NGOMA : Umubyeyi urara mu nzu idakinze mu gihe cy’amezi 11, aratakambira a karere kumufasha kurenganurwa agahabwa impoza marira nyuma y’uko ibidamu biri mu murima wa Kiliziya Gatulika bimwiciye umwana

Uyu mubyeyi  witwa Mukandikubwimana Mariya Denise  n’umubyeyi w’abana batatu ,atuye mu karere ka Ngoma mu murenge wa Zaza , mu kagali ka  Karaba mu mudugudu wa Kigobe . Uyu mubyeyi utishoboye  arasaba ubuyobozi bwa karere ko bwa mufasha akabasha guhabwa indishyi kuko ibidamu biri mu murima wa  Diyoseze ya Kibungo bya muhekuye.  

Taliki ya 27 Mutarama 2020 nibwo ikinyamakuru isezerano.com cyabagejejeho inkuru y’akababaro , y’urupfu rutunguranye rw’umwana wa Mukandikubwimana Mariya Denise  wapfuye azize kugwa mu bidamu byacukuwe n’umushoramari Dr Karuranga Egide ,mu gihe yari avuye ku ishuri . Ariko kugeza ubu bikaba bivugwa ko bishobora kuba  biri mu maboko ya Diyoseze ya Kibungo  kandi akaba ariyo  ibibyaza umusaruro.

Mu kiganiro Mukandikubwimana yagiranye n’isezerano .com , mu gahinda kenshi yavuze ko yasuzuguwe cyane kuko ari umukene wa ntaho nikora , kuko nta muntu numwe wa turutse muri kiliziya gaturika byibuze waje  kumpuhumuriza bityo akaba asaba ko ubuyobozi  bwa mufasha akabasha kubona indishyi yakababaro

Yakomeje avuga ati”ndasaba impozamarira , kuko abantu bategura ibintu bifite inyungu zabo nanjye bikarangirira ahangaho koko ku maherere asa kuriya?Umwana wanjye niwe wari ahazaza hanjye,niwe wari mashami yanjye ndetse akaba amaboko yanjye , none byara mwishe. Ndi umukene wa burundu burundu  nkubu tumaze amezi 11 tuba mu nzu idakinze nta dirinshya, nta rugi  , mfite umugabo w’umurwayi  ufite ubumpuga bwo mu mutwe .

Tumaze gushyingura nta muyobozi ntumwe ntigeze nongera kubona na kiliziya ubwayo sindayibona .Nta muntu numwe byibuze waje kumbwira ngo impore yewe n’umuyobozi w’umudugudu wa girango ntacyo azi !

Yakomeje atangaza ko nyakubahwa gitifu w’umurenge wa Zaza  dushyingura bari bahari ariko nyuma ntarindi jambo bigeze bavuga na rimwe. Ati ‘ nagiye kureba gitifu w’umurenge wa Zaza  arambwira ati” mada nta mpoza marira irimo  kuko biriya tubifata nk’ibiyaga , niba umwana wawe ariwe wijyanyemo akituramo  urumva byatangirwa impoza marira ? nta mpoza marira  ubuhinzi bugira  keretse uri umukozi wabo  kuva utarahingaga ntayo wabona niyo wabikurikirana.

Mariya Denise  yakomeje avuga ko asaba ubuyobozi bwa karere ka Ngoma  kumufasha akabona impoza marira kuko biriya byakozwe n’umuntu ku giti cyabo , ntabwo bipfundikiye cyangwa ngo bigire ubirinda .

Ku murongo wa telephone twavuganye na Musenyeri Ishimatata  uyobora Diyoseze ya Kibungo ,abajijwe nyiri bidamu bicukuye muri iyo sambu , mu magambo ye gagize ati:”isambu ni ya Diyoseze ya Kibungo ntagushidikanya ,ariko ibidamu hari umushoramari witwa Karuranga Egide niwe nyirabyo .

Musenyeri Ishimatata akaba yahakanye yivuye inyuma ko atari ibya kiliziya , ati” twagiranye amasezerano y’imyaka icumi , ibyo yasezeranye na Diyoseze ntabwo yabikurikije ntabwo yanditse avuga ko amasezerano yaseswa kugirango dusubirane ibintu byacu ntabwo birakorwa.

Musenyeri avuga ko yakodesheje uwo murima imyaka 10 kandi umushoramari Egide akaba yaramaze imyaka 3 gusa . ati” akarere karatwandikiye kadusaba kubizitira cyangwa tukabisiba , tubabwira ko atari ibyacu.

Uwo mushoramari Dr Karuranga Egide ubwo aheruka kuvugana n’isezerano.com  kugirango tumubaze   ingamba agiye gufatira ibyo bidamu bimaze guhitana abana 2 .

Yaduhakaniye yivuye inyuma ko ataribye kuko yabihagaritse kera , yagize ati” nta business makorera bimaze umwaka bidakora  , abajijwe niba yarabimenyesheje ubuyobozi ko atakihakorera  mu magambo ye yemeje ko babizi ko yahagaze .Ati kera twarahingaga tukuhira  ariko nyiri sambu ntabwo yarakibishaka ko tuhakorera .

Umuyobozi nshingwabikorwa w’umurenge wa Zaza bwana Singirankabo Jean Claude  wabashije gutwara umurambo wa nyakwigendera Donatien yatangarije isezerano .com ko we ntakintu kinini yabivugaho , kuko ba bimenyesheje akarere , kandi bakaba baratangiye kubizitira.

Isezerano.com  yagerageje guhamagara umuyobozi w’akarere ka Ngoma ku umurongo wa telephone ariko ntiyabasha kwitaba ,kugirango tumenye neza koko niba icyo kibazo bakizi  turagumya kugerageza kumushaka .

Ababyeyi baturiye ibyo byobo nabo baratakambira ubuyobozi kubafasha bikavaho kuko bizabamarira abana kuko bimaze kwica abana ba babili  , kandi bikaba bishamikiyeho nindi myobo minshi .

Ali Gilbert Dunia

Umunyamakuru wa Isezerano.com , kuva mu mwaka 2016.
Yize itangazamakuru n’itumanaho (Journalism and Communication) muri Institut Catholique de Kabgayi (ICK).
Afite impamyabushobozi muri (Office Administration and Management) muri Kaminuza y’ u Rwanda (UR) .
Amaze imyaka 8 mu mwuga w’itangazamakuru .

• Igitabo ubuzima bufite intego umunsi wa 5: Kubona ubuzima uko Imana ibubona
• Menya ibisobanuro by’indirimbo nshyashya Open Doors ya “ADA Ehi”,indirimbo imaze iminsi 4 isohotse
• USA:Umuhanzi Zabron Ndikumukiza yinjiranye mu muziki uhimbaza Imana indirimbo “Ntuhinduka” ivuga ubudahemuka bwayo

Set your Author Custom HTML Tab Content on your Profile page