ijambo ry’Imana, ni uko Pasiteri aba avuze ko tugomba gusoma umurongo runaka, kandi isi tugezemo n’iyo kujyana n’ikoranabuhanga. Rero ugiye wita kukuba umuntu ari gukoresha telefoni muri ubu buryo, wasanga nta n’urubyiruko rugarutse gusenga, kuko waba uri kubabangamira.”

Uru rubyiruko narwo rwagerageze gukebura ababashinja iyo myitwarire idahwitse .Mukamugema yagize  ati” Njye ntawe nacira urubanza cyangwa ngo mutere amabuye kuko burya Kami ka muntu ni umutima we, buriya rero ugiye wita kuri buri muntu nibyo arimo mu rusengero ushobira gusanga utangiye guca imanza, kandi ukabicumuriramo. Ushobira gusanga wowe uri gucira urubanza uriya musore cyangwa iriya nkumi, akurusha ni gukiranuka kuko ntabwo uba umuzi wese.

You may also like

Leave a Comment