Laetitia Dukundimana ati:” nsohoye indi ndirimbo nshyashya kuko ari igihe cyo gukora cyane muri uyu mwaka .
Laetitia Dukundimana Mulumba ni umuririmbyi w’umunyarwanda utuye mu gihugu cy’Ubufaransa , akaba aririmba indirimbo zihimbaza Imana.
Uyu muhanzi ni umugore wa Producer Mulumba uzwi ku izina rya( Bill Gates). Umuhanzi Laetitia amaze gushyira hanze indirimbo ye nshyashya yise [ Himbazwa’ ]ariko ubusanzwe azwi cyane ku indirimbo nka Nduburira amaso Utubohore ,Kwizera.
Mukiganiro yagiranye ni ikinyamakuru Isezerano .com ku umurongo wa telephone yatubwiye ko atahisemo kuba umuhanzi ahubwo ko ari ubuntu bw’Imana bwa musanze . Mu magambo ye yagize ati:”ntabwo nahisemo kuba umuhanzi ahubwo n’ubuntu bw’Imana bwansanze aho narindi , mu gihe nari maze kwakira agakiza , ndahamagarwa nanjye kuba umwe mubakorera Imana.
Laetitia yakomeje yemeza ko ibyo yagiye ahabwa bimugaragazaho Umwuka w’Imana ,kandi ko mubintu bimufasha muri uyu murimo harimo no kuririmba ndetse no kuvuga ubutumwa ni ibindi byinshi akorera mu nzu y’Imana.
Abajijwe aho akomora impano yavuze ko atayikomora ku muntu ahubwo ko ari Ubuntu bw’Imana buza ku muntu ku giti ke .
Ati :”n’ubwo umuryango wacu turimo turi Abakristo ,abarokore , abenshi dukorera Imana ndetse dufite n’abandi baba muri korali baririmba ariko ntabwo nakwibaza ko aribo impano yavuyeho .
Laetitia akaba yagarutse cyane ku inzitizi yahuye nazo muri uyu murimo wo kuririmba indirimbo zihimbaza Imana. Ati:” inzitizi ni nyinshi ,iyo umuntu ahagurutse gukorera Imana . Tugira umurimo mwiza , kuko kuririmba ni umurimo wihariye , kuko n’umurimo Satani adakunda kuko n’umurimo yanyazwe .
Iyo Satani amenye amakuru ko uhagurutse uje gukorera Imana , kandi ushyigikiwe n’Imana intambara ni inzitizi ntabwo byabura. Icyangoye kwari kubona aho nkorera indirimbo kuko nibyo byangoye bigatuma ntabasha gusohora ibihangano byinshi, ariko ndashima Imana ko yabikemuye .
Laetitia yavuze ko igihe ari iki cyo gukora cyane akorera Imana , kuko afite ubushobozi kandi umugabo we akaba ariwe uri kumufasha gukora indirimbo .
Yasoje asaba abakunzi be ndetse n’abanyarwanda kwitegura ibikorwa bye byinshi muri uyu mwaka . kandi ko mu minsi micye amashusho y’iyi ndirimbo nshyashya [Himbazwa] azaba yageze hanze.
Umunyamakuru wa Isezerano.com , kuva mu mwaka 2016.
Yize itangazamakuru n’itumanaho (Journalism and Communication) muri Institut Catholique de Kabgayi (ICK).
Afite impamyabushobozi muri (Office Administration and Management) muri Kaminuza y’ u Rwanda (UR) .
Amaze imyaka 8 mu mwuga w’itangazamakuru .