Home Ubuzima Ubuzima: Ubushakashatsi bubiri ku rukingo rwa Coronavirus, buragaragaza ko bushobora gutanga igisubizo cyiza

Ubuzima: Ubushakashatsi bubiri ku rukingo rwa Coronavirus, buragaragaza ko bushobora gutanga igisubizo cyiza

by KATABARWA Gilbert
0 comment

Igeragegeza ry’urukingo rwa Coronavirus, riri gukorwa n’Abongereza n’ Abashinwa, riri mu cyiciro kibanza. Imikorere yarwo igomba kubanza kugeragezwa ku bantu benshi, mbere yuko byemezwa ko rujya gukoreshwa n’abantu bose.

Ubushakashatsi ku rukingo rwa Covid-19 buri kwihuta, nubwo hamaze kuboneka ibisubizo by’igerageza rya mbere, ariko abashakashatsi bo mu Bwongereza n’abo mu Bushinwa bari kongera umuhate muri icyo gikorwa. Ku wa mbere, tariki 20 Nyakanga 2020, biciye mu kinyamakuru cyibanda ku nkuru z’ubuvuzi cyo mu Bwongereza, cyitwa “The Lancet”, nibwo iyi mishinga 2 y’urukingo, (uw’Abongereza nuw’ Abashinwa) hagaragajwe ko itanga igisubizo gikomeye k’ubudahangarwa bw’umubiri w’umuntu, kandi ko izo nkingo zihanganirwa n’abarwayi.

Ubushakashatsi ku rukingo rwa mbere rwatunganijwe na kaminuza ya Oxford yo mu Bwongereza, ku bufatanye n’itsinda ry’abakora imiti ryitwa AstraZeneca, byatanze umusaruro wa antibodies na Lymphocytes T, akaba ari ubwoko bubiri bw’ubudahangarwa bw’umubiri, bwifashishijwe mu igeragezwa ry’urukingo ryakorewe ku barwayi barenga 1000. Umushinga wa kabiri ku rukingo, wakorewe i Wuhan (mu Bushinwa) n’abashakashatsi bo mu mashyirahamwe menshi, harimo n’ishuri rya Gisirikare ry’ubuvuzi, kandi nanone watewe inkunga n’itsinda rya Biotechnology ryo muri Hong Kong. Nabo bakaba barabonye igisubizo gitanga icyizere k’ubudahangarwa bw’umubiri w’umuntu, hagendewe ku bantu bagera kuri 500, bitabiriye kandi bagakorerwaho igeragezwa ry’urwo rukingo.

Igeragezwa ry’urukingo rw’Abashinwa n’Abongereza ruracyari mu cyiciro cya mbere, n’icya 2 (Preliminary phase), nyuma yaho hazakurikiraho igeragezwa ku cyiciro cya 3, rikorewe ku bantu benshi kugirango barebe uko ubudahangarwa bw’umubiri w’umuntu bwakiriye urukingo. Professor Jonathan Ball, wigisha muri kaminuza ya Nottingham mu Bwongereza, mu gashami ka Molecular Virology, utaragize uruhare muri ubu bushakashatsi, we yagize ati: “ntabwo tuzi niba izo nzego z’ubudahangarwa zishobora gukumira kwandura COVID-19, cyangwa se niba uru rukingo rushobora kurinda ubwoko bworoshye cyane bwa COVID-19.”

Ibi bisubizo byari bitegerejwe cyane, kuko abashakashatsi benshi na za laboratoires nyinshi ku Isi barimo gusiganwa n’igihe, kugirango babone urukingo rwizewe kandi ruboneye kuri Covid-19. Kuri ubu hakaba hari inkingo zigera kuri 200 zateguwe ziri guhatana kugirango haboneke uruzakoreshwa, 23 muri zo ziri mu cyiciro cyo kugeragerezwa kwa muganga (ni ukuvuga ziri gukoreshwa ku bantu). Minisitiri w’intebe w’Ubwongereza Boris Johnson yashimye abicishije ku rubuga rwe rwa Twitter aho yanditse ati “intambwe y’ingenzi mu cyerekezo cyiza”, ndetse akaba yaranashimangiye ko hakenewe andi magerageza menshi.

Michael Ryan, umuyobozi ushinzwe ibibazo byihutirwa by’ubuzima mu muryango w’abibumbye mu gashami k’ubuzima, we yagize ati: “Iki ni igisubizo cyiza, ariko haracyari inzira ndende.” Mu gihe umuyobozi we mukuru Tedros Adhanom Ghebreyesus yahamagariye abantu gukorana umurava, bifashisha ibikoresho bafite mu kurwanya Coronavirus, mu gihe hagitegerejwe ko ubushakashatsi bw’urukingo bwera imbuto.

Umushakashatsi muri kaminuza ya Oxford, Sarah Gilbert we yagize ati: “Niba urukingo rwacu rugaragaye ko rufite akamaro, ubu ni bwo buryo butanga icyizere kuko ubu bwoko bw’inkingo bushobora gukorwa ku buryo bworoshye ku rugero runini.” Urukingo rwa Oxford ndetse n’urukingo rwa Cansino muri Hong Kong rushingiye kuri adenovirus (bwa mbere rwifashishijwe kuri chimpanzee, bwa kabiri ruri kugeragerezwa ku bantu), uyu akaba ari umuryango wa virusi ukunze gutera ibicurane by’umwihariko.

Iyo virusi ikaba yarahinduwe mu buryo bw’imikorere n’imiterere y’uturemangingo twayo (genetically), kugira ngo iyo virusi ikore icyitwa “Proteine de pointe (Spike)” ya SARS-CoV-2. Abashakashatsi mu gukora ibi, bari bafite igitekerezo cyo kureba niba ubudahangarwa bw’umurwayi bushobora kumenya ko bwinjiwe na virus. Iyo Virusi yahinduwemo protein ntabwo yiyongera mu mubiri, bityo bituma itekana, cyane cyane ku barwayi bafite intege nke.

Iyi nkuru dukesha “Le monde” ivuga ko iri gerageza ry’urukingo rw’Abongereza, n’urw’Abashinwa nta na rumwe rwagaragaje ingaruka zikomeye. Kubabara umutwe, umuriro, umunaniro n’ububabare nizo ngaruka abateraga urukingo ruri mu igerageza bibandagaho, bacunganwa nazo. Nyuma y’iminsi 28 yo gutera urukingo ruri mu igerageza, abarenga 90% mu bitabiriye igerageza mu Bwongereza basanze “Antibodies” zabo zibasha guhangana na virus mu maraso yabo, naho 85% bitabiriye igerageza ry’urukingo mu Bushinwa basanga nabo “Antibodies” zabo zibasha guhangana n’iyo virus mu maraso yabo.

Wei Chen, umwanditsi muri Institut de Biotechnologie de Pekin avuga ko ikibazo gihari ari uko, igerageza ry’urukingo rwa coronavirus mu Bushinwa, byagaragaye ko abarwayi bafite imyaka iri hejuru ya 55, igipimo cy’abasirikare babo b’umubiri “Antibodies” kiri hasi. Akaba asaba ko hakwiye kurebwa ibindi byakongerwa muri uwo muti, kugirango abakuze barusheho gukingirwa. Ubu bushakashatsi buvuga ko akamaro ka ziriya Lymphocytes T na White blood cells cyangwa Globules blancs, ari ukwica utundi tunyabuzima tubi, mu mibiri y’abantu, ndetse no kwibuka ibituranga mu gihe haje ubundi bwandu bushya mu mubiri.

Mu y’indi mishinga igeze ku rwego rwo hejuru mu gukora urukingo rwa COVID-19, ikigo cy’ubushakashatsi cy’Abanyamerika cyatangaje ko guhera tariki 27 Nyakanga 2020, kizatangira icyiciro cya 3 cy’igerageza ry’urukingo rwa Coronavirus, aho bazarukoresha ku bantu 30000, mu rwego rwo kureba ubushobozi bwarwo uko bungana kandi niba azaba ari ubwo kwizerwa. kimwe cya kabiri cy’abantu 30000 bazaba bitabiriye bazahabwa umuti ungana na micrograms 100, abasigaye bahabwe igipimo gitandukanye n’abambere (Placebo).

Gusa laboratoire y’Abashinwa “Sinovac” yateye imbere cyane itangaza ko, ku ya 6 Nyakanga 2020, icyiciro cya gatatu n’icya nyuma cy’igerageza ry’urukingo kizatangira uku kwezi, ku bufatanye na Butantan yo muri Brezil. Hakazaba harimo inzobere mu by’ubuzima zigera ku 9000, muri iki gihugu cyibasiwe cyane n’icyorezo cya Covid-19.

 

You may also like

Leave a Comment